Nɛɛmíi 5:9 - MAWUXÓWÉMA

⁹ Un lɛ́ yí xó bo ɖɔ: nǔ e wa wɛ mi ɖe ɔ́ nyɔ́ ǎ. Mi tunwun ɖɔ émí ɖó ná ɖó sísí nú Mawu ɖo walɔ émítɔn mɛ, bó ná gló zun ɖo kɛntɔ́ mǐtɔn akɔta ɖěvo lɛ́ɛ sí ǎ cé?

Nɛɛmíi 5:9 Iomraidhean Croise

Bǐbɛ́mɛ 20:11

Bɔ Ablaxámu yí gbe n'i ɖɔ: “Un mɔ ɖɔ mɛ e ɖo to élɔ́ mɛ lɛ́ɛ kún ná ɖó sísí ɖěbǔ nú Mawu ó; yě ná hu mì ɖó asi ce wú.

Bǐbɛ́mɛ 42:18

Azǎn tɔn atɔngɔ́ ɔ́ gbe ɔ́, Jozɛ́fu ɖɔ nú yě ɖɔ: “Đó nyɛ ɖó sísí nú Mawu wútu ɔ́, nǔ e mi ná wa bó ná gán ɔ́ ɖíe:

2 Samuwɛ́li 12:14

Nǔ énɛ́ e a wa ɔ́, do ɖaxó ɖé wɛ a jɛ dó Mawu Mavɔmavɔ bɔ Mawu Mavɔmavɔ sín kɛntɔ́ lɛ́ɛ mɔ ali bó ɖo ɖɔɖɔ ɖɔ nyɔ̌nu énɛ́ ɔ́ wú wɛ. Énɛ́ wú ɔ́, vǐ e è ji nú we din ɔ́ ná kú dandan.”

Nɛɛmíi 4:4

Mǐ ɖ'é wú mɔ̌ có Judáanu lɛ́ɛ ɖɔ: “Nǔ e gblé lɛ́ɛ sukpɔ́ dín, bɔ agbɔ̌n ká kó kpé azɔ̌watɔ́ lɛ́ɛ. Mi sixú kpé wú bó bló bǐ kpé gbeɖé ǎ.”

Nɛɛmíi 5:10

Nyɛ lɔ kpó mɛ e kpó nyɛ kpó ɖo kpɔ́ lɛ́ɛ kpó, kpódó azɔ̌gbɛ́ ce lɛ́ɛ kpó nya akwɛ́ nú yě, bó nya jinukún nú yě. Nǔ ɖo mɔ̌ có un ɖo byɔ̌byɔ́ mi wɛ ɖɔ mǐ ní jó nǔ e yě nya ɖo mǐ sí lɛ́ɛ bǐ dó nú yě.

Nɛɛmíi 5:15

Lo ɔ́, tokpɔngán e jɛ nukɔn nú mì lɛ́ɛ dó tagba nú togun ɔ́ káká bó nɔ́ yí nǔɖuɖu kpó ahan kpó ɖo yě sí, bó nɔ́ lɛ́ yí akwɛ́gan kanɖé (40) ɖo yě sí d'é jí gbe ɖokpó. Mɛ e nɔ wa azɔ̌ xá tokpɔngán lɛ́ɛ lɔ nɔ táfú togun ɔ́ ɖu. Amɔ̌, nyɛ ɔ́, ɖó sísí e un ɖó nú Mawu ɔ́ wútu ɔ́, un wa nǔ gbɔn mɔ̌ gbeɖé ǎ.

Ɖɛhan 90:11

Mɛ̌ ka tunwun lě e xomɛsin towe syɛ́n gbɔn é? Mɛ̌ ká nɔ́ ɖó sísí nú we yi ɖó bǎ e mɛ a nɔ wa adǎn yi ɖó é?

Nǔnywɛ́xó 16:29

Gbɛtɔ́ dǎnúwatɔ́ nɔ flú nɔzo tɔn; é nɔ́ dɔn ɛ dó nǔ nyanya mɛ.

Nǔnywɛ́xó 17:26

É nyɔ́ ɖɔ è nǐ dɔn tó nú xomɛvɔ́nɔ ǎ; è dɔn tó nú gbɛtɔ́ e mɛ lɛ́ɛ nɔ sí ɔ́, acɛ wɛ é nyí bɔ è gba.

Nǔnywɛ́xó 18:5

É nyɔ́ nú è na nɔ mɛ e wa nǔ nyi do ɔ́ jí, lobo gblé hwɛ dó ta nú mɛ e hwɛ tɔn jɔ é ǎ.

