Nɛɛmíi 4:8 - MAWUXÓWÉMA

⁸ Ée un ɖó mɛ fí tɛnmɛ tɛnmɛ énɛ́ lɛ́ɛ ɔ́, un wá ɖɔ nú tonukún lɛ́ɛ kpódó hwɛɖɔtɔ́ to ɔ́ mɛ tɔn lɛ́ɛ kpó, kpódó mɛ e ɖo fínɛ́ lɛ́ɛ bǐ kpó ɖɔ: “Mi ma ɖi xɛsi nú kɛntɔ́ mitɔn lɛ́ɛ ó; mi flín ɖɔ Aklúnɔ ɔ́, nǔɖaxó wɛ é nyí, bó nyí nǔsísí. Mi fun ahwan dó nɔví mitɔn lɛ́ɛ, vǐ mitɔn súnnu lɛ́ɛ, vǐ mitɔn nyɔ̌nu lɛ́ɛ, asi mitɔn lɛ́ɛ kpódó mɛ e ɖo xwé mitɔn gbe lɛ́ɛ kpó tamɛ.”

Nɛɛmíi 4:8 Iomraidhean Croise

2 Samuwɛ́li 10:12

Kpan akɔ́n! Mǐ ní ván kan bo fun ahwan nú togun mǐtɔn kpó Mawu mǐtɔn sín toxo lɛ́ɛ kpó. Mawu Mavɔmavɔ ní ka bló lě e é jló e gbɔn é.”

2 Tan 32:7

“Mi kpan akɔ́n bó dó gǎn. Mi ma ɖi xɛsi ó, ado ní ma hu mi ɖo axɔ́sú Asilíi tɔn ɔ́ kpódó mɛ tobutóbú e zɔn xá ɛ lɛ́ɛ kpó nukɔn ó. Đó mɛ e zɔn xá mǐ lɛ́ɛ sukpɔ́ hú mɛ e zɔn xá ɛ lɛ́ɛ.

Nɛɛmíi 1:5

“Áo Mawu Mavɔmavɔ, hwi mɛ e ɖo sɛ́xwé é. A kló bó nyí nǔsísí. A nɔ hɛn akɔ e a nɔ jɛ xá mɛ e nɔ nyi sɛ́n towe lɛ́ɛ é. A nɔ́ nɔ gbejí nú mɛ e yí wǎn nú we lɛ́ɛ.

Nɛɛmíi 4:7

Un wá mɔ fí ɖé lɛ́ɛ ɖo dǒ ɔ́ gúdo, fí e è ma ná mɔ mɛ ɖe ǎ é, bó ɖó sɔ́ja lɛ́ɛ fínɛ́. Un nɔ kplé akɔta ɖokpó ɔ́ sín mɛ lɛ́ɛ ɖó fí ɖokpó ɔ́, bɔ yě hɛn hwǐ kpó hwǎn kpó, kpódó aɖǐgá kpó.

Jelemíi 20:10

Mɛ gěgé ɖo xó nyanya ɖɔ dó wǔ ce wɛ, bɔ un se. Yě nɔ́ ylɔ́ mì ɖɔ: “Xɛsiɖofíbǐ.” Mɛ ɖé lɛ́ɛ nɔ́ ɖɔ: “Mǐ ní ɖe e gba!” Mɛ ɖěvo lɛ́ɛ nɔ́ ɖɔ: “Nǔgbó wɛ, mǐ ní ɖe e gba!” Xɔ́ntɔn ce lɛ́ɛ ɖésú nɔ́ ɖo cícɔ́ mì wɛ, bó ná kpɔ́n ɖɔ nyi ná ɖe afɔ nyi do a jí. Yě nɔ́ ɖɔ: “É lóó ká jɛ mɛ, nú mǐ nǎ bló n'i nɛ́! Mǐ nǎ ba hlɔn.”

Daniyɛ́li 9:25

Nǔ e a ka ɖó ná tunwun bó ná mɔ nǔ jɛ wú ɔ́ ɖíe: Sín hwenu e è ɖǒ wɛn e ɖɔ xó dó kɔ lɛ́ sín gbějí wá ɔ́ wú, bó ɖɔ dó Jeluzalɛ́mu toxo ɔ́ ná vɔ́ gbá ɔ́ wú káká wá jɛ gǎn e jí è ylɔ̌ Mawu nyíkɔ dó ɔ́ sín wǐwá hwenu ɔ́ wú ɔ́, é kó bló xwe tɛ́nwe tɛ́nwe donu tɛ́nwe. Énɛ́ ɔ́ gúdo ɔ́, ɖo xwe tɛ́nwe tɛ́nwe donu kanɖé ko-nukún-we (62) mɛ ɔ́, è nǎ lɛ́ vɔ́ toxo ɔ́ kpódó ahohó tɔn lɛ́ɛ bǐ kpó bló ɖó. Amɔ̌, hwe énɛ́ lɛ́ɛ nu ná nyí hwenu vɛ́ wǔ ɖésú.

Sɛ́nflínmɛ 1:29

Un ka ɖɔ nú mi ɖɔ: “Ado ma hu mi ó. Mi ma ɖi xɛsi nú yě ó.