Kɛ́nsísɔ́ 1:16 - MAWUXÓWÉMA

¹⁶ Hɛ̌nnugán énɛ́ lɛ́ɛ e è sɔ́ ɖo togun ɔ́ mɛ lɛ́ɛ lɛ́ nyí ahwangán Izlayɛ́li tɔn.

Kɛ́nsísɔ́ 1:16 Iomraidhean Croise

Tíntɔ́n 18:21

Kpɔ́n togun ɔ́ bǐ mɛ, bó cyán súnnu nukúnɖéjí e nɔ ɖó sísí nú Mawu, bó yí wǎn nú nǔgbó ɖiɖɔ lobo ma nɔ yí wǎn nú nǔ ɖu ɖo nǔ mɛ ǎ lɛ́ɛ; sɔ́ yě dó ɖó gǎn ɖo togun ɔ́ nu: a nǎ sɔ́ mɛɖě ɖó gbɛtɔ́ afatɔ́n (1.000) nu, bó ná sɔ́ mɛɖě ɖó gbɛtɔ́ kanwe ko (100) nu, bó ná sɔ́ mɛɖě ɖó gbɛtɔ́ kanɖé wǒ (50) nu, bó ná sɔ́ mɛɖě ɖó gbɛtɔ́ wǒ nu.

Tíntɔ́n 18:25

É cyán gbɛtɔ́ nukúnɖéjí lɛ́ɛ ɖo togun ɔ́ mɛ, bó zé yě ɖó togun ɔ́ nu: é zé mɛɖě ɖó gbɛtɔ́ afatɔ́n (1.000) nu, bó zé mɛɖě ɖó gbɛtɔ́ kanwe ko (100) nu, bó zé mɛɖě ɖó gbɛtɔ́ kanɖé wǒ (50) nu, lobo zé mɛɖě ɖó gbɛtɔ́ wǒ nu.

Micée 5:2

Énɛ́ ɔ́ wú wɛ Mawu Mavɔmavɔ ná jó togun tɔn dó nú kɛntɔ́ lɛ́ɛ káká jɛ hwenu e nyɔ̌nu e ɖo ajidonu ɔ́ ná ji vǐ dó é. Yě mɛ e ná kpo ɖo gbɛ ɖo kannumɔgbénu lɛ́ɛ ná lɛ́ kɔ wá gɔ́ nú Izlayɛ́li ví e kpo ɖo xwé lɛ́ɛ.

Kɛ́nsísɔ́ 1:15

Axila, Eyináni ví ɔ́; akɔta Nɛfutali tɔn mɛ wɛ é ɖe.”

Kɛ́nsísɔ́ 1:17

Mɔyízi kpódó Aalɔ́ɔn kpó sɔ́ mɛ énɛ́ lɛ́ɛ e è ɖe lɛ́ɛ gɔ́ nú yěɖée.

Kɛ́nsísɔ́ 1:4

Hɛ̌nnugán akɔta ɖokpó ɖokpó tɔn ná dó alɔ mi.

Kɛ́nsísɔ́ 10:4

Nú kpɛn ɔ́ ɖokpó wɛ è kwín ɔ́, gǎn lɛ́ɛ kpó Izlayɛ́li ví lɛ́ɛ sín hɛ̌nnugán lɛ́ɛ kpó kɛ́ɖɛ́ wɛ ná nɔ́ kplé ɖo gɔ̌n towe.

Kɛ́nsísɔ́ 11:17

Un ná jɛ te, bó ná ɖɔ xó nú we ɖo fínɛ́; un ná yí yɛ e ɖo jǐ towe ɔ́ ɖě, bó ná sɔ́ ɖó yě jǐ, bónú yě ná hɛn togun ɔ́ sín agban xá we, bónú hwi ɖokpónɔ ní má hɛn ó.

Kɛ́nsísɔ́ 16:2

Yě fɔ́n gǔ dó Mɔyízi jí. Izlayɛ́li sín gǎn lɛ́ɛ kpódó tomɛxó lɛ́ɛ kpó wɛ nɔ́ ná tasyɛ́n yě. Yě mɛ afɔɖé kanɖé wǒ wɛ (250).

