Nɛɛmíi 9:2 - MAWUXÓWÉMA

² Yě yi cí vo nú mɛ e ma nyí Jwifu ǎ lɛ́ɛ, bó ɖɔ hwɛ yětɔn lɛ́ɛ nú Mawu; yě ɖɔ nú Mawu ɖɔ hwɛhutɔ́ wɛ émí kpó tɔ́gbó émítɔn lɛ́ɛ kpó nyí.

Nɛɛmíi 9:2 Iomraidhean Croise

1 Axɔ́sú 8:47

nú yě byɔ́ yěɖée mɛ ɖo to e mɛ yě nyí kannumɔ ɖe ɔ́ mɛ ɔ́, nú yě lɛ́ kɔ wá gɔ̌n towe, bó sa vo nú we ɖo to e mɛ è wlǐ yě yi ɔ́ mɛ, bó ɖɔ: ‘Mǐ vɛ́ tóli, mǐ hu hwɛ, mǐ wa nǔ nyi do’ ɔ́,

Ɛsidlási 10:11

Din ɔ́, mi ɖó ná yí hwɛ mitɔn lɛ́ɛ gbe, ɖo Mawu Mavɔmavɔ e nyí Mawu tɔ́gbó mitɔn lɛ́ɛ tɔn ɔ́ nukɔn, bó ná wa jlǒ tɔn. Mi ma sɔ́ kpé nǔɖé xá to ɔ́ mɛ nu lɛ́ɛ ó; mi jó nyɔ̌nu toɖévomɛnu e mi da lɛ́ɛ dó.”

Ɛsidlási 6:21

Izlayɛ́li ví lɛ́ɛ bǐ ɖu Dǐndínwáyixwe ɔ́ sín nǔɖuɖu: mɛ e lɛ́ kɔ sín kannumɔgbénu wá lɛ́ɛ, kpódó mɛ e ko jó walɔ kwíji kwíji to ɔ́ mɛ nu lɛ́ɛ tɔn lɛ́ɛ dó é kpó. Yě mɛ énɛ́ lɛ́ɛ wá gɔ́ nú Izlayɛ́li ví ɖě lɛ́ɛ bó nɔ́ sɛn Mawu Mavɔmavɔ, Mawu Izlayɛ́li tɔn.

Ɛsidlási 9:1

Ée nǔ énɛ́ lɛ́ɛ jɛ gúdo ɔ́, togun ɔ́ sín gǎn ɖé lɛ́ɛ wá ɖɔ nú mì ɖɔ: “Mɛ kpaa lɛ́ɛ kpó vɔ̌sánú-xwlémawutɔ́ lɛ́ɛ kpó, kpódó Levíi ví lɛ́ɛ kpó ɖě nɔ zɔ nú to ɔ́ mɛ nu lɛ́ɛ ǎ. Yě nɔ́ zán walɔ nyanya e Kanáanu lɛ́ɛ, Hitíti lɛ́ɛ, Pɛliziti lɛ́ɛ, Jebuzinu lɛ́ɛ, Amumɔ́ɔ ví lɛ́ɛ, Mɔwabunu lɛ́ɛ, Ejípunu lɛ́ɛ, kpódó Amɔliti lɛ́ɛ kpó nɔ zán é.

Ɛsidlási 9:15

Mawu Mavɔmavɔ, Mawu Izlayɛ́li tɔn, nǔ jlɔ́jlɔ́ wɛ a nɔ wa, ɖó a jǒ mɛɖé lɛ́ɛ dó nyi gbɛ ɖo mǐ mɛ káká wá jɛ égbé. Mǐ ɖíe ɖo nukɔn towe kpó hwɛgban mǐtɔn lɛ́ɛ kpó e. Mɛ ɖé ká sixú nɔ mɔ̌, bó nɔ te nukɔn towe ǎ!”

Ɛsidlási 9:2

Yě ɖésúnɔ da nyɔ̌nu togun énɛ́ lɛ́ɛ mɛ tɔn lɛ́ɛ, bó da nú vǐ yětɔn súnnu lɛ́ɛ, bɔ togun mímɛ́ ɔ́ ján dó to énɛ́ ɔ́ mɛ nu lɛ́ɛ mɛ. Gǎn lɛ́ɛ kpódó hwɛɖɔtɔ́ lɛ́ɛ kpó wɛ nyí mɛ nukɔntɔn e dó nǔ baɖabaɖa énɛ́ ɔ́ sin é.”

Nɛɛmíi 1:6

Nyi kɔ kpɔ́n mì, ɖǒtó mì, ɖǒtó ɖɛ ce din; ɖɛ e xo wɛ nyi mɛsɛntɔ́ towe ɔ́ ɖe é. Zǎn kpó kéze kpó ɔ́, un nɔ ɖo vo sa nú we dó mǐ Izlayɛ́li ví lɛ́ɛ tamɛ wɛ, mǐ sinsɛn we tɔ́ lɛ́ɛ. Un ɖo byɔ̌byɔ́ we wɛ ɖɔ hwi ní sɔ́ hwɛ mǐtɔn lɛ́ɛ kɛ mǐ; nyi kpó tɔ́ ce lɛ́ɛ kpó bǐ wɛ hu hwɛ.

