Nɛɛmíi 7:5 - MAWUXÓWÉMA

⁵ Mawu sɔ́ ayi dó xomɛ nú mì bɔ un kplé tonukún lɛ́ɛ, toxo ɔ́ sín gǎn lɛ́ɛ, kpódó togun ɔ́ bǐ kpó, bó sɔ́ kɛ́n yětɔn. Un mɔ wěma e mɛ è wlǎn mɛ nukɔntɔn e lɛ́ kɔ sín kannumɔgbénu wá lɛ́ɛ sín nyǐkɔ dó é. Nǔ e un mɔ ɖ'é mɛ lɛ́ɛ ɖíe:

Nɛɛmíi 7:5 Iomraidhean Croise

Ɛsidlási 2:62

Yě ba wěma e mɛ è wlǎn tɔ́gbó yětɔn lɛ́ɛ sín nyǐkɔ dó ɔ́ káká bo ba kpo. È mɔ yě dó mɔ mɛ kwíji kwíji, bo gbɛ́ ɖɔ yě ní má wa vɔ̌sánú-xwlémawutɔ́ sín azɔ̌ ó.

Ɛsidlási 7:27

Ɛsidlási ɖɔ: “È nǐ dó kú nú Mawu Mavɔmavɔ, Mawu tɔ́gbó mǐtɔn lɛ́ɛ tɔn! É sɔ́ dó ayi mɛ nú Dadá ɔ́ bɔ é ɖésú ɖó jlǒ bó ná sɔ́ Mawu Mavɔmavɔ xwé Jeluzalɛ́mu tɔn ɔ́ su.

Nɛɛmíi 5:19

Mawu ce, kpɔ́n dó nǔ e un wa nú togun élɔ́ é wú, bó ná fífá towe mì.

Nɛɛmíi 6:14

Mawu ce, flín nǔ e Toviya kpó Sanbaláti kpó bló é, bó flín nǔ e gbeyíɖɔ nyɔ̌nu Nɔadiya kpó gbeyíɖɔ ɖěɖě e jló ná dó xɛsi mì lɛ́ɛ kpó bló é.

Nɛɛmíi 7:4

Jeluzalɛ́mu sín toxo gbló tawun, có gbɛtɔ́ e ɖo toxo ɔ́ mɛ lɛ́ɛ sukpɔ́ ǎ, bɔ xwé gěgé tíin bɔ è ko vɔ́ bló ɖó ǎ.

Nɛɛmíi 7:64

Yě ba wěma e mɛ è wlǎn tɔ́gbó yětɔn lɛ́ɛ sín nyǐkɔ dó ɔ́ káká, yě ká mɔ ǎ. Bɔ Jwifu lɛ́ɛ nɔ mɔ yě dó mɔ mɛ blíblí, bo gbɛ́ ɖɔ yě kún ná wa vɔ̌sánú-xwlémawutɔ́ zɔ ɔ́ ó.

Nǔnywɛ́xó 2:6

Đó Mawu Mavɔmavɔ wɛ nɔ ná nǔnywɛ́, nu tɔn mɛ wɛ nǔtunwuntunwun kpó tamɛbibɔ kpó nɔ́ gosín.

Nǔnywɛ́xó 3:6

Ba jlǒ Mawu Mavɔmavɔ tɔn ɖo nǔ e a nɔ wa lɛ́ɛ bǐ mɛ; énɛ́ ɔ́, é ná xlɛ́ ali we.

1 Kɔlɛ́ntinu 15:10

Amɔ̌, gbɔn nyɔ̌ná Mawu tɔn gbla mɛ ɔ́, un húzú mɛ e un nyí din é, bɔ nyɔ̌ná e è kɔn dó jǐ ce ɔ́ nyí nǔ yǎyá ǎ: é nyɔ́ wa ɔ́, un wa azɔ̌ hú mɛsɛ́dó ɖě lɛ́ɛ bǐ. È nǎ ɖɔ nǔgbó ɔ́, é nyí nyɛ wɛ ɖo azɔ̌ wa wɛ ǎ; lo ɔ́, nyɔ̌ná Mawu tɔn e ɖo kpɔ́ xá mì ɔ́ wɛ.

2 Kɔlɛ́ntinu 3:5

Nǔgbó ɔ́, gbɔn alɔkpa ɖěbǔ mɛ ɔ́, mǐ sixú ɖɔ ɖɔ mǐ sixú wa azɔ̌ mɔ̌hunkɔtɔn ɖo mǐ ɖésúnɔ sín hlɔ̌nhlɔ́n mɛ ǎ. Hlɔ̌nhlɔ́n e mǐ nɔ dó kpé nǔ wú ɔ́, Mawu gɔ́n wɛ é nɔ gosín.

2 Kɔlɛ́ntinu 8:16

Susu nú Mawu e sɔ́ dó ayi mɛ nú Títu, bɔ é bí dó mi wú mǐ ɖɔhun é!

Kolósinu 1:29

Bónú un ná dó sixú wa azɔ̌ énɛ́ ɔ́, hlɔ̌nhlɔ́n ɖaxó e Klísu nɔ ná mɛ ɔ́ wɛ é ná mì, bɔ un dó ɖo azɔ̌ wa ná wɛ, bó dó ɖo gǎn dó wɛ; hlɔ̌nhlɔ́n énɛ́ ɔ́ wɛ ɖo azɔ̌ wa wɛ ɖo gbɛzán ce mɛ.

Jaki 1:16

Nɔví ce vívɛ́ná lɛ́ɛ mi, è ma blɛ́ mi ó.