Nɛɛmíi 8:1 - MAWUXÓWÉMA

^1-2 Azǎn nukɔntɔn e ɖo sun ɔ́ mɛ ɔ́ gbe ɔ́, yě bǐ ɖó gbe kpɔ́, bó kplé ɖo Jeluzalɛ́mu, ɖo fí e Sinhɔntogbó ɖe é. Yě byɔ́ Ɛsidlási sɛ́nkplɔ́nmɛtɔ́ ɔ́ ɖɔ ní yi sɔ́ sɛ́n e Mawu Mavɔmavɔ ná Izlayɛ́li ví lɛ́ɛ gbɔn Mɔyízi jí ɔ́ sín wěma wá. Bɔ Ɛsidlási yi sɔ́ wěma ɔ́ wá togun ɔ́ nukɔn. Yě mɛ e kplé ɖo fínɛ́ lɛ́ɛ ɔ́, súnnu ɖ'é mɛ, nyɔ̌nu ɖ'é mɛ, yɔkpɔ́vú e ko ɖó xwe e ná mɔ nǔ jɛ nǔ mɛ ɔ́ ɖ'é mɛ.

Nɛɛmíi 8:1 Iomraidhean Croise

2 Axɔ́sú 23:2

bɔ yě yi Mawu Mavɔmavɔ xwé gbe. Yě kpó Judáanu lɛ́ɛ bǐ kpó, Jeluzalɛ́munu lɛ́ɛ bǐ kpó, vɔ̌sánú-xwlémawutɔ́ lɛ́ɛ kpó, gbeyíɖɔ Mawu tɔn lɛ́ɛ kpó, kpódó togun ɔ́ bǐ kpó wɛ yi, bɛ́ sín yɔkpɔ́vú lɛ́ɛ jí káká yi jɛ mɛxó lɛ́ɛ jí. Ée yě yi xwé ɔ́ gbe ɔ́, axɔ́sú ɔ́ zé akɔjijɛwéma e è mɔ ɖo Mawu Mavɔmavɔ xwé gbe ɔ́ bó xa bǐ nú yě.

2 Tan 34:15

Énɛ́ ɔ́, Ilukya yí xó, bó ɖɔ nú Cafáni wěgbójínɔtɔ́ ɔ́ ɖɔ: “Un mɔ sɛ́nwéma ɔ́ ɖo Mawu Mavɔmavɔ xwé gbe.” Ée é ɖɔ mɔ̌ ɔ́, é zé wěma ɔ́ jó nú Cafáni.

2 Tan 34:30

Bɔ yě yi Mawu Mavɔmavɔ xwé gbe. Yě kpó Judáanu lɛ́ɛ bǐ kpó, Jeluzalɛ́munu lɛ́ɛ bǐ kpó, vɔ̌sánú-xwlémawutɔ́ lɛ́ɛ kpó Levíi ví lɛ́ɛ kpó, kpódó togun ɔ́ bǐ kpó wɛ yi, bɛ́ sín yɔkpɔ́vú lɛ́ɛ jí, káká yi jɛ mɛxó lɛ́ɛ jí. Ée yě yi xwé ɔ́ gbe ɔ́, axɔ́sú ɔ́ zé akɔjijɛwéma e è mɔ ɖo Mawu Mavɔmavɔ xwé gbe ɔ́ bó xa bǐ nú yě.

Ɛsidlási 7:1

Ée nǔ énɛ́ lɛ́ɛ bǐ jɛ wá yi ɔ́, ɖo Dadá Pɛ́si tɔn Aatazɛɛzɛsi sín hwenu ɔ́, nya ɖé gosín Babilɔ́nu wá, nya ɔ́ nɔ́ nyí Ɛsidlási. Selaya ví wɛ é nyí; Selaya ɔ́ ká nyí Azalya ví, bɔ Azalya nyí Ilukya ví.

