Nɛɛmíi 8:9 - MAWUXÓWÉMA

⁹ Ée kplékplémɛ ɔ́ se nǔ e xa wɛ è ɖe nɛ́ ɔ́, yě bǐ bɛ́ avǐ. Énɛ́ ɔ́ wú wɛ tokpɔngán Nɛɛmíi kpó Ɛsidlási sɛ́nkplɔ́nmɛtɔ́ ɔ́ kpó, kpódó Levíi ví e ɖo nǔ e è xa ɔ́ tínmɛ wɛ lɛ́ɛ kpó ɖɔ nú yě ɖɔ: “Azǎn égbé tɔn ɔ́, Mawu Mavɔmavɔ, Mawu mǐtɔn wɛ è sɔ́ ɖó te ná. Mi ma nɔ aluwɛ mɛ ó, mi ma y'avǐ ó.”

Nɛɛmíi 8:9 Iomraidhean Croise

2 Axɔ́sú 22:11

Ée axɔ́sú ɔ́ se xó e ɖo sɛ́nwéma ɔ́ mɛ ɔ́, é vún awu dó kɔ nú éɖée;

2 Axɔ́sú 22:19

A se xó e un ɖɔ dó Jeluzalɛ́mu toxo ɔ́ kpó Jeluzalɛ́munu lɛ́ɛ kpó wú é: nǔ e ná xá yě ɔ́ ná syɛ́n káká bɔ è nǎ nɔ́ zé nyǐkɔ yětɔn dó dó nu mɛ. Ée a se mɔ̌ ɔ́, a lɛ̌ kɔ sín nǔ e wa wɛ a ɖe lɛ́ɛ gúdo; a yǐ nǔ e a wa nyi do lɛ́ɛ gbe ɖo nukɔn ce; a vǔn awu dó kɔ nú hwiɖée bó ya avǐ. É nyɔ́! Nyi lɔ se xó e a ɖɔ é. Un ná bló nǔ e ba wɛ a ɖe é. Nyi wɛ ɖɔ mɔ̌ nú we.

2 Tan 15:3

Izlayɛ́li ví lɛ́ɛ nɔ Mawu nǔgbó ɔ́ mɛ vo; yě nɔ vɔ̌sánú-xwlémawutɔ́ e ná nɔ kplɔ́n nǔ yě ɔ́ mɛ vo, bó nɔ sɛ́n ɔ́ mɛ vo; yě nɔ mɔ̌ káká.

2 Tan 30:22

Levíi ví e ɖo gbesisɔ mɛ, bó ɖo azɔ̌ wa nú Mawu Mavɔmavɔ wɛ kpó ayi yětɔn bǐ kpó lɛ́ɛ ɔ́, xó e Ezekiyási ɖɔ lɛ́ɛ xo ayi yětɔn zlɛ́. Yě ɖu kanlin e yě hu lɛ́ɛ xɔ azǎn tɛ́nwe, bó nɔ ɖo kɔnɖókpɔ́ vɔ́ lɛ́ɛ sá wɛ, bó nɔ́ ɖo susu kpa nú Mawu Mavɔmavɔ, Mawu tɔ́gbó yětɔn lɛ́ɛ tɔn wɛ.

2 Tan 34:19

Ée axɔ́sú ɔ́ se xó e ɖo sɛ́nwéma ɔ́ mɛ ɔ́, é vún awu dó kɔ nú éɖée,

2 Tan 34:21

“Mi yi kan nǔ byɔ́ Mawu Mavɔmavɔ nú mì, bó kanbyɔ́ nú mɛ e kpo ɖo Izlayɛ́li kpó Judáa kpó lɛ́ɛ, dó xó e ɖo wěma élɔ́ e è mɔ ɔ́ mɛ é wú. Đó Mawu Mavɔmavɔ ɖo xomɛ sin jí ɖésú. É sin xomɛ dó mǐ, ɖó tɔ́gbó mǐtɔn lɛ́ɛ se tónú nú nǔ e è wlǎn dó wěma élɔ́ mɛ ɔ́ ǎ; yě ká bló ɖě ɖ'é jí ǎ.”

2 Tan 35:3

É ɖɔ xó nú Levíi ví lɛ́ɛ lɔ. Levíi ví lɛ́ɛ wɛ nɔ kplɔ́n nǔ Izlayɛ́li ví lɛ́ɛ bǐ bɔ è sɔ́ yě ɖó vo nú Mawu Mavɔmavɔ. É ɖɔ nú yě ɖɔ: “Mi zé akɔjijɛgbá mímɛ́ ɔ́ ɖó xwé e axɔ́sú Izlayɛ́li tɔn Salomɔ́ɔ Davídi ví ɔ́ sá nú Mawu ɔ́ gbe. Mi sɔ́ ná nɔ́ ɖíɖá ɖó abɔ̌ta ɖě ǎ. Din ɔ́, mi bo wa azɔ̌ nú Mawu Mavɔmavɔ, Mawu mitɔn ɔ́ kpó togun tɔn Izlayɛ́li ɔ́ kpó.

