Nɛɛmíi 4:7 - MAWUXÓWÉMA

⁷ Un wá mɔ fí ɖé lɛ́ɛ ɖo dǒ ɔ́ gúdo, fí e è ma ná mɔ mɛ ɖe ǎ é, bó ɖó sɔ́ja lɛ́ɛ fínɛ́. Un nɔ kplé akɔta ɖokpó ɔ́ sín mɛ lɛ́ɛ ɖó fí ɖokpó ɔ́, bɔ yě hɛn hwǐ kpó hwǎn kpó, kpódó aɖǐgá kpó.

Nɛɛmíi 4:7 Iomraidhean Croise

Bǐbɛ́mɛ 3:15

Un ná bló bɔ hwi kpó nyɔ̌nu ɔ́ kpó ɔ́, mi ná nɔ́ mɔ miɖée gbɔ gbeɖé ǎ; kúnkan towe kpó kún tɔn kpó ɔ́, yě ná nɔ́ mɔ yěɖée gbɔ gbeɖé ǎ. Kúnkan tɔn ná nɔ́ nyínyɛ́ ta nú we, bɔ hwɛ ká ná nɔ́ gblé wǔ éyɛ́ tɔn dó afɔgbɛnnu.”

2 Axɔ́sú 24:2

Énɛ́ ɔ́, Mawu Mavɔmavɔ sɛ́ gbɛ̌ta tɛnmɛ tɛnmɛ dó Yoyakímu. É sɛ́ gbɛ̌ta Babilɔ́nunu lɛ́ɛ tɔn, Sikíinu lɛ́ɛ tɔn, Mɔwabunu lɛ́ɛ tɔn, kpó Amumɔ́ɔ ví lɛ́ɛ tɔn kpó dó, bɔ yě wǎ gba Judáa to ɔ́ bǐ hánnyá lě e Mawu Mavɔmavɔ ko ɖɔ gbɔn, gbɔn mɛsɛntɔ́ tɔn gbeyíɖɔ lɛ́ɛ jí é.

2 Tan 20:1

Énɛ́ ɔ́ gúdo ɔ́, Mɔwabunu lɛ́ɛ, Amumɔ́ɔ ví lɛ́ɛ kpódó Mɛwun lɛ́ɛ kpó yi tɔ́n ahwan Jozafáti.

Ɛsidlási 5:8

“Sɛ́mɛɖó! Mǐ ɖo ɖiɖɔ nú mɛ wɛ ɖɔ mǐ yi tokpɔn Judáa tɔn mɛ, xwé Mawu ɖaxó ɔ́ tɔn kɔn. Mǐ mɔ bɔ è zě awǐnnya kpikpa dó ɖo xwé ɔ́ sín dǒ lɛ́ɛ vɔ́ mɛ wɛ, bó ɖo atín bɛ́ dó dǒ ɔ́ mɛ wɛ. Yě ɖo nukún kpé dó azɔ̌ ɔ́ wú wɛ ɖésú bɔ é ɖo yiyi wɛ titewungbe.

Nɛɛmíi 2:10

Nya we ɖé lɛ́ɛ tíin ɖo toxo ɔ́ mɛ, Sanbaláti Holonayímunu ɔ́ kpódó Toviya Amumɔ́ɔ ví e xo kpó ɖó n'i ɔ́ kpó. Ée yě se ɖɔ un jǎwe ɔ́, é vɛ́ nú yě káká, ɖó yě se ɖɔ mɛɖé jǎwe bó ná wá kpé nukún dó ganjíninɔ Izlayɛ́li ví lɛ́ɛ tɔn wú.

Nɛɛmíi 2:19

Lo ɔ́, ée Sanbaláti Holonayímunu ɔ́ kpódó Toviya Amumɔ́ɔ ví e xo kpó ɖó n'i ɔ́ kpó, kpódó Gɛcɛ́mu Alabíinu ɔ́ kpó se xó énɛ́ ɔ́, yě jɛ cícá mǐ ko jí, bó nɔ́ ɖɔ nyɔmɛ mǐ wú ɖɔ: “Étɛ́ wa wɛ mi ka ɖe ɖo fínɛ́ nɛ́? Gǔ ná fɔ́n dó Dadá ɔ́ jí wɛ mi ka ɖe a?”

Nɛɛmíi 4:1

Lo ɔ́, ée Sanbaláti kpó Toviya kpó Alabíinu lɛ́ɛ kpó, kpódó Amumɔ́ɔ ví lɛ́ɛ kpó, kpódó Acidɔ́dinu lɛ́ɛ kpó se ɖɔ è ɖo Jeluzalɛ́mu dǒ lɛ́ɛ bló ɖó wɛ, bɔ azɔ̌ ɖo nukɔn yi wɛ ganjí, bɔ fí e dǒ ɔ́ mu ɖe lɛ́ɛ ɔ́, è ɖo bǐ sú wɛ ɔ́, xomɛ sin yě tlala,

Nɛɛmíi 4:6

Jwifu e ɖo akpá e xwé kɛntɔ́ mǐtɔn lɛ́ɛ ɖe lɛ́ɛ wá mǐ gɔ́n azɔn wǒ, bó wá gba akpá nú mǐ; yě ɖɔ ali ɖěɖě e gbɔn gbé kɛntɔ́ mǐtɔn lɛ́ɛ ja bó ná wá kpé mǐ wú ɔ́ nú mǐ.