Ɛsidlási 7:10

Mawu nya xɛ ɖo jǐ tɔn ɖó, é nɔ kpé nukún dó Mawu Mavɔmavɔ sín sɛ́n ɔ́ wú bó nɔ́ kplɔ́n, bó nɔ bló ɖ'é jí, lobo nɔ kplɔ́n nǔ e sɛ́n ɔ́ zɔ́n lɛ́ɛ kpódó tito e ɖo sɛ́n ɔ́ mɛ lɛ́ɛ kpó Izlayɛ́li ví lɛ́ɛ.

Ɛsidlási 7:11

Xó e Dadá Aatazɛɛzɛsi ɖɔ dó wěma e é sɛ́ dó vɔ̌sánú-xwlémawutɔ́ Ɛsidlási e nyí mɛ bo tunwun sɛ́n e Mawu Mavɔmavɔ dó nú Izlayɛ́li ví lɛ́ɛ, bo tunwun nǔ e sɛ́n ɔ́ zɔ́n ɖɔ yě ní wa xéɖéxéɖé tɔn lɛ́ɛ ɔ́ ɖíe:

Ɛsidlási 7:6

Ɛsidlási ɔ́, sɛ́nkplɔ́nmɛtɔ́ ɖaxó ɖokpó wɛ é nyí, bó tunwun sɛ́n e Mawu Mavɔmavɔ, Mawu Izlayɛ́li tɔn dó gbɔn Mɔyízi jí ɔ́ titewungbe. Mawu Mavɔmavɔ, Mawu tɔn ɔ́ ná ɛ susu sɔ mɔ̌, bɔ Dadá ɔ́ nɔ ná ɛ nǔ e é nɔ́ byɔ́ ɛ lɛ́ɛ bǐ.

Nɛɛmíi 12:26

Yoyakímu e nyí Jozuwée ví bó nyí Yosadaku vívú ɔ́ kpó Nɛɛmíi tokpɔngán ɔ́ kpó, kpódó Ɛsidlási vɔ̌sánú-xwlémawutɔ́ sɛ́nkplɔ́nmɛtɔ́ ɔ́ kpó hwenu wɛ yě wa azɔ̌.

Nɛɛmíi 12:37

Ée yě wá Tɔjɔtɛnhɔntogbó ɔ́ nukɔn ɔ́, yě wá mɔ yěɖée ɖo kpó e ɖo Davídi Toxo ɔ́ nukɔn ɔ́ kpá, bó fán kpó ɔ́, bó gbɔn Davídi xwé ɔ́ ta nu dín káká yi Sinhɔntogbó ɔ́ kɔn ɖo zǎnzǎnhwe jí wa jí.

Nɛɛmíi 3:26

kpódó mɛ kpaa e nɔ wa azɔ̌ ɖo Mawu xwé gbe, bó nɔ́ nɔ Ofɛ́lu lɛ́ɛ kpó. Yědɛɛ lɛ́ɛ wa azɔ̌ káká yi kpe gaga e ɖo dǒzwe e ɖo zǎnzǎnhwe jí nú Sinhɔntogbó é kɔn.

Nɛɛmíi 8:16

Bɔ Izlayɛ́li ví lɛ́ɛ yi ba ama bo dó dó azava ɔ́. Mɛ ɖé lɛ́ɛ dó azava ɖó xɔ yětɔn ta, mɛɖé lɛ́ɛ dó dó kɔ́xo yětɔn ta, mɛɖé lɛ́ɛ dó ɖó Mawu xwé ɔ́ sín kɔ́xota, mɛɖé lɛ́ɛ dó ɖó Sinhɔntogbó kpó Eflayímu hɔntogbó kpó ta.

Nɛɛmíi 8:3

Sín ayǐtéhɔ̌nnu káká wá jɛ gan wěwe mɛ ɔ́, Ɛsidlási ɖo te ɖo fí e Sinhɔntogbó ɖe ɔ́, bó sɔ́ gbe dó jǐ, bó xa sɛ́n ɔ́ nú yě, bɔ mɛ bǐ ɖótó ganjí.

