Nɛɛmíi 8:3 - MAWUXÓWÉMA

³ Sín ayǐtéhɔ̌nnu káká wá jɛ gan wěwe mɛ ɔ́, Ɛsidlási ɖo te ɖo fí e Sinhɔntogbó ɖe ɔ́, bó sɔ́ gbe dó jǐ, bó xa sɛ́n ɔ́ nú yě, bɔ mɛ bǐ ɖótó ganjí.

Nɛɛmíi 8:3 Iomraidhean Croise

Nɛɛmíi 10:29

Hwenu e mǐ ɖo kannumɔgbénu ɔ́, mɛ élɔ́ lɛ́ɛ gɔ́ nú yě: vɔ̌sánú-xwlémawutɔ́ Levíi ví lɛ́ɛ, hɔnjínɔtɔ́ lɛ́ɛ, hanjitɔ́ lɛ́ɛ, kpó mɛ e nɔ wa azɔ̌ kpaa ɖo Mawu xwé lɛ́ɛ kpó; toví wɛ nú yě. Mǐ mɛ e nɔ zɔ nú toɖévomɛnu lɛ́ɛ, bó nɔ́ gbejí nú Mawusɛ́n ɔ́ lɛ́ɛ ɔ́, mǐ kpó asi mǐtɔn lɛ́ɛ kpó, vǐ mǐtɔn súnnu kpó nyɔ̌nu kpó e ko ɖó nǔnywɛ́ lɛ́ɛ bǐ kpó wɛ gɔ́ nú yě.

Nɛɛmíi 13:1

Gbe énɛ́ gbe ɔ́, è wǎ ɖo sɛ́nwéma Mɔyízi tɔn xa wɛ ɖo togun mɛ, bó mɔ ɖ'é mɛ ɖɔ mɛ e nyí Amumɔ́ɔ ví é kpó mɛ e nyí Mɔwabunu é kpó ɖě kún ná byɔ́ mavɔmavɔsɛntɔ́ lɛ́ɛ sín gbɛ̌ta mɛ gbeɖé ó.

Nɛɛmíi 8:1

Azǎn nukɔntɔn e ɖo sun ɔ́ mɛ ɔ́ gbe ɔ́, yě bǐ ɖó gbe kpɔ́, bó kplé ɖo Jeluzalɛ́mu, ɖo fí e Sinhɔntogbó ɖe é. Yě byɔ́ Ɛsidlási sɛ́nkplɔ́nmɛtɔ́ ɔ́ ɖɔ ní yi sɔ́ sɛ́n e Mawu Mavɔmavɔ ná Izlayɛ́li ví lɛ́ɛ gbɔn Mɔyízi jí ɔ́ sín wěma wá. Bɔ Ɛsidlási yi sɔ́ wěma ɔ́ wá togun ɔ́ nukɔn. Yě mɛ e kplé ɖo fínɛ́ lɛ́ɛ ɔ́, súnnu ɖ'é mɛ, nyɔ̌nu ɖ'é mɛ, yɔkpɔ́vú e ko ɖó xwe e ná mɔ nǔ jɛ nǔ mɛ ɔ́ ɖ'é mɛ.

Nɛɛmíi 8:18

Xwe ɔ́ sín azǎn lɛ́ɛ ɖokpó ɖokpó gbe ɔ́, sín azǎn nukɔntɔn ɔ́ gbe káká jɛ azǎn gǔdo tɔn ɔ́ gbe ɔ́, è nɔ xa fí ɖé ɖo sɛ́nwéma Mawu tɔn ɔ́ mɛ. Azǎn tɛ́nwe wɛ è nɔ ɖu xwe ɔ́ xɔ, bó nɔ wá bló kplé ɖaxó ɖokpó dó sú ta ná azǎn tántɔngɔ́ ɔ́ gbe lě e sɛ́n ɔ́ ɖɔ gbɔn é.

Nɛɛmíi 8:4

È hwlǎ kpo bɔ Ɛsidlási xá jí bónú mɛ bǐ na sixú mɔ ɛ. Matitia, Cɛma, Anaya, Wuliya, Ilukya kpó Maaseya kpó ɖo ɖisíxwé n'i, bɔ Pedaya, Micaɛ́li, Malukíya, Hacúmu, Hacibadidana, Zekaliya kpó Mɛculamu kpó ɖo amyɔxwé n'i.

