Nɛɛmíi 7:2 - MAWUXÓWÉMA

² Un sɔ́ to ɔ́ dó alɔ mɛ nú nɔví ce Hanáni kpódó Hananiya ahwangán ɔ́ kpó. Hananiya ahwangán ɔ́ wɛ kpa acɛ nú Jeluzalɛ́mu toxo ɔ́. Gbɛtɔ́ ɖeji d'é wú ɖé wɛ nyí nya énɛ́ ɔ́, bó ɖo gbejí nú Mawu hú mɛ gěgé.

Nɛɛmíi 7:2 Iomraidhean Croise

Bǐbɛ́mɛ 42:18

Azǎn tɔn atɔngɔ́ ɔ́ gbe ɔ́, Jozɛ́fu ɖɔ nú yě ɖɔ: “Đó nyɛ ɖó sísí nú Mawu wútu ɔ́, nǔ e mi ná wa bó ná gán ɔ́ ɖíe:

2 Samuwɛ́li 23:3

Mawu Izlayɛ́li tɔn ɖɔ xó; Izlayɛ́lisó ɔ́ ɖɔ nú mì ɖɔ: “Mɛ e ɖu axɔ́sú ɖo gbɛtɔ́ lɛ́ɛ nu kpó hwɛjijɔ kpó é, mɛ e nɔ yě nu kpó sísí ɖó nú Mawu kpó ɔ́,

1 Axɔ́sú 18:12

Bɔ hwenu e un ná gosín gɔ̌n towe, bó ná ɖidó ɔ́, yɛ Mawu Mavɔmavɔ tɔn ná wá zé we yi fí e un ma ná tunwun ǎ é, bɔ un ká ná kó ɖɔ nú Akábu ɖɔ hwi ɖo fí, bɔ é ná wá ba we kpo, bó ná hu mì. Sín vǔ ɖokpóó wɛ nyɛ mɛsɛntɔ́ towe ka kó nɔ ɖó sísí nú Mawu Mavɔmavɔ.

1 Axɔ́sú 18:3

Ée adɔ ɔ́ syɛ́n mɔ̌ ɔ́, Akábu ylɔ́ hɔnmɛgán tɔn Ovadiahu. Mɛ ɖé wɛ Ovadiahu ka nyí, bó nɔ ɖó sísí nú Mawu Mavɔmavɔ ɖésú.

Nɛɛmíi 1:2

Nɔví ce ɖokpó ká tíin bó nɔ́ nyí Hanáni; é kpó mɛɖé lɛ́ɛ kpó wɛ gosín tokpɔn Judáa tɔn mɛ wá hwenɛ́nu. Un kan nǔɖé lɛ́ɛ byɔ́ yě dó Jwifu e gán sín kannumɔgbénu bó wá lɛ́ɛ wú, bó kan nǔ byɔ́ yě dó Jeluzalɛ́mu toxo ɔ́ wú.

Nɛɛmíi 10:23

Pelatiya, Hanáni, Anaya,

Nɛɛmíi 13:13

Un ɖe Cɛlɛmiya vɔ̌sánú-xwlémawutɔ́ ɔ́, Sadɔ́ku sɛ́nkplɔ́nmɛtɔ́ ɔ́ kpó Pedaya Levíi ví ɔ́ kpó, bɔ yě ná cɔ́ agbanxɔ lɛ́ɛ, un sɔ́ Hanáni Zakúu ví Mataniya vívú ɔ́ gɔ́ nú yě, ɖó yě mɛ énɛ́ lɛ́ɛ ɔ́, gbɛtɔ́ jijɔɖagbenɔ wɛ nú yě bɔ mɛ bǐ tunwun. Azɔ̌ e è sɔ́ dó así nú yě ɔ́ wɛ nyí ɖɔ yě ná nɔ má nǔ lɛ́ɛ nú nɔví yětɔn lɛ́ɛ.

Nɛɛmíi 2:8

È nǐ lɛ́ bló wěma ɖěvo nú mì nú má sɔ́ jó nú Asáfu e kpa acɛ ɖo zungbó mɛtɔn lɛ́ɛ nu é, nú é ná ná mì atín nú ahohó sín hɔntogbó lɛ́ɛ, bó ná ná atín nú ahohó e ɖo Mawu xwé ɔ́ kpá lɛ́ɛ é, lobo ná ná atín nú dǒ e è mɛ lɛ́ lɛ̌ dó toxo ɔ́ e, lobo ná ná atín nú xwé nyi ɖésú tɔn.” Dadá ɔ́ ná wěma énɛ́ lɛ́ɛ mì, ɖó Mawu ce cyɔ́n alɔ jǐ ce.

Nɛɛmíi 5:15

Lo ɔ́, tokpɔngán e jɛ nukɔn nú mì lɛ́ɛ dó tagba nú togun ɔ́ káká bó nɔ́ yí nǔɖuɖu kpó ahan kpó ɖo yě sí, bó nɔ́ lɛ́ yí akwɛ́gan kanɖé (40) ɖo yě sí d'é jí gbe ɖokpó. Mɛ e nɔ wa azɔ̌ xá tokpɔngán lɛ́ɛ lɔ nɔ táfú togun ɔ́ ɖu. Amɔ̌, nyɛ ɔ́, ɖó sísí e un ɖó nú Mawu ɔ́ wútu ɔ́, un wa nǔ gbɔn mɔ̌ gbeɖé ǎ.