Kɛ́nsísɔ́ 26:9

Eliavu ví súnnu lɛ́ɛ ɖíe: Nɛmuwɛ́li, Datáni kpódó Abilámu kpó. Datáni kpó Abilámu kpó ɔ́, gbɛtɔ́ nukúnɖéjí Izlayɛ́li tɔn lɛ́ɛ mɛ wɛ yě ɖe. Yědɛɛ lɛ́ɛ wɛ fɔ́n gǔ dó Mɔyízi kpó Aalɔ́ɔn kpó jí. Hwenu e Kolée kpó ahwan tɔn lɛ́ɛ kpó fɔ́n gǔ dó Mawu Mavɔmavɔ jí ɔ́, yě wɛ nɔ jǐ yětɔn.

Kɛ́nsísɔ́ 30:1

Mɔyízi ɖɔ nǔ e Mawu Mavɔmavɔ ɖɔ n'i lɛ́ɛ bǐ nú Izlayɛ́li ví lɛ́ɛ.

Kɛ́nsísɔ́ 7:2

Ée é bló mɔ̌ é ɔ́, hɛ̌nnugán e sɔ́ akɔta Izlayɛ́li ví lɛ́ɛ tɔn sín afɔ ɖó te lɛ́ɛ sɛkpɔ́. Yědɛɛ lɛ́ɛ wɛ sɔ́ Izlayɛ́li ví lɛ́ɛ sín kɛ́n xá yě.

Sɛ́nflínmɛ 1:15

Énɛ́ ɔ́, un cyán gbɛtɔ́ nǔnywɛ́tɔ́, gbɛtɔ́ e è sixú ɖe kúnnu ɖagbe ná, bɔ yě kó ɖó azɔ̌, bó nɔ́ wa ɖo akɔta mitɔn lɛ́ɛ mɛ lɛ́ɛ. Un zé mɛ ɖě ɖó gbɛtɔ́ afatɔ́n (1.000) nu, bó zé mɛ ɖě ɖó gbɛtɔ́ kanwe ko (100) nu; mɛ ɖě kpa acɛ dó gbɛtɔ́ kanɖé wǒ (50) abǐ wǒ nu? Un zɔ́n mɛ ɖě lɛ́ɛ ɖɔ yě ní cɔ́ mɛ lɛ́ɛ ɖo akɔta ɖokpó ɖokpó mɛ.

Hwɛɖɔtɔ́ 6:15

Jedenyɔ́ɔ ka ɖɔ n'i ɖɔ: “Aklúnɔ ce, kɛnklɛ́n! Nɛ̌ un ná sixú hwlɛ́n Izlayɛ́li ví lɛ́ɛ gbɔn? Hɛ̌nnu ce wɛ nyí hɛ̌nnu e ɖo gǔdo bǐ ɖo akɔta Manasée tɔn ɔ́ mɛ é; nyɛ wɛ ka nyí yɔkpɔ́vú bǐ ɖo xwédo ce mɛ.”

1 Samuwɛ́li 22:7

Bɔ é ɖɔ nú yě ɖɔ: “Bɛnjamɛ́ɛnu e mi, mi ɖótó mì ganjí. Jɛsée ví ɔ́ ná ná gle kpó vǐwungbo kpó mi bǐ nyɛ ɖɔhun wɛ mi vɛdó a? É ná sɔ́ mi ahwangán, bɔ mɛ ɖě ná nyí sɔ́ja afatɔ́ngán, bɔ mɛ ɖé lɛ́ɛ ná nyí sɔ́ja kanwekogán mi vɛdó a? Gbeɖé kpɔ́n!

1 Samuwɛ́li 23:23

Mi ba do ná, bó tunwun fí e é nɔ hɔn hwlá cí lɛ́ɛ bǐ, bó lɛ́ kɔ wá mɔ mì, bó ná ɖɔ fí e é ɖe tawun ɔ́ nú mì. Énɛ́ ɔ́, un ná xwedó mi yi. Ényí to ɔ́ mɛ jɛ́n é ɖe ɔ́, un ná ba ɛ gbɔn Judáa yíkúngban ɔ́ jí káká bó ná mɔ ɛ.”