Nɛɛmíi 8:5

Hǔn Ɛsidlási ɔ́, fí e é ɖe ɔ́ yi jǐ hú togun ɔ́ bǐ, bɔ hwenu e é hun sɛ́nwéma ɔ́ é ɔ́, mɛ bǐ mɔ ɛ bó sí te.

Maki 12:37

Davídi ɖésú nɛ́ ylɔ́ ɛ ɖɔ ‘Aklúnɔ’ nɛ́. Nɛ̌ wɛ é ká sixú lɛ́ nyí vǐ tɔn gbɔn?” Xó énɛ́ e ɖɔ wɛ Jezu ɖe ɔ́ nyɔ́ se nú mɛ e ɖo fínɛ́ lɛ́ɛ bǐ.

Luki 19:48

Lo ɔ́, yě tunwun lě e yě ná kpé wǔ tɔn gbɔn é ǎ, ɖó togun ɔ́ bǐ wɛ bɔ nukún nyi wǔ tɔn, bó nɔ ɖo tó ɖó e wɛ kpó ayi yětɔn bǐ kpó.

Luki 8:18

“Mi nɔ hɛn ayi dó lě e mi nɔ ɖótó nǔ gbɔn ɔ́ wú; ɖó mɛ e ɖó nǔ ɔ́, Mawu ná lɛ́ ná ɛ d'é jí, lo ɔ́, mɛ e ma ɖó nǔɖé ǎ ɔ́, Mawu ná yí kpɛ e é lin ɖɔ émí ɖó ɔ́ sín así tɔn.”

Mɛsɛ́dó 13:15

Hwenu e yě xa sɛ́n ɔ́, bó xa gbeyíɖɔ Mawu tɔn lɛ́ɛ sín wěma gúdo ɔ́, kplɔ́ngbaságán lɛ́ɛ ɖɔ sɛ́ dó yě ɖɔ: “Nɔví mǐtɔn lɛ́ɛ mi, ényí mi ɖó xó ɖé, bó ná ɖɔ nú togun ɔ́, bó dó ná ɛ akɔ́nkpinkpan hǔn, mi ɖɔ.”

Mɛsɛ́dó 13:27

Đó Jeluzalɛ́munu lɛ́ɛ kpódó gǎn yětɔn lɛ́ɛ kpó tunwun mɛ e Jezu nyí ɔ́ ǎ; yě ka mɔ nukúnnú jɛ gbeyíɖɔ Mawu tɔn lɛ́ɛ sín nǔ e è nɔ xa nú yě gbɔjɛzán gbe tɛgbɛ ɔ́ wú ǎ; lo ɔ́, kúhwɛ e yě ɖǒ nú Jezu ɔ́, nǔ e è nɔ xa nú yě ɔ́ wɛ jɛ.

Mɛsɛ́dó 15:21

Đó, xóxó hwenu ɖokpóó wɛ mɛ lɛ́ɛ nɔ ɖo Mɔyízisɛ́n ɔ́ jlá wɛ gbɔn to ɖokpó ɖokpó mɛ, bɔ è nɔ xa ɖo kplɔ́ngbasá Jwifu lɛ́ɛ tɔn, ɖo gbɔjɛzán gbe lɛ́ɛ bǐ.”

Mɛsɛ́dó 16:14

Nyɔ̌nu énɛ́ lɛ́ɛ ɖě nɔ nyí Lidíi, bó gosín Tiatíi, bó nɔ́ sa akwɛ́núvɔ vɔvɔ ɖé lɛ́ɛ; é nɔ sí Mawu; é ɖo tó ɖó mǐ wɛ, bɔ Aklúnɔ hun ayi tɔn, bɔ é wlí tó xó e ɖɔ wɛ Pɔ́lu ɖe ɔ́ wú.

Mɛsɛ́dó 17:11

Jwifu e ɖo fínɛ́ lɛ́ɛ nyɔ́ xomɛ hú éé ɖo Tɛsaloniki lɛ́ɛ; yě yí Mawuxó se kpódó jlǒ ɖagbe kpán. Ayǐhɔ́ngbe ayǐhɔ́ngbe ɔ́, yě nɔ́ kíjé Mawuxówéma ɔ́, bó nɔ kpɔ́n ɖɔ xó e ɖɔ nú yě wɛ mɛsɛ́dó lɛ́ɛ ɖe ɔ́ ka sɔgbe ají.

