Nɛɛmíi 7:4 - MAWUXÓWÉMA

⁴ Jeluzalɛ́mu sín toxo gbló tawun, có gbɛtɔ́ e ɖo toxo ɔ́ mɛ lɛ́ɛ sukpɔ́ ǎ, bɔ xwé gěgé tíin bɔ è ko vɔ́ bló ɖó ǎ.

Nɛɛmíi 7:4 Iomraidhean Croise

Nɛɛmíi 11:1

Mɛ e nyí gǎn ɖo togun ɔ́ nu lɛ́ɛ wá cí Jeluzalɛ́mu, bɔ è ɖe mɛ ɖo mɛ e kpo lɛ́ɛ mɛ. È nɔ sɔ́ xwédo wǒ ɖó te, bó nɔ́ nyi akɔ dó bó nɔ́ ɖe xwédo ɖokpó ɖo yě mɛ, bó nɔ́ ɖɔ é ní yi nɔ Jeluzalɛ́mu, toxo mímɛ́ ɔ́ mɛ. Énɛ́ ɔ́, mɛ tɛ́nnɛ ɖě lɛ́ɛ e kpo lɛ́ɛ hɛn ɔ́, yě ná nɔ toxo e kpo ɖo to ɔ́ mɛ lɛ́ɛ mɛ.

Nɛɛmíi 11:2

Amɔ̌, ényí mɛɖé tíin bó zin alɔ d'akɔ́n ɖɔ émí ná yi nɔ Jeluzalɛ́mu ɔ́, è nɔ xo ɖɛ dó mɛ énɛ́ jí.

Nɛɛmíi 7:3

Énɛ́ ɔ́ gúdo ɔ́, un ɖɔ nú yě ɖɔ: cóbónú è nǎ hun hɔntogbó lɛ́ɛ ɔ́, hwe ná ko tɔ́n bó ná ko yi jǐ tawun. Gbadanu ɔ́, è na sú hɔntogbó lɛ́ɛ, bó dó gan mɛ có hɔnjínɔtɔ́ lɛ́ɛ ná gosín azɔ̌ jí. Jeluzalɛ́munu lɛ́ɛ ná ɖó tito ɖé ɖ'ayǐ nú yě, bɔ mɛ ɖokpó ɖokpó ná ɖo azɔ̌ tɔn jí, ɖo xwé tɔn nukɔn.

Nɛɛmíi 7:5

Mawu sɔ́ ayi dó xomɛ nú mì bɔ un kplé tonukún lɛ́ɛ, toxo ɔ́ sín gǎn lɛ́ɛ, kpódó togun ɔ́ bǐ kpó, bó sɔ́ kɛ́n yětɔn. Un mɔ wěma e mɛ è wlǎn mɛ nukɔntɔn e lɛ́ kɔ sín kannumɔgbénu wá lɛ́ɛ sín nyǐkɔ dó é. Nǔ e un mɔ ɖ'é mɛ lɛ́ɛ ɖíe:

Ezayíi 58:12

Énɛ́ ɔ́, dǒ e kó mu ɖ'ayǐ lɛ́ɛ ɔ́, a nǎ vɔ́ bǐ mɛ. Xɔ e ko mu sín xóxó hwenu lɛ́ɛ ɔ́, a nǎ vɔ́ yě mɛ ɖó dodó yětɔn jí. È nǎ nɔ́ ylɔ́ we ɖɔ ‘Fí e dǒ mu ɖé lɛ́ɛ blóɖótɔ́.’ Bó ná nɔ́ ylɔ́ we ɖɔ ‘Ali e gblé lɛ́ɛ blóɖótɔ́.’ ”

Matíe 6:33

Axɔ́súɖuɖu Mawu tɔn kpódó jlǒ tɔn wiwa kpó ní nɔ́ myá nukún nú mi jɛ nukɔn; énɛ́ ɔ́, é ná ná nǔ énɛ́ lɛ́ɛ bǐ mi.