Nɛɛmíi 7:3 - MAWUXÓWÉMA

³ Énɛ́ ɔ́ gúdo ɔ́, un ɖɔ nú yě ɖɔ: cóbónú è nǎ hun hɔntogbó lɛ́ɛ ɔ́, hwe ná ko tɔ́n bó ná ko yi jǐ tawun. Gbadanu ɔ́, è na sú hɔntogbó lɛ́ɛ, bó dó gan mɛ có hɔnjínɔtɔ́ lɛ́ɛ ná gosín azɔ̌ jí. Jeluzalɛ́munu lɛ́ɛ ná ɖó tito ɖé ɖ'ayǐ nú yě, bɔ mɛ ɖokpó ɖokpó ná ɖo azɔ̌ tɔn jí, ɖo xwé tɔn nukɔn.

Nɛɛmíi 7:3 Iomraidhean Croise

Nɛɛmíi 13:19

Bɛ́ sín gbe nɛ́ ɔ́ gbe ɔ́, un ná gbe ɖɔ nú zǎn jɛ bibɔ jí hǔn, è nǐ nɔ́ sú Jeluzalɛ́mu sín hɔntogbó lɛ́ɛ có nú gbɔjɛzán ɔ́ ná bɛ́; è ma ka nɔ hun yě có nú gbɔjɛzán ɔ́ fó ó; un sɔ́ mɛsɛntɔ́ ce lɛ́ɛ ɖě ɖó hɔntogbó lɛ́ɛ jí, bónú mɛɖé ná sɔ́ ajɔ̌nú byɔ́ Jeluzalɛ́mu toxo ɔ́ mɛ gbɔjɛzán gbe ɔ́, yě ná gbɛ́.

Nɛɛmíi 3:23

Bɛnjamɛ́ɛ kpó Hacúvu kpó wa azɔ̌ ɖo fí e kpan nukɔn xwé yětɔn é, bɔ Azalya Maaseya ví Ananíya vívú ɔ́ ka wa azɔ̌ ɖo xwé éyɛ́ tɔn kpá.

Nɛɛmíi 7:2

Un sɔ́ to ɔ́ dó alɔ mɛ nú nɔví ce Hanáni kpódó Hananiya ahwangán ɔ́ kpó. Hananiya ahwangán ɔ́ wɛ kpa acɛ nú Jeluzalɛ́mu toxo ɔ́. Gbɛtɔ́ ɖeji d'é wú ɖé wɛ nyí nya énɛ́ ɔ́, bó ɖo gbejí nú Mawu hú mɛ gěgé.

Nɛɛmíi 7:4

Jeluzalɛ́mu sín toxo gbló tawun, có gbɛtɔ́ e ɖo toxo ɔ́ mɛ lɛ́ɛ sukpɔ́ ǎ, bɔ xwé gěgé tíin bɔ è ko vɔ́ bló ɖó ǎ.

Ɖɛhan 127:1

È ɖo kpó fán wɛ xwe Mawu xwé ɖo Jeluzalɛ́mu ɔ́ wɛ è nɔ ji han élɔ́. Salomɔ́ɔ sín han wɛ. Mawu Mavɔmavɔ má mɛ xɔ ɖé ǎ ɔ́, tagba yǎyá wɛ xɔmɛtɔ́ lɛ́ɛ nɔ́ jɛ. Mawu Mavɔmavɔ ma nya xɛ ɖo toxo ɖé jí ǎ ɔ́, tagba yǎyá wɛ mɛ e ɖo toxo ɔ́ cɔ́ wɛ lɛ́ɛ ɔ́ nɔ́ jɛ.

Ɖɛhan 147:13

ɖó é ná syɛ́nsyɛ́n nǔ e a nɔ dó sú hɔntogbó towe lɛ́ɛ é, bó xo ɖɛ dó vǐ towe lɛ́ɛ jí ɖo toxo towe mɛ.

Matíe 10:16

“Éɖíe, un sɛ́ mi dó, bɔ mi ná cí lɛ̌ngbɔ́ ɖo hla lɛ́ɛ tɛ́ntin ɖɔhun e; mi bo ɖó ayi te dan ɖɔhun, bó fá xomɛ ahwannɛ́ ɖɔhun.