Mɛsɛ́dó 20:11

Énɛ́ gúdo ɔ́, Pɔ́lu lɛ́ yi síngbó ɔ́ jí, bó kán wɔ̌xúxú bó ɖu. É ka lɛ́ ɖɔ xó nú yě káká bɔ ayǐ hɔ́n, lobo ɖidó.

Mɛsɛ́dó 20:7

Azǎn nukɔntɔn e ɖo aklúnɔzángbla mɛ ɔ́, gbadanu tɔn ɔ́, mǐ kó kplé bó ná ɖu kɔnɖókpɔ́ nǔɖuɖu ɔ́; Pɔ́lu ka ɖó ná yi ayǐhɔ́ngbe tɔn zǎnzǎn; é ka ɖo xó ɖɔ xá yě mɛ e ɖi nǔ nú Jezu lɛ́ɛ wɛ káká bɔ zǎn vlɔ́ ɖó we.

Mɛsɛ́dó 28:23

É kpódó yě kpó ɖó azǎn, bɔ yě sukpɔ́ d'é jí, bó wá yi mɔ ɛ, ɖo xɔ e mɛ é ɖe ɔ́. Sín zǎnzǎn káká wá jɛ gbadanu ɔ́, é tín nǔ mɛ nú yě. É ɖɔ axɔ́súɖuɖu Mawu tɔn sín xó nú yě; é sɔ́ Mɔyízi sɛ́n lɛ́ɛ kpódó nǔkplɔ́nmɛ gbeyíɖɔ Mawu tɔn lɛ́ɛ tɔn kpán dó ɖɔ xó nú yě, bó ba ná dɔn yě, nú yě na ɖi nǔ ɖɔ nǔ e ɖɔ dó Jezu wú wɛ é ɖe ɔ́ nǔgbó wɛ.

Sɛ́nflínmɛ 31:9

Mɔyízi wlán sɛ́n ɔ́ bó zé dó así nú Levíi ví vɔ̌sánú-xwlémawutɔ́ lɛ́ɛ; yě wɛ nɔ ɖíɖá akɔjijɛgbá Mawu Mavɔmavɔ tɔn ɔ́. Yě kpó tomɛxó Izlayɛ́li tɔn lɛ́ɛ kpó wɛ Mɔyízi zé sɛ́n ɔ́ jó ná.

1 Tɛsalonikinu 2:13

Mǐ nɔ lɛ́ gɔn kú dó nú Mawu ɖó nǔ élɔ́ wú ǎ; é wɛ nyí ɖɔ hwenu e mǐ jlá Mawuxó ɔ́ mi ɔ́, mi se lobo yí dó ayi mɛ; mi ka yí dó yí gbɛtɔ́ xó ǎ; lo ɔ́ mi yí dó yí Mawuxó ná; Mawuxó ɔ́ wɛ é ka nyí nǔgbó; ée mi yí i mɔ̌ ɔ́, é ɖo azɔ̌ wa ɖo mi mɛ e ɖi nǔ lɛ́ɛ mɛ wɛ.

Jozuwée 8:35

É xa Mɔyízisɛ́n lɛ́ɛ bǐ sésé nú yě; é wɔn ɖokpó géé ǎ. Togun ɔ́ bǐ nukɔn wɛ é xa ɖe; nyɔ̌nu lɛ́ɛ, yɔkpɔ́vú lɛ́ɛ kpódó jǒnɔ e ɖo yě mɛ lɛ́ɛ bǐ kpó lɔ ɖo fínɛ́.

Nǔɖexlɛ́mɛ 2:29

“Mɛ e ɖó tó, bó ná dó se nǔ ɔ́ ní se nǔ jɛ nǔ e ɖɔ nú agun lɛ́ɛ wɛ Yɛsinsɛn ɖe ɔ́ mɛ ganjí!”

Nǔɖexlɛ́mɛ 3:22

“Mɛ e ɖó tó bó ná dó se nǔ ɔ́ ní se nǔ e ɖɔ nú agun Klísu tɔn lɛ́ɛ wɛ Yɛsinsɛn ɖe ɔ́ ganjí.”