Ɛsidlási 2:63

Tokpɔngán ɔ́ ɖésú gbɛ́ nú yě ɖɔ yě ní má ɖu nǔ mímɛ́ titewungbe e è xwlé Mawu lɛ́ɛ ɖě káká jɛ hwenu e vɔ̌sánú-xwlémawutɔ́ ɖé ná sɔ́ Wulímu kpó Tumímu kpó dó kan nǔ byɔ́ Mawu dó xó yětɔn wú bó ná ɖe gbeta ɖé tɔ́n dó é ó.

Ɛsidlási 7:11

Xó e Dadá Aatazɛɛzɛsi ɖɔ dó wěma e é sɛ́ dó vɔ̌sánú-xwlémawutɔ́ Ɛsidlási e nyí mɛ bo tunwun sɛ́n e Mawu Mavɔmavɔ dó nú Izlayɛ́li ví lɛ́ɛ, bo tunwun nǔ e sɛ́n ɔ́ zɔ́n ɖɔ yě ní wa xéɖéxéɖé tɔn lɛ́ɛ ɔ́ ɖíe:

Nɛɛmíi 10:1

“Nǔ e gbo mǐ lɛ́ɛ bǐ zɔ́n bɔ mǐ ɖe gbeta tɔ́n, bó zin alɔ dó akɔ́n ɖɔ mǐ ná nyi sɛ́n ɔ́. Gbeta énɛ́ ɔ́, mǐ wlán dó wěma mɛ, bó ɖó wuntun, bɔ gǎn mǐtɔn lɛ́ɛ, Levíi ví lɛ́ɛ, kpódó vɔ̌sánú-xwlémawutɔ́ mǐtɔn lɛ́ɛ kpó tɛ alɔ mɛ.

Nɛɛmíi 12:26

Yoyakímu e nyí Jozuwée ví bó nyí Yosadaku vívú ɔ́ kpó Nɛɛmíi tokpɔngán ɔ́ kpó, kpódó Ɛsidlási vɔ̌sánú-xwlémawutɔ́ sɛ́nkplɔ́nmɛtɔ́ ɔ́ kpó hwenu wɛ yě wa azɔ̌.

Nɛɛmíi 7:65

Tokpɔngán ɔ́ ɖésú gbɛ́ nú yě ɖɔ yě ní má ɖu vɔ̌sánú mímɛ́ bǐ ɔ́ ó. Yě ní nɔ mɔ̌ káká jɛ hwe e nu vɔ̌sánú-xwlémawutɔ́ ɖokpó ná sɔ́ Wulímu kpó Tumímu kpó bó ná tunwun lě e yě ná wa nǔ gbɔn é.

Nɛɛmíi 7:70

Nǔ e hɛ̌nnugán lɛ́ɛ ná ɔ́ yi sikágan adɔ̌kpo ɖokpó (20.000) kpó kpatágan kilóo afɔwó-afɔɖé (2.200) kpó.

Nǔnywɛ́tɔ́xó 3:4

Hwenu e è nǎ ya avǐ dó ɔ́ ɖe, bɔ hwenu e è nǎ ko nǔ dó é ɖe. Hwenu e è nǎ sa gbɛvo dó ɔ́ ɖe, bɔ hwenu e è nǎ ɖú we dó é ɖe.

Ezayíi 61:3

Sinyɔ́ɔ wú wɛ yě ɖo aluwɛ mɛ; lo ɔ́, azɔ̌ e Mawu Mavɔmavɔ zɔ́n mì ɔ́ wɛ nyí ɖɔ má zé aluwɛ e mɛ yě ɖe ɔ́ dó húzú xomɛhunhun nú yě: un nǎ zé afín e yě lɛ dó ta ɔ́ dó húzú tablá ɖagbe ɖagbe ɖé. Un ná kɔn ami wǎnɖagbenɔ ɖé dó ta nú yě, bɔ é ná nyí awǎjijɛ sín wuntun, é sɔ́ ná nyí aluwɛ sín wuntun ǎ. Acɔ́wu wɛ un ná dó nú yě, ɖó awakanmɛ e kú yě ɔ́ tɛnmɛ. Énɛ́ ɔ́, è nǎ nɔ́ ylɔ́ yě ɖɔ hwɛjijɔtín ɖaxó ɖaxó e Mawu tun, bɔ yě nɔ́ ɖe susu tɔn xlɛ́ lɛ́ɛ; è nǎ nɔ́ zé yě jlɛ́ dó jikpá e nɔ ɖe susu Mawu Mavɔmavɔ tɔn xlɛ́ é wú.

Ozée 4:6

Togun ce gba, ɖó é tunwun mɛ alɔkpa e un nyí ɔ́ ǎ wú. Amɔ̌, hwi lɔmɔ̌ ɔ́, a ko ba ná tunwun nǔ ɖěbǔ dó wǔ ce ǎ. Énɛ́ ɔ́ wú wɛ un ma sɔ́ ba we ǎ. A sɔ́ ná nɔ xwlé vɔ̌sánú ɖě mì ǎ. Nǔkplɔ́nmɛ ce lɛ́ɛ e a wɔn ɔ́ wú wɛ nyi lɔmɔ̌ ná wɔn vǐ towe lɛ́ɛ.

