Nɛɛmíi 3:1 - MAWUXÓWÉMA

¹ Eliyacivu vɔ̌sánú-xwlémawutɔ́ ɖaxó ɔ́ jɛ azɔ̌ jí, é kpódó gbɛ̌ tɔn vɔ̌sánú-xwlémawutɔ́ lɛ́ɛ kpó. Yě bló Lɛ̌ngbɔ́hɔntogbó lɛ́ɛ ɖó. Ée yě jó hɔntogbó énɛ́ ɔ́ nú Mawu ɔ́, yě wá dó hɔn lɛ́ɛ. Yě bló dǒ ɔ́ ɖó káká yi kpe gaga e è nɔ ylɔ́ ɖɔ kanwe ko (100) lɛ́ɛ kɔn, bó lɛ́ dín d'é nu káká wá kpe gaga e è nɔ ylɔ́ Hananɛ́li ɔ́ kɔn.

Nɛɛmíi 3:1 Iomraidhean Croise

Nɛɛmíi 12:10

Jozuwée ji Yoyakímu, Yoyakímu ji Eliyacivu, Eliyacivu ji Yoyada,

Nɛɛmíi 12:30

Vɔ̌sánú-xwlémawutɔ́ lɛ́ɛ kpó Levíi ví lɛ́ɛ kpó slá wǔ, bó slá wǔ nú togun ɔ́, bó slá wǔ nú hɔn lɛ́ɛ kpó ahohó ɔ́ kpó.

Nɛɛmíi 12:39

Mǐ dlɛ́n Hɔntogbó Eflayímu tɔn ta nu, bó dlɛ́n d'é nu gbɔn Hɔntogbó Xóxó ɔ́ kpó Hweví Hɔntogbó lɛ́ɛ kpó ta nu, bó yi kpe gaga Hananɛ́li kpó Mɛya kpó tɔn kpó ta nu, káká wá jɛ Lɛ̌ngbɔ́ Hɔntogbó ɔ́ ta nu, bó dín bó yi nɔ te ɖo Gankpá mɛ Hɔntogbó ɔ́ ta nu.

Nɛɛmíi 13:28

Yoyada ví súnnu ɖokpó tíin, Eliyacivu vɔ̌sánú-xwlémawutɔ́ ɔ́ vívú wɛ, bó nyí Sanbaláti, Holonayímunu ɔ́ sín vǐsú; énɛ́ wú wɛ un nya ɛ sín Jeluzalɛ́mu.

Nɛɛmíi 13:4

Cóbónú nǔ énɛ́ ɔ́ ká ná jɛ ɔ́, Eliyacivu vɔ̌sánú-xwlémawutɔ́ e è sɔ́ ɖó xɔ e ɖo Mawu mǐtɔn xwé lɛ́ɛ nu ɔ́ sɔ́ xɔ ɖaxó ɖokpó nú Toviya, ɖó mɛ tɔn wɛ.

Nɛɛmíi 3:20

Balúki Zabáyi ví ɔ́ wɛ bɔdó Ezɛ́ɛ wú bó ván kan bo wa azɔ̌ bɛ́ sín dǒzwe ɔ́ jí káká yi hɔntogbó vɔ̌sánú-xwlémawutɔ́ ɖaxó Eliyacivu tɔn ta.

Nɛɛmíi 3:21

È yi zɔ kpɛɖé ɔ́, Mɛlemɔti Wuliya ví Hakɔ́si vívú ɔ́ wɛ wa azɔ̌ sín Eliyacivu sín hɔntogbó jí káká yi fí e xwé tɔn nɔ te ɖó é.

Nɛɛmíi 3:32

Ganvɔnútuntɔ́ ɖě lɛ́ɛ kpódó ajɔ̌watɔ́ lɛ́ɛ kpó wa azɔ̌ ɖo fí e kpo bó ɖo fí e mɛcɔ́tɔ́ lɛ́ɛ nɔ́ nɔ é kpódó Lɛ̌ngbɔ́ Hɔntogbó ɔ́ kpó tɛ́ntin.

Nɛɛmíi 6:1

Sanbaláti kpódó Toviya kpó, kpódó Gɛcɛ́mu Alabíinu ɔ́ kpó, kpódó kɛntɔ́ mǐtɔn ɖěvo lɛ́ɛ kpó se ɖɔ nyi bló dǒ ɔ́ ɖó kpé, bɔ é sɔ́ kpo fí e dǒ ɔ́ mu ɖe ɔ́ ɖě bɔ è gɔn blǒbló ɖó ǎ, un ka ko dó hɔn lɛ́ɛ ǎ.

Nɛɛmíi 7:1

Ée è blǒ dǒ ɔ́ ɖó fó ɔ́, un dó hɔn lɛ́ɛ; énɛ́ ɔ́ gúdo ɔ́, hɔnjínɔtɔ́ lɛ́ɛ, hanjitɔ́ lɛ́ɛ, kpó Levíi ví lɛ́ɛ kpó bɛ́ azɔ̌.

