Kɛ́nsísɔ́ 1:1 - MAWUXÓWÉMA

¹ Xwe e bɔ dó xwe e mɛ Izlayɛ́li ví lɛ́ɛ gosín Ejípu ɔ́ wú ɔ́, ɖo sun tɔn wegɔ́ ɔ́ sín azǎn nukɔn tɔn ɔ́ gbe ɔ́, Mɔyízi ɖo Goxɔ ɔ́ mɛ, bɔ Mawu Mavɔmavɔ ɖɔ xó n'i ɖo gbětótló Sinayíi tɔn mɛ; é ɖɔ n'i ɖɔ:

Kɛ́nsísɔ́ 1:1 Iomraidhean Croise

1 Axɔ́sú 6:1

Hwenu e Salomɔ́ɔ ɖo xwe ɛnɛ bló wɛ ɖo zinkpo jí, ɖo Izlayɛ́li ɔ́ wɛ é jɛ Mawu Mavɔmavɔ xwé ɔ́ sá jí, ɖo Ziwu sín sun ɔ́ mɛ, sun wegɔ́ e ɖo xwe ɔ́ mɛ é. Izlayɛ́li ví lɛ́ɛ gosín Ejípu ɔ́, é ko bló xwe afɔwe kanwe (480) nɛ́.

Tíntɔ́n 19:1

Izlayɛ́li ví lɛ́ɛ gosín Ejípu ɔ́, sun atɔn pɛ́pɛ́pɛ́ wɛ yě bló bó wá Sinayíi sín gbětótló ɔ́ mɛ azǎn énɛ́ ɔ́ gbe.

Tíntɔ́n 19:2

Gbětótló Hlefidímu tɔn ɔ́ mɛ wɛ yě gosín bó wá gbětótló mɛ fí, ɖo Sinayíi só ɔ́ kpá, bó ɖó gɔnu ɖó fínɛ́.

Tíntɔ́n 25:22

Fínɛ́ wɛ un ná nɔ́ kpé we ɖe, ɖo gbǎ ɔ́ sín nusú jí, ɖo wɛnsagun we lɛ́ɛ tɛ́ntin. Sɛ́n e a nǎ dó nú Izlayɛ́li ví lɛ́ɛ ɔ́, fínɛ́ wɛ un ná ɖɔ bǐ sɛ́ dó we sín.”

Tíntɔ́n 40:17

Yě gosín Ejípu ɔ́, é bló xwe ɖokpó, bɔ sun nukɔntɔn e ɖo xwe énɛ́ ɔ́ mɛ ɔ́ sín azǎn nukɔntɔn ɔ́ gbe ɔ́, è blǒ goxɔ ɔ́.

Tíntɔ́n 40:2

“Sun nukɔntɔn ɔ́ sín azǎn nukɔntɔn ɔ́ gbe ɔ́, a nǎ blǒ goxɔ e mɛ un ná nɔ wá kpé togun ɔ́ ɖe ɔ́, nɔtɛn ce ɔ́.

Levíi ví 1:1

Mawu Mavɔmavɔ nɔ goxɔ e mɛ é nɔ́ kpé togun tɔn ɖe ɔ́ mɛ, bó ylɔ́ Mɔyízi, bó ɖɔ n'i ɖɔ

Levíi ví 27:34

Sɛ́n e Mawu Mavɔmavɔ dó nú Izlayɛ́li ví lɛ́ɛ gbɔn Mɔyízi jí, ɖo Sinayíi só jí lɛ́ɛ nɛ́.

Kɛ́nsísɔ́ 1:18

Énɛ́ ɔ́ gúdo ɔ́, yě ylɔ́ togun Izlayɛ́li tɔn ɔ́ bǐ kplé, ɖo sun wegɔ́ ɔ́ sín azǎn nukɔn tɔn ɔ́ gbe, bó sɔ́ mɛ e ko ɖó xwe ko lɛ́ɛ, kpódó mɛ ko ɖó hú mɔ̌ lɛ́ɛ kpó sín kɛ́n. Yě sɔ́ hɛ̌nnu nabí e ɖo akɔta ɖokpó ɖokpó mɛ ɔ́ sín kɛ́n, bó sɔ́ gbɛtɔ́ nabí e ɖo hɛ̌nnu ɖokpó ɖokpó mɛ ɔ́ sín kɛ́n,

Kɛ́nsísɔ́ 12:4

Tlóló kpowun ɔ́, Mawu Mavɔmavɔ ɖɔ nú Mɔyízi kpó Aalɔ́ɔn kpó, kpódó Miliamu kpó ɖɔ: “Mi mɛ atɔn lɛ́ɛ ní yi Goxɔ ɔ́ kɔn.” Bɔ yě mɛ atɔn lɛ́ɛ bǐ ɖidó.

Kɛ́nsísɔ́ 9:1

Mawu Mavɔmavɔ ɖɔ xó nú Mɔyízi ɖo gbětótló Sinayíi tɔn mɛ. Izlayɛ́li ví lɛ́ɛ gosín Ejípu ɔ́ xwe e bɔ dó xwe énɛ́ ɔ́ wú ɔ́ sín sun nukɔn tɔn ɔ́ mɛ wɛ é ɖɔ xó n'i; é ɖɔ n'i ɖɔ:

Sɛ́nflínmɛ 1:3

Izlayɛ́li ví lɛ́ɛ gosín Ejípu ɔ́, é bló xwe kanɖé (40); sun wǒ-ɖokpógɔ́ ɔ́ e ɖo xwe kanɖégɔ́ énɛ́ ɔ́ mɛ ɔ́ sín azǎn nukɔntɔn gbe wɛ Mɔyízi ɖɔ nǔ e Mawu Mavɔmavɔ ɖɔ é ní ɖɔ nú Izlayɛ́li ví lɛ́ɛ ɔ́ nú yě.

Sɛ́nflínmɛ 2:14

Cóbónú mǐ nǎ gosín Kadɛ́ci-Baanɛ́ya bó gbɔn Zelɛ́di tɔ ɔ́ mɛ dín ɔ́, xwe gbantɔ́n-nukún-atɔn (38) wɛ mǐ bló. Hwenɛ́nu ɔ́, mɛ e ɖó xwe e ná fun ahwan lɛ́ɛ bǐ kó kú, lě e Mawu Mavɔmavɔ ko ɖɔ gbɔn nú yě ɖ'ayǐ é.

Sɛ́nflínmɛ 2:7

Đó nyɛ Mawu Mavɔmavɔ, Mawu mitɔn dó acɛ azɔ̌ e mi wa lɛ́ɛ bǐ jí. Un nya xɛ ɖo mi jí hwenu e mi ɖo gbětótló ɖaxó nɛ́ mɛ gbɔn dín wɛ é. Xwe kanɖé nɛ́ é nɔ kpɔ́ xá mi xɔ nɛ́, bɔ nǔ ɖěbǔ hwedó mi ǎ.