Nɛɛmíi 2:3 - MAWUXÓWÉMA

³ Xɛsi ɖo jǐ ce mɔ̌ có un ɖɔ nú Dadá ɔ́ ɖɔ: “Sɛ́mɛɖó, è nǐ nɔ gbɛ káká nú xwe maxamaxa. Dadá, wǔ sixú gɔn kúkú mì ǎ, ɖó toxo e mɛ è ɖi tɔ́gbó tɔgbo ce lɛ́ɛ dó ɔ́ gba, bɔ è dǒ toxo ɔ́ sín hɔntogbó lɛ́ɛ zo.”

Nɛɛmíi 2:3 Iomraidhean Croise

1 Axɔ́sú 1:31

Ée Bɛtisabe se mɔ̌ ɔ́, é jɛ kpo bó ɖe kɔ́ nú axɔ́sú ɔ́, bó ɖɔ: “Susu nú sɛ́mɛɖó ce axɔ́sú Davídi káká sɔ́yi.”

2 Axɔ́sú 25:8

Hwenu e Nabukodonɔzɔ́ɔ ɖo xwe afɔtɔn-nukún-ɛnɛ bló wɛ ɖo axɔ́súzinkpo Babilɔ́nu tɔn jí ɔ́, azǎn tɛ́nwegɔ́ ɔ́ e ɖo sun atɔ́ɔ́ngɔ́ ɔ́ mɛ ɔ́ gbe ɔ́, Nɛbuzaladáni ahwangán e kpa acɛ dó mɛ e nɔ cɔ́ axɔ́sú ɔ́ lɛ́ɛ nu ɔ́ wá Jeluzalɛ́mu.

2 Tan 21:20

Xwe gban-nukún-we (32) ɖó wɛ Yexolámu ɖe, bó yi zinkpo jí ɖo Jeluzalɛ́mu, bó ɖu axɔ́sú nú xwe tántɔn. Ée Yexolámu zán kú ɔ́, kú tɔn vɛ́ nú mɛ ɖěbǔ ǎ. È ɖi i ɖó Davídi Toxo mɛ. Amɔ̌, è sɔ́ ɛ yi ɖó yɔdo e mɛ è nɔ ɖi axɔ́sú lɛ́ɛ dó ɔ́ mɛ ǎ.

2 Tan 28:27

Akázi zán wá kú bɔ è sɔ́ ɛ yi ɖó Jeluzalɛ́mu, è sɔ́ ɛ ɖó axɔ́sú Izlayɛ́li tɔn lɛ́ɛ sín yɔdo mɛ ǎ. Vǐ tɔn Ezekiyási wɛ ka ɖu axɔ́sú ɖó tɛn tɔn mɛ.

2 Tan 32:33

Ezekiyási zán wá kú, bɔ è sɔ́ ɛ ɖó Davídi ví lɛ́ɛ sín yɔdo mɛ ɖo fí e yi jǐ hú fí bǐ é. Judáa to ɔ́ bǐ kpó Jeluzalɛ́munu lɛ́ɛ kpó wlí yɛ̌yi n'i ɖo kú tɔn hwenu. Vǐ tɔn Manasée wɛ ɖu axɔ́sú ɖó tɛn tɔn mɛ.

2 Tan 36:19

Babilɔ́nunu lɛ́ɛ dó Mawu xwé ɔ́ zo. Yě mu ahohó e ɖo Jeluzalɛ́mu lɛ́ɛ, bó dó hɔnmɛ lɛ́ɛ bǐ zo lobo hɛn nǔ xɔ akwɛ́ e ɖo toxo ɔ́ mɛ lɛ́ɛ bǐ gblé.

Nɛɛmíi 1:3

Bɔ yě yí gbe nú mì ɖɔ: “Mɛ e lɛ́ kɔ sín kannumɔgbénu lɛ́ɛ wá cí Judáa sín tokpɔn ɔ́ mɛ; lo ɔ́, ya ɖaxó ɖé vun blá yě, bɔ ninɔmɛ yětɔn nyí winnyánú ɖé. Amɔ̌, ahohó e è mɛ lɛ́ lɛ̌ dó toxo ɔ́ mu ɖo akpá ɖé lɛ́ɛ xwé, bɔ è dǒ toxo ɔ́ sín hɔntogbó ɖé lɛ́ɛ zo.”

Nɛɛmíi 2:13

Un tɔ́n sín toxo ɔ́ mɛ zǎn xóxó mɛ, bó gbɔn hɔn e è nɔ ylɔ́ ɖɔ Tɔdomɛ Hɔntogbó é nu, bó ɖidó tɔjɔtɛn dlagɔ́ɔn tɔn kpó hɔn e nɔ ylɔ́ ɖɔ Zunkɔ́ Hɔntogbó ɔ́ kpó kɔn. Un kpɔ́n Jeluzalɛ́mu dó lɛ́ɛ ganjí, bó mɔ ɖɔ dǒ lɛ́ɛ mu ɖo akpá ɖé lɛ́ɛ xwé, bɔ hɔntogbó ɔ́ ji zo.

Ɛsitɛ́ɛ 8:6

Nú awě mɔ̌hunkɔtɔn xo togun ce ɔ́, nɛ̌ un ná sixú ɖó akɔ́n nu gbɔn? Nɛ̌ un ka sixú ɖo te bɔ è nǎ sú togun ce sín kún dó gbɔn?”

Ɖɛhan 102:14

A nǎ sí te bó kú nǔbláwǔ nú Sinyɔ́ɔ, ɖó hwenu e a ɖǒ, bɔ nǔ tɔn ná blá wǔ nú we é su.

Ɖɛhan 102:15

Mɛsɛntɔ́ towe lɛ́ɛ yí wǎn nú awǐnnya Sinyɔ́ɔ tɔn lɛ́ɛ. Sinyɔ́ɔ ɔ́ bǐ wɛ gba hánnyá có yě nɔ́ kpo ɖo wǎn yí ná wɛ.

Ɖɛhan 137:6

Ényí un ma sɔ́ flín we ǎ hǔn, ényí nǔɖé sɔ́ dó xomɛhunhun nú mì hú Jeluzalɛ́mu hǔn, ɖɛ̌ ce ní tɛ́ ɖo gbla mɛ.

Ɖɛhan 38:7

Nyi ɖésúnɔ bǐ wɛ xá; adǎn wɛ ɖo gbigbo mì wɛ sɔ mɔ̌ nɛ́; un ko fɔ́n tɛgbɛ ɔ́, un nɔ ɖo yiyi wɛ wǔbláwúblá,

Jelemíi 52:12

Hwenu e Nabukodonɔzɔ́ɔ ɖo xwe afɔtɔn-nukún-ɛnɛ bló wɛ ɖo axɔ́súzinkpo Babilɔ́nu tɔn jí ɔ́, azǎn wǒgɔ́ ɔ́ e ɖo sun atɔ́ɔ́ngