Nɛɛmíi 3:6 - MAWUXÓWÉMA

⁶ Hɔntogbó Yecana tɔn ɔ́, Yoyada Paseyaxi ví ɔ́ kpódó Mɛculamu Besodiya ví ɔ́ kpó wɛ bló. Ée yě bló hɔntogbó ɔ́, yě dó hɔnvǐnɔ ná, bó dó gan e è nɔ dó sú hɔn ná lɛ́ɛ kpódó sɛxlo lɛ́ɛ kpó.

Nɛɛmíi 3:6 Iomraidhean Croise

Ɛsidlási 10:15

Yonatáni Asaxɛli ví ɔ́ kpó Yaxizeya, Tikwa ví ɔ́ kpó kɛ́ɖɛ́ wɛ gbɛ́ xó énɛ́ ɔ́, bɔ Mɛculamu kpó Levíi ví Cabutáyi kpó nɔ yě jí.

Nɛɛmíi 12:39

Mǐ dlɛ́n Hɔntogbó Eflayímu tɔn ta nu, bó dlɛ́n d'é nu gbɔn Hɔntogbó Xóxó ɔ́ kpó Hweví Hɔntogbó lɛ́ɛ kpó ta nu, bó yi kpe gaga Hananɛ́li kpó Mɛya kpó tɔn kpó ta nu, káká wá jɛ Lɛ̌ngbɔ́ Hɔntogbó ɔ́ ta nu, bó dín bó yi nɔ te ɖo Gankpá mɛ Hɔntogbó ɔ́ ta nu.

Nɛɛmíi 3:5

È mɔ mɛ énɛ́ lɛ́ɛ ɔ́, è nǎ mɔ Tekowanu lɛ́ɛ. Tekowanu lɛ́ɛ ɔ́, tonukún yětɔn lɛ́ɛ gbɛ́ ɖɔ émí kún ná nɔ mɛ e ɖo azɔ̌ ɔ́ nu lɛ́ɛ glɔ́ bó ná wa azɔ̌ ó.