Levíi ví 23:24

é ní ɖɔ nú Izlayɛ́li ví lɛ́ɛ ɖɔ: “Sun tɛ́nwegɔ́ ɔ́ sín azǎn nukɔntɔn ɔ́ ná nyí gbɔjɛzán nú mi. Flǐn kpódó lanzo kúnkún kpó sín azǎn wɛ azǎn énɛ́ ɔ́ ná nyí nú mi; mi ná kplé bó sɛn mì.

Malacíi 2:13

Nǔ e mi nɔ lɛ́ bló ɔ́ ɖíe: mi nɔ ya avǐ, bɔ ɖasin mitɔn nɔ sa gbɔn vɔ̌sákpe Mawu Mavɔmavɔ tɔn jí. Mi nɔ ya avǐ bó nɔ wɛn azɔn, ɖó Mawu Mavɔmavɔ sɔ́ nɔ́ ké ya nú vɔ̌sánú mitɔn lɛ́ɛ ǎ, é ka sɔ́ nɔ yí nǔ e mi nɔ hɛn wá n'i lɛ́ɛ ɖě ǎ.

Hlɔ̌manu 3:20

Đó mɛ ɖěbǔ ná nyí hwɛjijɔnɔ ɖo Mawu nukún mɛ, ɖó é wa nǔ e sɛ́n lɛ́ɛ zɔ́n lɛ́ɛ wútu ǎ; ɖó nǔ e sɛ́n ɔ́ wa kpowun ɔ́ wɛ nyí ɖɔ é nɔ́ bló bɔ gbɛtɔ́ lɛ́ɛ nɔ tunwun ɖɔ émí hu hwɛ.

Hlɔ̌manu 7:9

Đ'ayǐ ɔ́, hwenu e sɛ́n ɔ́ ma ɖe ǎ ɔ́, un ɖo gbɛ; amɔ̌, ée sɛ́n ɔ́ wá jɛ nǔ e è ma ɖó ná wa ǎ lɛ́ɛ ɖe tɔ́n jí ɔ́, hwɛhuhu ɔ́ bɛ́ azɔ̌wiwa,

Sɛ́nflínmɛ 12:12

Xomɛ ná hun mi kpó vǐ mitɔn lɛ́ɛ kpó, mɛsɛntɔ́ mitɔn súnnu kpó nyɔ̌nu kpó, ɖo Mawu Mavɔmavɔ nukɔn fínɛ́. Xomɛ ná hun Levíi ví e ɖo toxo mitɔn mɛ lɛ́ɛ, xomɛ ná hun yě có yě ɖǒ ayǐkúngban ɖě ǎ.

Sɛ́nflínmɛ 12:7

Nǔɖuɖu e è nɔ xwlé Mawu Mavɔmavɔ, Mawu mitɔn ɔ́, nukɔn tɔn fínɛ́ wɛ mi kpó hɛ̌nnumɔ mitɔn lɛ́ɛ kpó ná ɖu éé nyí mitɔn ɔ́ ɖe; mi ná jɛ awa, ɖó nǔ e Mawu Mavɔmavɔ, Mawu mitɔn ná xo ɖɛ dó mi jí bɔ mi ná mɔ lɛ́ɛ wú.

Sɛ́nflínmɛ 16:11

Mi ná j'awǎ ɖo Mawu Mavɔmavɔ nukɔn, ɖo tɛn e é ná sɔ́ bó ná ɖe susu tɔn xlɛ́ ɖe ɔ́ mɛ. Mi kpó vǐ mitɔn súnnu kpó nyɔ̌nu kpó, mɛsɛntɔ́ mitɔn súnnu kpó nyɔ̌nu kpó, Levíi ví e ɖo mi mɛ lɛ́ɛ kpó jǒnɔ e ɖo mi mɛ lɛ́ɛ kpó, tɔ́cyɔvǐ lɛ́ɛ kpódó asúkúsi e ɖo mi mɛ lɛ́ɛ bǐ kpó ná j'awǎ.

Sɛ́nflínmɛ 26:14

Nǔ e nyí towe ɔ́, un zán ɖě hwenu e un ɖo aluwɛ mɛ é ǎ. Un ka ɖe mǎɖówǒ lɛ́ɛ ɖě hwenu e un nyí mɛ blíblí é ǎ. Un ká zán ɖě hwenu e cyɔ kú mì é ǎ. Un se xó e Mawu Mavɔmavɔ, Mawu ce ɖɔ é, un bló lě e a zɔ̌n mì gbɔn é.

Jaki 4:9

Mi nɔ aluwɛ mɛ; mi ya avǐ, bó ná alě; nǔ wɛ mi ɖó ná ko ǎ; avǐ wɛ mi ɖó ná ya, bó zé awǎjijɛ mitɔn dó húzú aluwɛ ná.