Nɛɛmíi 2:5 - MAWUXÓWÉMA

⁵ Énɛ́ ɔ́ gúdo ɔ́, un yí gbe nú Dadá ɔ́ ɖɔ: “Dadá, ényí é jló mɛ nú è na ɖe xomɛnyínyɔ́ xlɛ́ mì hǔn, è ní ná gbe mì, bónú má yi tokpɔn Judáa tɔn mɛ, ɖo toxo e mɛ è ɖi tɔ́gbó tɔgbo ce lɛ́ɛ dó é, bó ná vɔ́ toxo ɔ́ blóɖó.”

Nɛɛmíi 2:5 Iomraidhean Croise

2 Samuwɛ́li 14:22

Ée axɔ́sú ɔ́ ɖɔ mɔ̌ ɔ́, Jowabu xwe agbɔ̌nnusú do, bó ɖe kɔ́, bó dó kú nú mɛ bo ɖɔ: “Sɛ́mɛɖó, nyi mɛsɛntɔ́ mɛtɔn mɔ din ɖɔ un mɔ fɛ́nú ɖo gɔ̌n mɛtɔn, ɖó mɛ bló nǔ e nyɛ mɛsɛntɔ́ mɛtɔn jló é.”

Ɛsidlási 5:17

Din ɔ́, Sɛ́mɛɖó! Ényí é jló mɛ hǔn, è nǐ kpɔ́n Dadá Babilɔ́nu tɔn lɛ́ɛ sín wěma lɛ́ɛ mɛ, bó ná kpɔ́n ɖɔ Dadá Silúsi ná gbe ɖɔ è nǐ vɔ́ Mawu xwé ɔ́ gbá ɖó Jeluzalɛ́mu nǔgbó a jí. Énɛ́ ɔ́ gúdo ɔ́, è nǎ kɛnklɛ́n bó ná ɖɔ nǔ e è lin dó xó nɛ́ ɔ́ wú ɔ́ sɛ́ dó mǐ.”

Nɛɛmíi 2:4

Ée un ɖɔ mɔ̌ ɔ́, Dadá ɔ́ lɛ́ kanbyɔ́ mì ɖɔ: “Bɔ étɛ́ byɔ́ wɛ a ka ɖe?” Tlóló ɔ́, un to xomlá Mawu sɛ́xwé tɔn.

Nɛɛmíi 2:6

Dadá ɔ́ sín asi ka ɖo ayǐjínjɔ́n akpá tɔn hwenɛ́nu, bɔ é lɛ́ vɔ́ kanbyɔ́ mì ɖɔ: “A ka yi dɔ̌n ɔ́, azǎn nabí a nǎ xɔ? Hwetɛ́nu a nǎ lɛ́ kɔ wá?” Un ɖɔ hwenu e un ná lɛ́ kɔ wá ɔ́ n'i. Dadá ɔ́ yí gbe bo ná jó mì dó bɔ un ná yi, bɔ un ɖɔ gbe e gbe un ná lɛ́ kɔ wá ɔ́ n'i.

Ɛsitɛ́ɛ 1:19

Sɛ́mɛɖó! Ényí é jló mɛ ɔ́, è nǎ ɖe sɛ́n ɖokpó tɔ́n; è nǎ wlán sɛ́n ɔ́ dó Pɛ́si kpó Mɛdi kpó sín sɛ́nwéma ɔ́ mɛ, bɔ è sɔ́ ná súnsún gbeɖé ǎ. Sɛ́n ɔ́ ná ɖɔ axɔ́si Vasitíi kún sɔ́ ná wá axɔ́sú ɔ́ nukɔn gbeɖé ó; bɔ mɛ ná zé axɔ́si nyínyí sín acɛ e é ɖó ɔ́ nú nyɔ̌nu ɖěvo e ná nyɔ́ hú éyɛ́ ɔ́.

