Nɛɛmíi 2:6 - MAWUXÓWÉMA

⁶ Dadá ɔ́ sín asi ka ɖo ayǐjínjɔ́n akpá tɔn hwenɛ́nu, bɔ é lɛ́ vɔ́ kanbyɔ́ mì ɖɔ: “A ka yi dɔ̌n ɔ́, azǎn nabí a nǎ xɔ? Hwetɛ́nu a nǎ lɛ́ kɔ wá?” Un ɖɔ hwenu e un ná lɛ́ kɔ wá ɔ́ n'i. Dadá ɔ́ yí gbe bo ná jó mì dó bɔ un ná yi, bɔ un ɖɔ gbe e gbe un ná lɛ́ kɔ wá ɔ́ n'i.

Nɛɛmíi 2:6 Iomraidhean Croise

Nɛɛmíi 1:11

Mawu Mavɔmavɔ, kɛnklɛ́n ɖǒtó ɖɛ ce, bó ɖótó vo e sa nú we wɛ gbejínɔtɔ́ towe ɖě lɛ́ɛ lɔ ɖe é. Gbejínɔtɔ́ e nɔ ɖi xɛsi nú we kpó xomɛhunhun kpó lɛ́ɛ é. Blǒ bónú nǔ e ná bló wɛ un ɖe é, má mɔ nu tɔn bo bló bónú Dadá ɔ́ ná yí gbe nú nǔ e ná byɔ́ ɛ wɛ un ɖe ɔ́.” Hwe énɛ́ ɔ́ nu ɔ́, nyi wɛ nɔ hɛn sinnuká nú Dadá ɔ́.

Nɛɛmíi 13:6

Hwenu e nǔ énɛ́ ɔ́ ɖo jijɛ wɛ ɔ́, nyɛ ɖo Jeluzalɛ́mu ǎ, ɖó un lɛ́ kɔ yi Babilɔ́nu Dadá Aatazɛɛzɛsi gɔ́n, hwenu e é ɖo xwe gban-nukún-we (32) bló wɛ ɖo axɔ́súzinkpo tɔn jí é.

Nɛɛmíi 2:4

Ée un ɖɔ mɔ̌ ɔ́, Dadá ɔ́ lɛ́ kanbyɔ́ mì ɖɔ: “Bɔ étɛ́ byɔ́ wɛ a ka ɖe?” Tlóló ɔ́, un to xomlá Mawu sɛ́xwé tɔn.

Nɛɛmíi 2:5

Énɛ́ ɔ́ gúdo ɔ́, un yí gbe nú Dadá ɔ́ ɖɔ: “Dadá, ényí é jló mɛ nú è na ɖe xomɛnyínyɔ́ xlɛ́ mì hǔn, è ní ná gbe mì, bónú má yi tokpɔn Judáa tɔn mɛ, ɖo toxo e mɛ è ɖi tɔ́gbó tɔgbo ce lɛ́ɛ dó é, bó ná vɔ́ toxo ɔ́ blóɖó.”

Nɛɛmíi 5:14

Ée è sɔ́ mì tokpɔngán Jwifu lɛ́ɛ tɔn ɖó tokpɔn Judáa tɔn nu ɔ́, xwe wěwe wɛ un bló ɖo gǎn jǐ; xwe e xwe Dadá Aatazɛɛzɛsi ɖo xwe ko bló wɛ ɖo zinkpo jí ɔ́ wɛ è sɔ́ mì tokpɔngán, bɔ un nɔ gǎn jí káká jɛ hwenu e é ɖo xwe gban-nukún-we (32) bló wɛ ɖo zinkpo jí é. Đo xwe wěwe énɛ́ e un bló lɛ́ɛ mɛ ɔ́, nyɛ kpó mɛ e ɖo azɔ̌ wa xá mì wɛ lɛ́ɛ ɖě kpó yí nǔ e tokpɔngán nɔ yí ɖo toví lɛ́ɛ sí é ɖě ǎ.

Ezayíi 58:12

Énɛ́ ɔ́, dǒ e kó mu ɖ'ayǐ lɛ́ɛ ɔ́, a nǎ vɔ́ bǐ mɛ. Xɔ e ko mu sín xóxó hwenu lɛ́ɛ ɔ́, a nǎ vɔ́ yě mɛ ɖó dodó yětɔn jí. È nǎ nɔ́ ylɔ́ we ɖɔ ‘Fí e dǒ mu ɖé lɛ́ɛ blóɖótɔ́.’ Bó ná nɔ́ ylɔ́ we ɖɔ ‘Ali e gblé lɛ́ɛ blóɖótɔ́.’ ”

Ezayíi 61:4

Dǒ e kó mu sín xóxó hwenu lɛ́ɛ ɔ́, yě ná vɔ́ mɛ. Xwé e è ko gba bɔ é ko lín lɛ́ɛ ɔ́, yě ná bló ɖó. Toxo e è ko gba bɔ yě ɖo mɔ̌ sín tɔ́gbó tɔgbo yětɔn lɛ́ɛ hwenu ɔ́, yě ná vɔ́ bló ɖó.

Ezayíi 65:24

Cóbónú yě ná ylɔ́ mì ɔ́, un ná kó sɔ nú yě, yě ná kpo ɖo xó ɖɔ wɛ cóbɔ un ná kó se xó yětɔn.

Daniyɛ́li 9:25

Nǔ e a ka ɖó ná tunwun bó ná mɔ nǔ jɛ wú ɔ́ ɖíe: Sín hwenu e è ɖǒ wɛn e ɖɔ xó dó kɔ lɛ́ sín gbějí wá ɔ́ wú, bó ɖɔ dó Jeluzalɛ́mu toxo ɔ́ ná vɔ́ gbá ɔ́ wú káká wá jɛ gǎn e jí è ylɔ̌ Mawu nyíkɔ dó ɔ́ sín wǐwá hwenu ɔ́ wú ɔ́, é kó bló xwe tɛ́nwe tɛ́nwe donu tɛ́nwe. Énɛ́ ɔ́ gúdo ɔ́, ɖo xwe tɛ́nwe tɛ́nwe donu kanɖé ko-nukún-we (62) mɛ ɔ́, è nǎ lɛ́ vɔ́ toxo ɔ́ kpódó ahohó tɔn lɛ́ɛ bǐ kpó bló ɖó. Amɔ̌, hwe énɛ́ lɛ́ɛ nu ná nyí hwenu vɛ́ wǔ ɖésú.