Ɖɛhan 30:1

Davídi sín han; hwenu e è hun Mawu xwé ɔ́ wɛ è ji.

Ɖɛhan 48:12

Sinyɔ́ɔ só ɔ́ ɖo awǎ jɛ wɛ, xomɛ ɖo Judáa toxo lɛ́ɛ hun wɛ, ɖó hwɛ e a ɖɔ lɛ́ɛ wútu.

Nǔnywɛ́xó 3:6

Ba jlǒ Mawu Mavɔmavɔ tɔn ɖo nǔ e a nɔ wa lɛ́ɛ bǐ mɛ; énɛ́ ɔ́, é ná xlɛ́ ali we.

Nǔnywɛ́xó 3:9

Sɔ́ dɔkun towe lɛ́ɛ dó sɔ́ Mawu Mavɔmavɔ su, nǎ ɛ nǔkún nukɔn nukɔntɔn e nyɔ́ ɖo gle towe mɛ lɛ́ɛ.

Jelemíi 31:38

Mawu Mavɔmavɔ ɖɔ: “Azǎn ɖé lɛ́ɛ ná wá, bɔ è na vɔ̌ toxo ɔ́ bló ɖó, bó ná dó sɔ́ mì su. È nǎ vɔ̌ Jeluzalɛ́mu toxo ɔ́ bló ɖó, bɛ́ sín mɛcɔ́kpe Hananɛ́li tɔn kɔn káká wá Zwemɛhɔntogbó ɔ́ jí.

Daniyɛ́li 9:25

Nǔ e a ka ɖó ná tunwun bó ná mɔ nǔ jɛ wú ɔ́ ɖíe: Sín hwenu e è ɖǒ wɛn e ɖɔ xó dó kɔ lɛ́ sín gbějí wá ɔ́ wú, bó ɖɔ dó Jeluzalɛ́mu toxo ɔ́ ná vɔ́ gbá ɔ́ wú káká wá jɛ gǎn e jí è ylɔ̌ Mawu nyíkɔ dó ɔ́ sín wǐwá hwenu ɔ́ wú ɔ́, é kó bló xwe tɛ́nwe tɛ́nwe donu tɛ́nwe. Énɛ́ ɔ́ gúdo ɔ́, ɖo xwe tɛ́nwe tɛ́nwe donu kanɖé ko-nukún-we (62) mɛ ɔ́, è nǎ lɛ́ vɔ́ toxo ɔ́ kpódó ahohó tɔn lɛ́ɛ bǐ kpó bló ɖó. Amɔ̌, hwe énɛ́ lɛ́ɛ nu ná nyí hwenu vɛ́ wǔ ɖésú.

Zakalíi 14:10

To ɔ́ bǐ ná húzú, bó ná cí ayǐkúngban wɛnjɛ ɖɔhun sín Gɛva, ɖo totaligbé yi Hlimumɔ́ni, ɖo tofɔligbé. Jeluzalɛ́mu ná yi jǐ hú to e lɛ́ lɛ̌ dó e lɛ́ɛ, bó ná gbló sín Bɛnjamɛ́ɛ hɔn ɔ́ kɔn, káká yi fí e hɔn nukɔntɔn ɔ́ ɖe ɔ́, káká yi hɔn e ɖo zwe lɛ́ɛ mɛ ɔ́ kɔn, bó ná gosín Hananɛ́li sín síngbó ɔ́ kɔn, káká yi vɛ̌ɛnto axɔ́sú ɔ́ tɔn lɛ́ɛ kɔn.

Jǎan 5:2

Jeluzalɛ́mu fínɛ́, ɖo lɛ̌ngbɔ́ lɛ́ɛ sín hɔntogbó kpá ɔ́, è kun tɔ e mɛ è nɔ lɛ wǔ ɖe ɔ́ ɖokpó ɖó fínɛ́, bɔ è nɔ ylɔ́ dó Ebléegbe mɛ ɖɔ Bɛtizata; è mɛ xɔ gaga axixwɛ ɖɔhun atɔ́ɔ́n ɖé lɛ́ɛ gbɔn tɔ ɔ́ tó.

Sɛ́nflínmɛ 20:5

Énɛ́ ɔ́ gúdo ɔ́, ahwangán e nɔ́ yí mɛ dó ahwan mɛ lɛ́ɛ ná ɖɔ nú sɔ́ja lɛ́ɛ ɖɔ: “Mɛ ɖé ɖo mi mɛ bó sá xwé yɔ̌yɔ́ bó má kó nɔ mɛ kpɔ́n a? Mɛ mɔ̌hun ɖé ɖo mɛ mɛ hǔn, ní lɛ́ kɔ yi xwé; é má nyí mɔ̌ ǎ ɔ́, é sixú cí ahwan, bɔ mɛ ɖěvo ná nɔ mɛ.