Nɛɛmíi 5:1 - MAWUXÓWÉMA

¹ Gbe ɖokpó tíin bɔ Jwifu súnnu kpódó nyɔ̌nu kpó wá jɛ nɔví yětɔn Jwifu ɖě lɛ́ɛ sín hwɛ kpó adǎn kpó.

Nɛɛmíi 5:1 Iomraidhean Croise

Jɔ̌bu 34:28

lobo wa nǔ xá mɛ ma ɖó gǎn lɛ́ɛ kpódó wamamɔnɔ lɛ́ɛ kpó, bɔ yě sú xo ylɔ́ alɔdómɛtɔ́, bɔ Mawu se xósúsú yětɔn.

Tíntɔ́n 3:7

Mawu Mavɔmavɔ ɖɔ: “Un mɔ ya e ji wɛ togun ce Izlayɛ́li ɖe ɖo Ejípu ɔ́. Un se xó e sú wɛ é ɖe ɖó nǔ e wa xá ɛ wɛ azɔ̌gán lɛ́ɛ ɖe ɔ́ wú é. Un tunwun wǔvɛ́ e mɔ wɛ é ɖe ɔ́ ganjí.

Ezayíi 5:7

Mawu Mavɔmavɔ Nǔbǐwúkpétɔ́ ɔ́ sín vǐwungle ɔ́, akɔta Izlayɛ́li tɔn wɛ. Vǐwuntín e nyɔ́ nukún tɔn mɛ ɖésú ɔ́, Judáa togun ɔ́ wɛ. Mawu Mavɔmavɔ ɖó nukún yě ɖɔ yě ná nɔ nyi sɛ́n, lo ɔ́, sɛ́n wɛ yě nɔ́ gba; Mawu Mavɔmavɔ ɖó nukún yě ɖɔ yě ná nɔ́ xwedó hwɛjijɔ, lo ɔ́, alě e ná wɛ mɛ e táfú wɛ yě ɖe lɛ́ɛ kɛ́ɖɛ́ wɛ è nɔ́ se.

Jelemíi 34:8

Axɔ́sú Sedesíyasi jɛ akɔ ɖokpó xá Jeluzalɛ́munu lɛ́ɛ, bó ɖɔ nú yě ɖɔ mɛ e nyí kannumɔ lɛ́ɛ bǐ jɛ yěɖée sí. Hwe énɛ́ nu wɛ Mawu Mavɔmavɔ ɖɔ xó ɖokpó nú Jelemíi.

Ezekiyɛ́li 45:9

Xó e Aklúnɔ Mavɔmavɔ ɖɔ ɔ́ ɖíe: “Gǎn Izlayɛ́li tɔn lɛ́ɛ mi, mitɔn wá hú gán! Din ɔ́, mi jó dǎkaxixo dó, bó jó ya dó nú mɛ dó, bó xwedó hwɛjijɔ, bó nɔ́ wa nǔ ɖó sɛ́nxwi jí, bó gɔn nǔ e nyí togun ɔ́ tɔn lɛ́ɛ nu klá jɛ. Xó e nyɛ Aklúnɔ Mavɔmavɔ ɖɔ ɔ́ nɛ́.

Malacíi 2:13

Nǔ e mi nɔ lɛ́ bló ɔ́ ɖíe: mi nɔ ya avǐ, bɔ ɖasin mitɔn nɔ sa gbɔn vɔ̌sákpe Mawu Mavɔmavɔ tɔn jí. Mi nɔ ya avǐ bó nɔ wɛn azɔn, ɖó Mawu Mavɔmavɔ sɔ́ nɔ́ ké ya nú vɔ̌sánú mitɔn lɛ́ɛ ǎ, é ka sɔ́ nɔ yí nǔ e mi nɔ hɛn wá n'i lɛ́ɛ ɖě ǎ.

Luki 18:7

Ényí nǔ ɖo mɔ̌ ɔ́, nɛ̌ wɛ Mawu má ká ná yá wǔ gbo hwɛ nú yě mɛ e nyí étɔn, bó nɔ́ ɖo xó sú ylɔ́ ɛ wɛ zǎn kéze lɛ́ɛ ǎ gbɔn? É ná lín cóbó ná dó alɔ yě wɛ a?

Mɛsɛ́dó 7:26

Ayǐhɔ́ngbe tɔn ɔ́, Mɔyízi mɔ Izlayɛ́li ví we ɖé lɛ́ɛ ɖo hun xo wɛ, lobo jló ná kɔ́ nǔ nú yě, bó ɖɔ: ‘Xɔ́ntɔn ce lɛ́ɛ mi; nɔví wɛ mi nyí hǔn. Nɛ̌ ká gbɔn bɔ mi ɖo ya dó nú miɖée wɛ?’

Jaki 5:4

Mi sú axɔ́ azɔ̌watɔ́ e ɖo azɔ̌ wa wɛ ɖo gle mitɔn mɛ lɛ́ɛ ǎ. Mi ɖótó vo e sa wɛ yě ɖe ɔ́! Mɛ e ɖo jinukún mitɔn lɛ́ɛ bɛ́ yi xwé gbe nú mi wɛ lɛ́ɛ sín xósúsú hun káká wá jɛ Aklúnɔ Nǔbǐwúkpétɔ́ ɔ́ sín tómɛ.