Nɛɛmíi 4:8

Ée un ɖó mɛ fí tɛnmɛ tɛnmɛ énɛ́ lɛ́ɛ ɔ́, un wá ɖɔ nú tonukún lɛ́ɛ kpódó hwɛɖɔtɔ́ to ɔ́ mɛ tɔn lɛ́ɛ kpó, kpódó mɛ e ɖo fínɛ́ lɛ́ɛ bǐ kpó ɖɔ: “Mi ma ɖi xɛsi nú kɛntɔ́ mitɔn lɛ́ɛ ó; mi flín ɖɔ Aklúnɔ ɔ́, nǔɖaxó wɛ é nyí, bó nyí nǔsísí. Mi fun ahwan dó nɔví mitɔn lɛ́ɛ, vǐ mitɔn súnnu lɛ́ɛ, vǐ mitɔn nyɔ̌nu lɛ́ɛ, asi mitɔn lɛ́ɛ kpódó mɛ e ɖo xwé mitɔn gbe lɛ́ɛ kpó tamɛ.”

Nɛɛmíi 6:16

Ée kɛntɔ́ mǐtɔn e ɖo to e lɛ́ lɛ̌ dó mǐ lɛ́ɛ mɛ lɛ́ɛ se mɔ̌ ɔ́, xɛsi jɛ yě jí, bɔ winnyá hu yě káká. Yě bǐ wá mɔ ɖɔ azɔ̌ énɛ́ ɔ́, Mawu mǐtɔn sín jlǒ mɛ wɛ é nyí wiwa dó.

Jelemíi 25:20

Un ná akɔta akɔta e ɖo Ejípu to ɔ́ mɛ lɛ́ɛ bǐ; un ná Wúsi xɔ́sú lɛ́ɛ bǐ; un ná Filisitɛ́ɛn lɛ́ɛ xɔ́sú lɛ́ɛ bǐ: Acikelɔ́ni xɔ́sú ɔ́, Gaza xɔ́sú ɔ́, Eklɔ́ni xɔ́sú ɔ́, bó ná Acidɔ́di xɔ́sú ɔ́, có Acidɔ́di toxo ɔ́ kpɛɖé jɛ́n kpo ɖo te.

Jelemíi 41:10

Ée Yicimayɛ́li dó nǔ énɛ́ lɛ́ɛ sin ɔ́, é wlí mɛ e kpo ɖo Misipa lɛ́ɛ bǐ, káká jɛ axɔ́sú ɔ́ sín vǐ nyɔ̌nu lɛ́ɛ jí; è nǎ ɖɔ ɔ́, é wlí mɛ e Nɛbuzaladáni sɔ́ dó así nú Gedaliyási lɛ́ɛ bǐ sín kannumɔ, bó kplá ɖidó Amumɔ́ɔ ví lɛ́ɛ gɔ́n. Nɛbuzaladáni ɔ́, sɔ́ja e nɔ cɔ́ Babilɔ́nu xɔ́sú ɔ́ sín gǎn wɛ.

Amɔ́si 1:13

Mawu Mavɔmavɔ ɖɔ: “Amumɔ́ɔ ví lɛ́ɛ ɔ́, nǔ e yě wa nyi do bɔ un jló ná kɛ nu d'é wú nú yě ɔ́ nyí ɖokpó kɛ́ɖɛ́ ǎ, amɔ̌, élɔ́ e yě wa ɔ́ vɛ́ nú mì tawun. Đó yě jló ná gbló ada nú to yětɔn, bɔ é sín énɛ́ wú, bɔ yě zɛ nyɔ̌nu Galadinu e ɖo xo lɛ́ɛ sín adɔgo. Nǔ e wú un ma ná lɛ́ kɔ sín gbeta e un ɖe tɔ́n ɔ́ gúdo ǎ é nɛ́.

Amɔ́si 1:8

Un ná sú Acidɔ́dinu lɛ́ɛ kpó axɔ́sú e ɖo zinkpo jí ɖo Acikelɔ́ni ɔ́ kpó sín kún dó. Un ná húzú alɔ dó Eklɔ́ninu lɛ́ɛ wú. Filisitɛ́ɛn lɛ́ɛ ɖě ná nɔ gbɛ ǎ.” Xó e Aklúnɔ Mavɔmavɔ ɖɔ ɔ́ nɛ́.

Amɔ́si 3:9

Mi zé gbe yi jǐ bó ɖɔ ɖo Acidɔ́di kpó Ejípu kpó sín hɔn lɛ́ɛ mɛ ɖɔ: “Mi sɛ miɖée kplé ɖo Samalíi sín só ɔ́ ta, bó ná kpɔ́n nǔ hannyahannya wiwa e ɖo fínɛ́ lɛ́ɛ kpó dǎnúwiwa e ɖo fínɛ́ lɛ́ɛ kpó.”

Mɛsɛ́dó 5:33

Ée toxóɖɔtɔ́ lɛ́ɛ se xó énɛ́ lɛ́ɛ ɔ́, xomɛ sin yě tlala, bɔ yě jló ná hu mɛsɛ́dó lɛ́ɛ.

Nǔɖexlɛ́mɛ 12:17

Énɛ́ ɔ́, xomɛ sin Dlagɔ́ɔn ɔ́ dó nyɔ̌nu ɔ́ wú tlala, bɔ é ɖidó ahwan fun xá nyɔ̌nu ɔ́ sín vǐ e kpo lɛ́ɛ gbé; mɛ e se tónú nú Mawusɛ́n ɔ́, bó ɖo gbejí nú nǔgbó e Jezu ɖe xlɛ́ lɛ́ɛ ɔ́, é ɖidó ahwan fun xá yě bǐ gbé.

1 Samuwɛ́li 11:2

Lo ɔ́, axɔ́sú ɔ́ ɖɔ nú yě ɖɔ: “Nú mi jló nú má jɛ akɔ xá mi ɔ́, mi ná yí gbe bɔ un ná tɔ́n nukún aɖisíxwé tɔn ɔ́ mi bǐ sésé dó dó winnyá Izlayɛ́li togun ɔ́ bǐ.”