Nǔnywɛ́xó 19:2

Nǔ ba ná wa hawun ma yi agbɔ̌n jí hwɛ̌ ɔ́, è nɔ mɔ nu tɔn ǎ; è ɖo hwlɛ́ndó jí dín ɔ́, nǔ wɛ è nɔ wa nyi do.

Nǔnywɛ́xó 24:23

Xó e nǔnywɛ́tɔ́ lɛ́ɛ ɖɔ é ɖěvo ɖíe: È ɖo hwɛ ná ɖɔ wɛ ɔ́, é nyɔ́ ɖɔ è nɔ gbɛtɔ́ jí ǎ.

Ezekiyɛ́li 36:20

To e mɛ yě gbɔn lɛ́ɛ bǐ ɔ́, hwɛ e yě nɔ́ hu lɛ́ɛ hɛn nyɛ mɛ e nyí Mawu mímɛ́ ɔ́ sín nyǐkɔ blí. Ɖó è nɔ ɖɔ dó yě wú ɖɔ: ‘Mawu Mavɔmavɔ sín togun wɛ yě nyí; è ka ɖe yě sín Mawu Mavɔmavɔ sín to ɔ́ mɛ gǎnnugǎnnu.’

Levíi ví 25:36

A nǎ nya nǔ n'i bó byɔ́ d'é jí ǎ, a ka ná sa akwɛ́ n'i ǎ; a nǎ ɖi xɛsi nú nyɛ Mawu towe, bɔ nɔzo towe ná nɔ akpá towe.

Mɛsɛ́dó 9:31

Yě mɛ e ɖi nǔ nú Jezu lɛ́ɛ sín agun e ɖo Judée ɔ́ kpó ée ɖo Galilée ɔ́ kpó, kpódó ée ɖo Samalíi ɔ́ kpán bǐ sín ayi wɛ jɛ ayǐ, bɔ yě ɖo dǒ lí wɛ, bó nɔ́ ɖo sísí ɖó nú Aklúnɔ wɛ ɖo nǔwiwa yětɔn lɛ́ɛ mɛ; Yɛsinsɛn gɔ́ alɔ nú yě, bɔ yě ɖo kpɔ́ sú d'é jí wɛ.

Hlɔ̌manu 2:24

Đó Mawuxówéma ɔ́ ɖɔ: “Mi mɛ Jwifu lɛ́ɛ wútu wɛ akɔta ɖě lɛ́ɛ nɔ́ ɖɔ xó nyanya dó Mawu wú.”

1 Timɔtée 5:14

Énɛ́ ɔ́ wú wɛ un jló ɖɔ asúkúsi e ma ko nyí mɛxó ǎ lɛ́ɛ ní lɛ́ vɔ́ asú da, bó ji vǐ; yě ní kpé nukún dó xwé yětɔn wú, bó ma ná ali ɖěbǔ kɛntɔ́ mǐtɔn lɛ́ɛ, bónú yě mɔ nǔ nyanya ɖé ɖɔ dó mǐ wú ó.

Titu 2:5

Yě ná nɔ kplɔ́n yě ɖɔ yě ní nɔ wa nǔ e sɔgbe é, lobo nyí mɛ mímɛ́; yě ní nɔ́ kpé nukún dó xwégbezɔ́ yětɔn lɛ́ɛ wú, bó ná nyí nyɔ̌nu ɖagbe e nɔ se tónú nú asú yětɔn lɛ́ɛ é; yě ní wa nǔ gbɔn mɔ̌, bónú mɛɖé ma ɖɔ xó nyanya ɖé dó Mawuxó ɔ́ wú ó.

1 Piyɛ́ɛ 2:12

Mi zán gbɛ ɖagbe ɖo mɛ e ma ɖi nǔ nú Mawu ǎ lɛ́ɛ tɛ́ntin; énɛ́ ɔ́, nú yě na bo ɖo hwɛ dó mi wɛ ɖɔ mi nyí nǔnyanyawatɔ́ ɔ́, yě ná wá mɔ nǔ jɛ azɔ̌ ɖagbe e mi nɔ wa lɛ́ɛ wú dandan, bó ná kpa susu nú Mawu ɖo azǎn e gbe é ná ba yě kpɔ́n é.

1 Samuwɛ́li 2:24

Vǐ ce lɛ́ɛ mi, mi gbɔ, xó e se dó mi wú wɛ un ɖe ɖo togun Mawu Mavɔmavɔ tɔn mɛ ɔ́ nyɔ́ se ǎ.