Nɛɛmíi 4:6 - MAWUXÓWÉMA

⁶ Jwifu e ɖo akpá e xwé kɛntɔ́ mǐtɔn lɛ́ɛ ɖe lɛ́ɛ wá mǐ gɔ́n azɔn wǒ, bó wá gba akpá nú mǐ; yě ɖɔ ali ɖěɖě e gbɔn gbé kɛntɔ́ mǐtɔn lɛ́ɛ ja bó ná wá kpé mǐ wú ɔ́ nú mǐ.

Nɛɛmíi 4:6 Iomraidhean Croise

1 Tan 29:14

Đó un nyí nǔtí ǎ, togun ce lɔmɔ̌ nyí nǔtí ǎ. Ényí mǐ ɖésúnɔ sín acɛ wɛ mǐ zé dó ná nǔ énɛ́ lɛ́ɛ we ǎ. Hwi wɛ ɖó nǔ bǐ; hwi wɛ ná nǔ e mǐ ná we lɛ́ɛ mǐ.

1 Tan 29:3

Un lɛ́ sɔ́ siká kpó kpatágan kpó e nyí nyɛ ɖésúnɔ tɔn ɔ́ gɔ́ nú nǔ énɛ́ lɛ́ɛ nú Mawu xwé ɔ́, ɖó lě e xwé ɔ́ myá nukún nú mì sɔ ɔ́ wútu.

2 Tan 29:36

Ezekiyási kpó togun ɔ́ bǐ kpó j'awǎ, ɖó nǔ énɛ́ e Mawu zɔ́n bɔ yě kpé wú bó bló ganjí ɔ́ wú, ɖó nǔ lɛ́ɛ yá wǔ fó.

Nɛɛmíi 4:5

Kɛntɔ́ mǐtɔn lɛ́ɛ ɔ́, yědɛɛ lɛ́ɛ ɖo linlin wɛ ɖɔ mǐ ná ɖo manywɛ́ mɛ, bɔ émí ná wá fyán mǐ ajijimɛ bó ná vívá kún nú mǐ bɔ azɔ̌ xó ná fó.

Nɛɛmíi 4:7

Un wá mɔ fí ɖé lɛ́ɛ ɖo dǒ ɔ́ gúdo, fí e è ma ná mɔ mɛ ɖe ǎ é, bó ɖó sɔ́ja lɛ́ɛ fínɛ́. Un nɔ kplé akɔta ɖokpó ɔ́ sín mɛ lɛ́ɛ ɖó fí ɖokpó ɔ́, bɔ yě hɛn hwǐ kpó hwǎn kpó, kpódó aɖǐgá kpó.

Nɛɛmíi 6:15

È blǒ dǒ ɔ́ ɖó fó ɖo Elúlisun ɔ́ sín azǎn koatɔ́ngɔ́ (25) ɔ́ gbe. Azǎn kanɖé wěwe (52) wɛ è sɔ́ ɖó te bó dó bló ná.

Ɖɛhan 110:3

Gbe e gbe a nǎ sɔ́ ahwannú bó xwe ahwan ɔ́, ahwanfuntɔ́ akowunká kɛ́ɖɛ́ wɛ ná kplá we yi. Dɔ̌nkpɛvú towe lɛ́ɛ ná sɛ kplé dó wǔ we, ɖo só mímɛ́ ɔ́ jí, ahǔn e nɔ́ ja ayǐtéhɔ̌nnu é ɖɔhun.

Ɖɛhan 122:3

Jeluzalɛ́mu, toxo e è gbǎ ganjí é, hwi mɛ e è mɛ ahohó lɛ́ lɛ̌ dó mlɛlɛn é.

Ajée 1:14

Mawu Mavɔmavɔ hun ayi nú Zolobabɛ́li tokpɔngán Judáa tɔn ɔ́, kpó vɔ̌sánú-xwlémawutɔ́ ɖaxó Jozuwée kpó, kpódó mɛ e lɛ́ kɔ sín kannumɔgbénu wá xwé lɛ́ɛ bǐ kpó, bɔ yě jɛ azɔ̌ wú, bó ná gbá Mawu yětɔn, Mawu Mavɔmavɔ Nǔbǐwúkpétɔ́ ɔ́ sín xwé.

Filípunu 2:13

Đó Mawu ɖo azɔ̌ wa ɖo mi wú wɛ tɛgbɛ, bónú mi ná sixú nɔ ɖó jló, bó ná nɔ wa nǔ e sɔgbe xá tito é ɖésúnɔ tɔn é.

Eblée 13:21

ní bló bónú mi ná kpé nǔ ɖagbe bǐ wú bó wa, bó dó wa jlǒ tɔn; ní bló nǔ e nyɔ́ nukún tɔn mɛ lɛ́ɛ ɖo mǐ mɛ gbɔn Jezu Klísu jí. Susu nú Jezu Klísu káká sɔ́yi mavɔ mavɔ. Amǐ!