Nɛɛmíi 5:4 - MAWUXÓWÉMA

⁴ Mɛ ɖěvo lɛ́ɛ lɛ́ ɖɔ: “Cóbónú mǐ ná sixú sú akwɛ́jɔ Dadá ɔ́ tɔn lɛ́ɛ ɔ́, gle mǐtɔn lɛ́ɛ kpó vǐwungbo mǐtɔn lɛ́ɛ kpó wɛ mǐ nɔ sɔ́ ɖó axɔ́nu hwɛ̌.

Nɛɛmíi 5:4 Iomraidhean Croise

1 Axɔ́sú 9:21

Yě kpo ɖo to ɔ́ mɛ, ɖó Izlayɛ́li ví lɛ́ɛ kpé wú bó hu yě bǐ sín to ɔ́ mɛ ǎ; yě mɛ énɛ́ lɛ́ɛ sín vǐ wɛ Salomɔ́ɔ nɔ sɔ́ dó wa azɔ̌ syɛ́nsyɛ́n lɛ́ɛ; é kpo ɖo mɔ̌ káká jɛ égbé.

Ɛsidlási 4:13

Sɛ́mɛɖó! Mǐ ká jló nú è nǐ tunwun ɖɔ ényí yě fɔ́n toxo ɔ́, lobo vɔ́ dǒ lɛ́ɛ mɛ jɛ́n wɛ ɔ́, to ɔ́ mɛ nu lɛ́ɛ sɔ́ ná nɔ jó agban ǎ, yě ká sɔ́ ná nɔ ná takwɛ́ ǎ, yě ká sɔ́ ná nɔ ná nǔ e aligbɔntɔ́ lɛ́ɛ nɔ ná ɔ́ ǎ. Nǔ énɛ́ ɔ́ ká ná wa nǔ dó akwɛ́gbá mɛtɔn wú.

Ɛsidlási 4:20

Đ'ayǐ xóxó ɔ́, axɔ́sú hlɔ̌nhlɔ́nnɔ lɛ́ɛ nɔ to énɛ́ ɔ́ mɛ, bó kpa acɛ nú mɛ e ɖo Efláti tɔ ɔ́ sín gbadahwe jí lɛ́ɛ bǐ, bó nɔ yí nǔjɔ, takwɛ́ kpódó aligbɔntɔ́ sín akwɛ́ kpó ɖo yě sí.

Ɛsidlási 7:24

Mɔ̌ ɖokpó ɔ́, mǐ ɖo ɖiɖɔ nú akwɛ́gbájínɔtɔ́ lɛ́ɛ wɛ ɖɔ è kún ná gbe yě ɖɔ yě ní yí akwɛ́ ɖé ɖo vɔ̌sánú-xwlémawutɔ́ lɛ́ɛ, Levíi ví lɛ́ɛ, hanjitɔ́ lɛ́ɛ, hɔnjínɔtɔ́ lɛ́ɛ, kpódó mɛ e nɔ wa azɔ̌ ɖo Mawu xwé gbe lɛ́ɛ kpó, kpódó mɛ ɖě lɛ́ɛ e ɖo azɔ̌ wa wɛ ɖo Mawu xwé ɔ́ wú wɛ lɛ́ɛ kpó sí ó. Yě kún ná yí takwɛ́ kpódó aligbɔntɔ́kwɛ́ kpó ɖo yě sí ó.

Nɛɛmíi 5:3

Mɛ ɖě ɖɔ: “Cóbónú mǐ ná sixú mɔ nǔ ɖu adɔ hwenu ɔ́, è nɔ byɔ́ mǐ ɖɔ mǐ ní to sɔ́ gle mǐtɔn lɛ́ɛ, vǐwungbo mǐtɔn lɛ́ɛ, káká jɛ xwé mǐtɔn lɛ́ɛ ɖésú jí ɖó gbanu hwɛ̌.”

Nɛɛmíi 9:37

To énɛ́ ɔ́ nɔ ná nǔ ɖagbe bɔ é nɔ túnflá axɔ́sú e sín acɛ mɛ a sɔ́ mǐ dó, ɖó hwɛ mǐtɔn lɛ́ɛ wútu lɛ́ɛ. Mǐ kpódó kanlin mǐtɔn lɛ́ɛ bǐ kpó wɛ ɖo alɔ yětɔn mɛ, bɔ yě nɔ́ dó wa nǔ e jló yě lɛ́ɛ ná. Aluwɛ ɖaxó ɖé mɛ wɛ mǐ ɖe.”

Nǔnywɛ́xó 22:7

Dɔkunnɔ nɔ kpa acɛ nú wamamɔnɔ lɛ́ɛ; axɔ́ɖutɔ́ ká nyí kannumɔ nú axɔ́tɔ́nɔ.

Jozuwée 16:10

Eflayímu ví lɛ́ɛ nya Kanáanu e ɖo Gɛzɛ́ɛ lɛ́ɛ ǎ. Yě mɛ énɛ́ lɛ́ɛ kpo ɖo Eflayímu ví lɛ́ɛ mɛ káká jɛ égbé, bɔ Eflayímu ví lɛ́ɛ kpa acɛ nú yě bó nɔ́ zɔ́n azɔ̌ syɛ́nsyɛ́n lɛ́ɛ yě.