Ezayíi 8:20

mi ɖɔ nú yě ɖɔ: “Kplɔ́n Mawu tɔn lɛ́ɛ kpó wɛn tɔn lɛ́ɛ kpó wɛ è nǎ xwedó.” Mɛ e ma ná ɖɔ mɔ̌ ǎ ɔ́, ayǐ ná hɔ́n dó e ǎ.

Levíi ví 9:5

Izlayɛ́li ví lɛ́ɛ bǐ hɛn nǔ e Mɔyízi xa lɛ́ɛ wá goxɔ ɔ́ nukɔn nǔgbó, bɔ agun ɔ́ bǐ sɛ wá, bó wá nɔ te Mawu Mavɔmavɔ nukɔn.

Matíe 13:52

Jezu ka ɖɔ nú yě ɖɔ: “Sɛ́nkplɔ́nmɛtɔ́ e wá húzú axɔ́súɖuto sɛ́xwé tɔn sín ahwanvú ɔ́ cí xwétɔ́ e cyán nǔ yɔ̌yɔ́ kpódó nǔ xóxó kpó sín dɔkun tɔn lɛ́ɛ mɛ ɔ́ ɖɔhun.”

Matíe 23:13

Jezu ka lɛ́ ɖɔ: “Heelú mi sɛ́nkplɔ́nmɛtɔ́ lɛ́ɛ kpódó Falizyɛn lɛ́ɛ kpó, yɛmɛnúwatɔ́ e mi! Ɖó mi nɔ sú axɔ́súɖuto sɛ́xwé tɔn sín ali dó mɛ lɛ́ɛ, mi ɖésú ka nɔ byɔ́ ɛ mɛ ǎ; mi ka nɔ ná tɛn mɛ e jló ná byɔ́ ɛ mɛ lɛ́ɛ ǎ. [

Matíe 23:2

“Sɛ́nkplɔ́nmɛtɔ́ lɛ́ɛ kpódó Falizyɛn lɛ́ɛ kpó wɛ sɔ́ yěɖée ɖó Mɔyízi sín tɛnmɛ, bo nɔ tín Mɔyízi sɛ́n lɛ́ɛ mɛ nú mɛ.

Matíe 23:34

Énɛ́ ɔ́ wútu ɔ́, mi ɖótó bó se: ‘Un ná sɛ́ gbeyíɖɔ lɛ́ɛ dó mi, bó ná sɛ́ nǔnywɛ́tɔ́ lɛ́ɛ kpódó sɛ́nkplɔ́nmɛtɔ́ lɛ́ɛ kpó dó mi. Mi ná hu mɛ ɖě, bó ná ká mɛ ɖě nyi aklúzu jí, bó ná zé lanbá dó xo mɛɖé lɛ́ɛ ná ɖo kplɔ́ngbasá mitɔn lɛ́ɛ. Mi ná dó ya nú yě gbɔn toxo ɖaxó ɖaxó lɛ́ɛ mɛ.’

Sɛ́nflínmɛ 31:11

mi ná zé gbe dó jǐ bó xa sɛ́n ɔ́ nú Izlayɛ́li ví e wá kplé ɖo Mawu Mavɔmavɔ nukɔn lɛ́ɛ bǐ ɖo tɛn e Mawu Mavɔmavɔ ná sɔ́ é mɛ.

Hwɛɖɔtɔ́ 20:1

Izlayɛ́li ví lɛ́ɛ bǐ ɖó gbe kpɔ́ bó sɛ yěɖée kplé ɖo Misipa ɖo Mawu Mavɔmavɔ nukɔn; to lɛ́ɛ bǐ mɛ wɛ yě gosín, bɛ́ sín Dan ɖo totaligbé káká yi Bɛ̌-Ceva ɖo tofɔligbé, bó gosín Galadi ɖo zǎnzǎnhwe jí.

Hwɛɖɔtɔ́ 20:8

Togun ɔ́ bǐ ka ɖó gbe kpɔ́ bó ɖɔ: “Mɛ ɖěbǔ ná yi goxɔ sá ɖo mǐ mɛ ǎ; mɛ ɖěbǔ ka ná lɛ́ kɔ yi xwé ǎ.