Nɛɛmíi 2:4 - MAWUXÓWÉMA

⁴ Ée un ɖɔ mɔ̌ ɔ́, Dadá ɔ́ lɛ́ kanbyɔ́ mì ɖɔ: “Bɔ étɛ́ byɔ́ wɛ a ka ɖe?” Tlóló ɔ́, un to xomlá Mawu sɛ́xwé tɔn.

Nɛɛmíi 2:4 Iomraidhean Croise

2 Samuwɛ́li 15:31

È wa ɖɔ nú Davídi ɖɔ Axitofɛ́li ɖo mɛ e ɖo Abusalɔ́mu jí, bó ɖo gbě tɔn blá wɛ lɛ́ɛ mɛ, bɔ Davídi sú xó bo ɖɔ: “Mawu Mavɔmavɔ, blǒ bónú nǔ e Axitofɛ́li ná kplɔ́n Abusalɔ́mu lɛ́ɛ ní nyí nǔ yǎyá.”

1 Axɔ́sú 3:5

Hwenu e Salomɔ́ɔ ɖo Gabawɔ́ɔn ɔ́, Mawu Mavɔmavɔ wá xo dlɔ̌ ɛ zǎn mɛ, bó ɖɔ n'i ɖɔ: “Byɔ̌ nǔ e jló we é, nú má ná we.”

Nɛɛmíi 1:11

Mawu Mavɔmavɔ, kɛnklɛ́n ɖǒtó ɖɛ ce, bó ɖótó vo e sa nú we wɛ gbejínɔtɔ́ towe ɖě lɛ́ɛ lɔ ɖe é. Gbejínɔtɔ́ e nɔ ɖi xɛsi nú we kpó xomɛhunhun kpó lɛ́ɛ é. Blǒ bónú nǔ e ná bló wɛ un ɖe é, má mɔ nu tɔn bo bló bónú Dadá ɔ́ ná yí gbe nú nǔ e ná byɔ́ ɛ wɛ un ɖe ɔ́.” Hwe énɛ́ ɔ́ nu ɔ́, nyi wɛ nɔ hɛn sinnuká nú Dadá ɔ́.

Nɛɛmíi 1:4

Ée un se xó énɛ́ lɛ́ɛ ɔ́, un jínjɔ́n ayǐ, bó ya avǐ. Un nɔ aluwɛ mɛ xɔ azǎn mɔ̌kpán. Un blá nu bó xo ɖɛ ɖo Mawu nukɔn bó ɖɔ:

Nɛɛmíi 1:5

“Áo Mawu Mavɔmavɔ, hwi mɛ e ɖo sɛ́xwé é. A kló bó nyí nǔsísí. A nɔ hɛn akɔ e a nɔ jɛ xá mɛ e nɔ nyi sɛ́n towe lɛ́ɛ é. A nɔ́ nɔ gbejí nú mɛ e yí wǎn nú we lɛ́ɛ.

Nɛɛmíi 2:20

Un ka ɖɔ sɛ́ dó yě ɖɔ: “Mawu e ɖo sɛ́xwé ɔ́ ɖésú wɛ ná ná ɖu ɖ'é jí mǐ ɖo azɔ̌ élɔ́ kɔn. Mǐ mɛsɛntɔ́ tɔn ná jɛ azɔ̌ jí, bó ná vɔ́ toxo ɔ́ blóɖó. Amɔ̌, midɛɛ lɛ́ɛ ɔ́, mi ɖó acɛ bo ná ɖó nǔ ɖěbǔ ɖo Jeluzalɛ́mu ǎ. Mi ka ɖó acɛ e ɖu gǎn ɖo to ɔ́ mɛ ɔ́ ɖě ǎ. Mɛ ɖé ní má flín mi ɖo to ɔ́ mɛ gbeɖé ó.”

Nɛɛmíi 2:5

Énɛ́ ɔ́ gúdo ɔ́, un yí gbe nú Dadá ɔ́ ɖɔ: “Dadá, ényí é jló mɛ nú è na ɖe xomɛnyínyɔ́ xlɛ́ mì hǔn, è ní ná gbe mì, bónú má yi tokpɔn Judáa tɔn mɛ, ɖo toxo e mɛ è ɖi tɔ́gbó tɔgbo ce lɛ́ɛ dó é, bó ná vɔ́ toxo ɔ́ blóɖó.”

Ɛsitɛ́ɛ 5:3

Axɔ́sú ɔ́ kanbyɔ́ ɛ ɖɔ: “Nɛ̌ ká gbɔn nú we axɔ́si Ɛsitɛ́ɛ? Étɛ́ wɛ jló we? É ná bó nyí axɔ́súɖuto ce sín vlɔ̌ɖówe wɛ jló we ɔ́, un ná ná we.”

Ɛsitɛ́ɛ 5:6

Hwenu e yě ɖo vɛ̌ɛn nu wɛ ɔ́, axɔ́sú ɔ́ ɖɔ nú Ɛsitɛ́ɛ ɖɔ: “Étɛ́ a jlǒ ná byɔ́ mì? A byɔ́ nǔɖé ɔ́, un ná ná we. Étɛ́ wɛ jló we? É ná bó nyí axɔ́súɖuto ce sín vlɔ̌ɖówe wɛ jló we ɔ́, un ná ná we.”

Ɛsitɛ́ɛ 7:2

Azɔn wegɔ́ ɔ́ énɛ́ ɔ́ e yě yi ɔ́, hwenu e yě ɖo vɛ̌ɛn nu wɛ ɔ́, axɔ́sú ɔ́ lɛ́ kanbyɔ́ axɔ́si Ɛsitɛ́ɛ ɖɔ: “Étɛ́ a jlǒ ná byɔ́ mì? A byɔ́ nǔɖé ɔ́, un ná ná we. É ná bó nyí axɔ́súɖuto ce sín vlɔ̌ɖówe wɛ jló we ɔ́, un ná ná we.”

Ɖɛhan 136:26

Mi kpa susu nú Mawu e ɖo jǐxwé é; ɖó xomɛnyínyɔ́ tɔn ɖo te káká sɔ́yi.

Nǔnywɛ́xó 3:6

Ba jlǒ Mawu Mavɔmavɔ tɔn ɖo nǔ e a nɔ wa lɛ́ɛ bǐ mɛ; énɛ́ ɔ́, é ná xlɛ́ ali we.

Maki 10:51

Jezu ka kanbyɔ́ ɛ ɖɔ: “Ani wɛ a jlǒ nú ma wa nú we?” Nya ɔ́ ka yí gbe n'i ɖɔ: “Mɛ̌si, bló bónú ma lɛ́ vɔ́ mɔ nukúnnú.”

Mɛsɛ́dó 23:19

Ahwangán ɖaxó ɔ́ ka hɛn nyaví ɔ́ sín alɔ, bó kplá ɛ jɛ vo, bó kanbyɔ́ ɛ ɖɔ: “Étɛ́ a jlǒ ná ɖɔ nú mì?”

Filípunu 4:6

Ado ma hu mi dó nǔ ɖěbǔ wú ó; lo ɔ́, mi ɖo ninɔmɛ ɖěbǔ mɛ hǔn, mi ní nɔ sɔ́ kúdónúmɛ sín ayixa dó xo ɖɛ, bó byɔ́ nǔ e hudó mi lɛ́ɛ Mawu.