Nɛɛmíi 2:7 - MAWUXÓWÉMA

⁷ Un lɛ́ ɖɔ nú Dadá ɔ́ ɖɔ: “Sɛ́mɛɖó, é nyɔ́ mɛ nukún mɛ mɔ̌ hǔn, è kɛnklɛ́n bló wěma nú mì nú ma sɔ́ yi jó nú tokpɔngán e ɖo Efláti sín gbadahwe jí lɛ́ɛ ɖokpó ɖokpó, nú yě ná jó mì dó, nú má gbɔn fínɛ́ yi Judáa.

Nɛɛmíi 2:7 Iomraidhean Croise

Ɛsidlási 6:6

Ée Dadá Daliwúsi se mɔ̌ ɔ́, é sɛ́ wěma élɔ́ dó tokpɔngán Tatunayi e ɖo tokpɔn e ɖo Efláti tɔ ɔ́ sín gbadahwe jí ɔ́ nu é, bó sɛ́ wěma dó Cetáa-Bozunayi kpódó tokpɔngán gbɛ̌ yětɔn lɛ́ɛ kpó; wěma ɔ́ ɖɔ: “Mi ɖe nu sín xó énɛ́ ɔ́ mɛ.

Ɛsidlási 7:21

Nyɛ Dadá Aatazɛɛzɛsi, un ná gbe akwɛ́gbájínɔtɔ́ ce e ɖo Efláti tɔ gúdo dɔ̌n lɛ́ɛ é ɖɔ yě ní ná nǔ e vɔ̌sánú-xwlémawutɔ́ Ɛsidlási ná byɔ́ lɛ́ɛ bǐ i. Ɛsidlási tunwun Mawu sɛ́xwé tɔn ɔ́ sín sɛ́n xéɖéxéɖé.

Ɛsidlási 8:22

Ényí ɖɔ wɛ un ko yi ɖɔ nú Dadá ɔ́ ɖɔ ní ná mǐ ahwanfuntɔ́ kpó sɔ́xátɔ́ kpó, bónú yě ná nya xɛ ɖo mǐ jí ɖo alixo, ɖó kɛntɔ́ lɛ́ɛ wú ɔ́, winnyá ná hu mì, ɖó mǐ ko ɖɔ n'i ɖ'ayǐ ɖɔ Mawu mǐtɔn nɔ nya xɛ ɖo mɛ e ɖo gbejí n'i lɛ́ɛ jí, bó ká nɔ sin xomɛ dó mɛ e nɔ dó vɛ̌ n'i lɛ́ɛ ɖésú.

Ɛsidlási 8:36

Énɛ́ ɔ́ gúdo ɔ́, yě sɔ́ gbeta e Dadá ɔ́ ɖe tɔ́n lɛ́ɛ sín wěma nú mɛ e ɖo Dadá ɔ́ tɛnmɛ lɛ́ɛ, kpódó tokpɔngán e ɖo ayǐkúngban e ɖo gbadahwe jí nú Efláti tɔ ɔ́ lɛ́ɛ kpó. Énɛ́ ɔ́, yě gɔ́ alɔ nú Izlayɛ́li ví lɛ́ɛ, bɔ yě gbá Mawu xwé ɔ́.

Nɛɛmíi 2:9

Nǔgbó ɔ́, un yi tokpɔngán e ɖo Efláti gbadahwe jí lɛ́ɛ gɔ́n, bó sɔ́ Dadá ɔ́ sín wěma yi jó nú yě. Sɔ́ja e Dadá ɔ́ dó jǐ ce lɛ́ɛ, kpódó sɔ́xátɔ́ e é dó jǐ ce lɛ́ɛ kpó nyɛ kpó wɛ zɔn.

Nɛɛmíi 3:7

Bɔ Mɛlatia Gabawɔ́ɔnnu ɔ́ kpódó Yadɔ́ni Mɛlɔnɔtinu ɔ́ kpó ɖo azɔ̌ wa wɛ ɖo mɛ énɛ́ lɛ́ɛ kpá. Mɛ ɖěvo lɛ́ɛ lɛ́ ɖo fínɛ́ bó gosín Gabawɔ́ɔn kpó Misipa kpó bó ɖo azɔ̌ wa wɛ dó tokpɔngán Efláti zǎnzǎnhwe jí tɔn ɔ́ sín acɛ mɛ.