Nɛɛmíi 2:8 - MAWUXÓWÉMA

⁸ È nǐ lɛ́ bló wěma ɖěvo nú mì nú má sɔ́ jó nú Asáfu e kpa acɛ ɖo zungbó mɛtɔn lɛ́ɛ nu é, nú é ná ná mì atín nú ahohó sín hɔntogbó lɛ́ɛ, bó ná ná atín nú ahohó e ɖo Mawu xwé ɔ́ kpá lɛ́ɛ é, lobo ná ná atín nú dǒ e è mɛ lɛ́ lɛ̌ dó toxo ɔ́ e, lobo ná ná atín nú xwé nyi ɖésú tɔn.” Dadá ɔ́ ná wěma énɛ́ lɛ́ɛ mì, ɖó Mawu ce cyɔ́n alɔ jǐ ce.

Nɛɛmíi 2:8 Iomraidhean Croise

Bǐbɛ́mɛ 32:28

Nya ɔ́ kanbyɔ́ Jakɔ́bu ɖɔ: “Nɛ̌ a nɔ nyí?” Bɔ é yí gbe n'i ɖɔ: “Un nɔ nyí Jakɔ́bu.”

Ɛsidlási 5:5

Mawu ká ɖo kpɔ́ xá tomɛxó Jwifu lɛ́ɛ tɔn e ɖo azɔ̌ ɔ́ nu lɛ́ɛ; énɛ́ ɔ́ wú wɛ è ma ɖɔ nú yě ɖɔ yě ní ɖó azɔ̌ ɔ́ te hwɛ̌, bónú yě ná to sɛ́ wěma dó Dadá Daliwúsi bó ná se xó e é ná ɖɔ dó xó nɛ́ ɔ́ wú ɔ́ hwɛ̌ ǎ.

Ɛsidlási 6:22

Énɛ́ ɔ́ gúdo ɔ́, yě lɛ́ ɖu wɔ̌xúxú e mɛ è ma dó tɔ́n ǎ é sín xwe e è nɔ ɖu xɔ azǎn tɛ́nwe é kpódó awǎjijɛ kpó. Mawu Mavɔmavɔ ná yě awǎjijɛ, ɖó é ɖɔ dó ayi mɛ nú Dadá ɔ́, bɔ é nyɔ́ xomɛ dó yě wú. Énɛ́ ɔ́ wɛ ná akɔ́nkpinkpan yě, bɔ yě ɖó kan dó azɔ̌ ɔ́ wú, bó vɔ́ Mawu Izlayɛ́li tɔn sín xwé ɔ́ gbá.

Ɛsidlási 6:8

Hǔn, un ná gbe mi ɖɔ mi ní gɔ́ alɔ nú Jwifu lɛ́ɛ sín gǎn lɛ́ɛ ɖo Mawu xwé sín azɔ̌ énɛ́ ɔ́ kɔn. Mi kpé nukún d'é wú, bónú akwɛ́ e è na zán dó xɔ énɛ́ wú ɔ́ bǐ sésé ɔ́, ní gosín akwɛ́gbá Dadá ɔ́ tɔn mɛ. Akwɛ́gbá tɔn e mɛ è nɔ bɛ́ takwɛ́ e è jɔ ɖo tokpɔn ɔ́ mɛ ɔ́ dó é.

Ɛsidlási 7:6

Ɛsidlási ɔ́, sɛ́nkplɔ́nmɛtɔ́ ɖaxó ɖokpó wɛ é nyí, bó tunwun sɛ́n e Mawu Mavɔmavɔ, Mawu Izlayɛ́li tɔn dó gbɔn Mɔyízi jí ɔ́ titewungbe. Mawu Mavɔmavɔ, Mawu tɔn ɔ́ ná ɛ susu sɔ mɔ̌, bɔ Dadá ɔ́ nɔ ná ɛ nǔ e é nɔ́ byɔ́ ɛ lɛ́ɛ bǐ.

Ɛsidlási 7:9

Ɛsidlási ɖó azǎn ɖɔ émí ná gosín Babilɔ́nu ɖo sun nukɔntɔn ɔ́ sín azǎn nukɔntɔn ɔ́ gbe; é gosín dɔ̌n nǔgbó bɔ Mawu tɔn nya xɛ ɖo jǐ tɔn, bɔ é wá Jeluzalɛ́mu ɖo sun atɔ́ɔ́ngɔ́ ɔ́ sín azǎn nukɔntɔn ɔ́ gbe.

Nɛɛmíi 7:2

Un sɔ́ to ɔ́ dó alɔ mɛ nú nɔví ce Hanáni kpódó Hananiya ahwangán ɔ́ kpó. Hananiya ahwangán ɔ́ wɛ kpa acɛ nú Jeluzalɛ́mu toxo ɔ́. Gbɛtɔ́ ɖeji d'é wú ɖé wɛ nyí nya énɛ́ ɔ́, bó ɖo gbejí nú Mawu hú mɛ gěgé.

Nǔnywɛ́xó 21:1

Ayixa e ɖo axɔ́sú xomɛ ɔ́, tɔsisa wɛ bó ɖo Mawu Mavɔmavɔ sín alɔ mɛ; fí e jló e wɛ é nɔ́ ɖe ali n'i gbɔn.

Nǔnywɛ́tɔ́xó 2:5

un bló jikpá; un tun atínsínsɛ́n tɛnmɛ tɛnmɛ dó ayǐkúngban ce lɛ́ɛ jí.

Nǔnywɛ́tɔ́xó 2:6

Un kun tɔ, bó nɔ́ hú sin tɔn nú atín ce lɛ́ɛ.

Ezayíi 66:14

Mi ɖésúnɔ ná mɔ bɔ xomɛ ná hun mi; gbɛ ná wá mi wú, jǐhwenugběhan ɖɔhun.” Mawu Mavɔmavɔ ná sɔ́ hlɔ̌nhlɔ́n tɔn dó wa ɖagbe nú mɛsɛntɔ́ tɔn lɛ́ɛ, bó ká ná sin xomɛ dó kɛntɔ́ tɔn lɛ́ɛ.

Daniyɛ́li 1:9

Mawu bló bɔ gǎn ɔ́ yí gbe nú nǔ e Daniyɛ́li ɖɔ ɔ́, bó mɔ ɖɔ é nyɔ́.

Mɛsɛ́dó 26:22

Mawu ka wa nǔ, bɔ un kpo ɖo afɔte káká jɛ égbé; un nɔ ɖo Wɛn Ɖagbe ɔ́ sín kúnnu ɖe wɛ ɖo gbɛtɔ́ kpaa lɛ́ɛ kpódó gbɛtɔ́ nukúnɖéjí lɛ́ɛ kpán nukɔn; un ka nɔ ɖɔ nǔɖé zɛ nǔ e gbeyíɖɔ Mawu tɔn lɛ́ɛ kpódó Mɔyízi kpán ko ɖɔ é ná jɛ é wú ǎ;

Mɛsɛ́dó 7:10

bó hwlɛ́n ɛ ɖo nǔgbomɛ lɛ́ɛ bǐ mɛ, lobo ná ɛ nǔnywɛ́, bó bló bɔ nǔ tɔn nyɔ́ Ejípu xɔ́sú ɔ́ nukún mɛ, bɔ é sɔ́ ɛ gǎn ɖó to ɔ́ kpódó xwé tɔn kpán nu.

2 Kɔlɛ́ntinu 8:16

Susu nú Mawu e sɔ́ dó ayi mɛ nú Títu, bɔ é bí dó mi wú mǐ ɖɔhun é!