Nɛɛmíi 10:28

Malulúki, Halimu kpó Baana kpó.”

Nɛɛmíi 10:29

Hwenu e mǐ ɖo kannumɔgbénu ɔ́, mɛ élɔ́ lɛ́ɛ gɔ́ nú yě: vɔ̌sánú-xwlémawutɔ́ Levíi ví lɛ́ɛ, hɔnjínɔtɔ́ lɛ́ɛ, hanjitɔ́ lɛ́ɛ, kpó mɛ e nɔ wa azɔ̌ kpaa ɖo Mawu xwé lɛ́ɛ kpó; toví wɛ nú yě. Mǐ mɛ e nɔ zɔ nú toɖévomɛnu lɛ́ɛ, bó nɔ́ gbejí nú Mawusɛ́n ɔ́ lɛ́ɛ ɔ́, mǐ kpó asi mǐtɔn lɛ́ɛ kpó, vǐ mǐtɔn súnnu kpó nyɔ̌nu kpó e ko ɖó nǔnywɛ́ lɛ́ɛ bǐ kpó wɛ gɔ́ nú yě.

Nɛɛmíi 13:3

Ée è xa sɛ́n ɔ́ lě bɔ è se ɔ́, è ɖe vǐ e yě ji ɖo toɖévomɛnu xomɛ lɛ́ɛ bǐ ɖó vo nú Izlayɛ́li ví lɛ́ɛ.

Nɛɛmíi 13:30

Un ɖe mɛ e kó nyí jǒnɔ ɔ́ bǐ sín togun ɔ́ mɛ, bɔ sɛ́n e ko nyí sɛ́n, bɔ vɔ̌sánú-xwlémawutɔ́ lɛ́ɛ kpó Levíi ví lɛ́ɛ kpó ɖó ná nyi ɔ́, un lɛ́ vɔ́ flín mɛ ɖokpó ɖokpó ɖo azɔ̌ tɔn kɔn.

Ɖɛhan 144:11

Wǎ hwlɛ́n mì gán; wǎ yǐ mì sín toɖévomɛnu lɛ́ɛ sí. Xójɔxó ɖé ɖo nu yětɔn ǎ. Nǔ e yě dó akpá tɔn ɖɔ émí ná wa lɛ́ɛ ɔ́, yě bló ɖě ǎ.

Ɖɛhan 144:7

Dlɛ̌n alɔ towe lɛ́ɛ sín jǐ dɔ̌n bó hwlɛ́n mì gán. Yǐ mì sín tɔ e ɖi sin bó ɖo bǔbú mì wɛ lɛ́ɛ lɔ mɛ.

Nǔnywɛ́xó 28:13

Mɛ e nɔ sɔ́ hwɛ tɔn hwlá ɔ́ nɔ yi nukɔn ǎ; amɔ̌, mɛ e nɔ ɖɔ hwɛ tɔn lɛ́ɛ, bó nɔ jó dó ɔ́, è nɔ sɔ́ hwɛ tɔn kɛ ɛ.

Ezayíi 2:6

Mawu Mavɔmavɔ, a jǒ togun towe Jakɔ́bu ví lɛ́ɛ dó, ɖó nǔkantɔ́ zǎnzǎnhwe jí tɔn lɛ́ɛ ɖo yě mɛ kpɔ́ gégé; yě nɔ́ bló majíki Filisitɛ́ɛn lɛ́ɛ ɖɔhun, bó nɔ́ dó toɖévomɛnu lɛ́ɛ sín gbɛ̌.

Jelemíi 14:20

Mawu Mavɔmavɔ, mǐ tunwun ɖɔ mǐ xo dǎka, mǐ tunwun ɖɔ tɔ́gbó mǐtɔn lɛ́ɛ wa nǔ nyi do. Mǐ lɔ hu hwɛ dó we.

Jelemíi 3:13

Vɛ̌ ko tunwun kpowun ɖɔ émí hu hwɛ; tunwun ɖɔ émí kún nɔ gbejí nú nyɛ Mawu Mavɔmavɔ, Mawu towe ó, tunwun ɖɔ émí nɔ hwlɛ́n dó vodún lɛ́ɛ gbɔn atínmú sá atínmú sá, tunwun ɖɔ émí kún ɖótó mì ó.’ ” Xó e Mawu Mavɔmavɔ ɖɔ ɔ́ nɛ́.

Daniyɛ́li 9:20

“Un kpo ɖo ɖɛ xo wɛ, bó kpo ɖo hwɛ ce lɛ́ɛ kpódó ée togun ce Izlayɛ́li hu ɔ́ kpó ɖɔ nú Mawu Mavɔmavɔ, Mawu ce wɛ. Un sa vo n'i dó só mímɛ́ tɔn tamɛ.

Ozée 5:7

Yě nɔ gbejí nú Mawu Mavɔmavɔ ǎ, ɖó yě ji agaví. Din ɔ́, sun ɖokpó kó kpé bɔ è nǎ vɔ yě kpó nǔ e yě ɖó lɛ́ɛ bǐ kpó.”