Nɛɛmíi 7:3

Énɛ́ ɔ́ gúdo ɔ́, un ɖɔ nú yě ɖɔ: cóbónú è nǎ hun hɔntogbó lɛ́ɛ ɔ́, hwe ná ko tɔ́n bó ná ko yi jǐ tawun. Gbadanu ɔ́, è na sú hɔntogbó lɛ́ɛ, bó dó gan mɛ có hɔnjínɔtɔ́ lɛ́ɛ ná gosín azɔ̌ jí. Jeluzalɛ́munu lɛ́ɛ ná ɖó tito ɖé ɖ'ayǐ nú yě, bɔ mɛ ɖokpó ɖokpó ná ɖo azɔ̌ tɔn jí, ɖo xwé tɔn nukɔn.

Jɔ̌bu 1:1

Nya ɖé tíin ɖo Wúsi bɔ è nɔ ylɔ́ ɛ ɖɔ Jɔ̌bu. È nɔ mɔ nǔ jɛ do ɖě ɖɔ dó nya énɛ́ ɔ́ wú ǎ; é nɔ́ wa nǔ jlɔ́jlɔ́, é ɖo gbejí nú Mawu, é nɔ́ hɔn nú nǔ nyanya wiwa.

Ɖɛhan 101:6

Un ná cyán mɛ e ɖo gbejí ɖo to ɔ́ mɛ lɛ́ɛ, bónú yě ná nyí gǎn hɔn-yitɔ́ ce. Mɛ e ɖó walɔ e wú è ma nɔ mɔ nǔɖé ɖɔ dó ǎ lɛ́ɛ wɛ ná wa azɔ̌ xá mì.

Tíntɔ́n 18:21

Kpɔ́n togun ɔ́ bǐ mɛ, bó cyán súnnu nukúnɖéjí e nɔ ɖó sísí nú Mawu, bó yí wǎn nú nǔgbó ɖiɖɔ lobo ma nɔ yí wǎn nú nǔ ɖu ɖo nǔ mɛ ǎ lɛ́ɛ; sɔ́ yě dó ɖó gǎn ɖo togun ɔ́ nu: a nǎ sɔ́ mɛɖě ɖó gbɛtɔ́ afatɔ́n (1.000) nu, bó ná sɔ́ mɛɖě ɖó gbɛtɔ́ kanwe ko (100) nu, bó ná sɔ́ mɛɖě ɖó gbɛtɔ́ kanɖé wǒ (50) nu, bó ná sɔ́ mɛɖě ɖó gbɛtɔ́ wǒ nu.

Daniyɛ́li 6:4

Daniyɛ́li ka ɖo nukɔn nú mɛ we ɖě lɛ́ɛ ɖo nǔnywɛ́ lixo, ɖó yɛ e ɖo jǐ tɔn ɔ́ syɛ́n ɖésú, bɔ axɔ́sú ɔ́ ɖo linlin wɛ ná sɔ́ ɛ ɖó axɔ́súɖuto ɔ́ bǐ nu.

Kɛ́nsísɔ́ 12:7

Mɔ̌ wɛ é ká nyí gbɔn nú mɛsɛntɔ́ ce Mɔyízi ǎ. Éyɛ́ ɖo gbejí ɖo xwédo ce bǐ mɛ.

Matíe 24:45

“Má ɖɔ mɛ e mɛsɛntɔ́ gbejínɔtɔ́, ayiɖotenánɔ ɖi ɔ́ nú mi: é ɖi mɛ e gǎn tɔn ɖo hwɛ ná zɛ wɛ, bó sɔ́ ɛ ɖó mɛ e ɖo xwé tɔn gbe lɛ́ɛ nu, bɔ é ná nɔ ná nǔɖuɖu yě dó hwe tɔn nu é.

Matíe 25:21

Bɔ gǎn ɔ́ ɖɔ n'i ɖɔ: ‘A wa nǔ ɖó ganjí; mɛsɛntɔ́ ɖagbe gbejínɔtɔ́ wɛ nú we. Un sɔ́ we ɖó nǔ kpɛɖé nu, bɔ a blǒ ɖó ganjí; din ɔ́, un ná sɔ́ we ɖó nǔ gěgé nu. Énɛ́ ɔ́ wú ɔ́, bo wá j'awǎ xá mì.’

1 Kɔlɛ́ntinu 4:2

Mɛ e è zě azɔ̌ ɖé dó así ná ɔ́, nǔ e byɔ́ ɛ wɛ è ɖe kpowun ɔ́ wɛ nyí ɖɔ é ní nɔ gbejí.

2 Timɔtée 2:2

Nǔ e un ɖɔ, bɔ a se ɖo kúnnuɖetɔ́ gěgé nukɔn ɔ́, sɔ́ dó así nú mɛ e wú è ɖeji dó, bɔ yě lɔ ná sixú kplɔ́n mɛɖěvo lɛ́ɛ é.