Ɛsitɛ́ɛ 5:8

Sɛ́mɛɖó, ényí é jló mɛ, bónú mɛ nǎ jɔwǔ mì, bó bló nǔ e ba wɛ un ɖe ɔ́ nú mì hǔn, mɛ kpó Hamáa kpó ní lɛ́ wá agɔ̌ e un ylɔ́ dó ta mitɔn mɛ sɔ ɔ́ tɛnmɛ; énɛ́ ɔ́, nǔ e kanbyɔ́ mì wɛ mɛ ɖe ɔ́, un ná ná sin tɔn mɛ.”

Ɛsitɛ́ɛ 7:3

Énɛ́ ɔ́, axɔ́si Ɛsitɛ́ɛ yí gbe n'i ɖɔ: “Sɛ́mɛɖó! Ényí nǔ ce nyɔ́ mɛ nukún mɛ hǔn, è hwlɛ̌n mì, bó hwlɛ́n togun ce gán; nǔ e un jló ná byɔ́ mɛ ɔ́ nɛ́; é nyɔ́ nukún mɛtɔn mɛ mɔ̌ hǔn, è xɔ mì ɖ'é mɛ.

Ɛsitɛ́ɛ 8:5

bɔ Ɛsitɛ́ɛ sí te bo ɖɔ n'i ɖɔ: “Sɛ́mɛɖó, nú é jló mɛ ɔ́, nú è nyɔ́ xomɛ dó wǔ ce hǔn, nú è mɔ ɖɔ é sɔgbe nukún mɛtɔn mɛ hǔn, nú è yí wǎn nú mì hǔn, è nǐ wlǎn wěma ɖokpó bó dó gbɛ́ nǔ e Hamáa Hamumɛdata ví e tɔ́n sín Agagi kún mɛ ɔ́ wlán é; wěma e é wlán bó ɖɔ è nǐ sú Jwifu e gbɔn tokpɔn mɛtɔn mɛ lɛ́ɛ bǐ sín kún dó é.

Nǔnywɛ́xó 3:4

Énɛ́ ɔ́, Mawu kpó gbɛtɔ́ lɛ́ɛ kpó ná yí wǎn nú we, bó ná mɔ ɖɔ hwi nɔ lin tamɛ kpɔ́n ganjí.

Daniyɛ́li 9:25

Nǔ e a ka ɖó ná tunwun bó ná mɔ nǔ jɛ wú ɔ́ ɖíe: Sín hwenu e è ɖǒ wɛn e ɖɔ xó dó kɔ lɛ́ sín gbějí wá ɔ́ wú, bó ɖɔ dó Jeluzalɛ́mu toxo ɔ́ ná vɔ́ gbá ɔ́ wú káká wá jɛ gǎn e jí è ylɔ̌ Mawu nyíkɔ dó ɔ́ sín wǐwá hwenu ɔ́ wú ɔ́, é kó bló xwe tɛ́nwe tɛ́nwe donu tɛ́nwe. Énɛ́ ɔ́ gúdo ɔ́, ɖo xwe tɛ́nwe tɛ́nwe donu kanɖé ko-nukún-we (62) mɛ ɔ́, è nǎ lɛ́ vɔ́ toxo ɔ́ kpódó ahohó tɔn lɛ́ɛ bǐ kpó bló ɖó. Amɔ̌, hwe énɛ́ lɛ́ɛ nu ná nyí hwenu vɛ́ wǔ ɖésú.

Matíe 23:27

“Heelú mi sɛ́nkplɔ́nmɛtɔ́ lɛ́ɛ kpódó Falizyɛn lɛ́ɛ kpó! Yɛmɛnúwatɔ́ e mi! Ɖó mi cí yɔta ɖěe è sá nǔ wěwé dó, bɔ é nyɔ́ ɖɛkpɛ ɖo wěxo ɔ́ ɖɔhun. Lo ɔ́, xo tɔn mɛ gɔ́ nú xúgloxú kpódó nǔ nyinyɔ kpán.

Hwliti 2:13

Hwliti ɖɔ: “Óo! Sɛ́ ce, xomɛ jɛ́n a nyɔ̌ dó wǔ ce sɔ mɔ̌ a? A dǒ gbɔ nú mì, a zě gbe fífá dó ɖɔ xó nú mì, có nyɛ ka tlɛ sɔ azɔ̌watɔ́ towe lɛ́ɛ ɖě lɔ ǎ.”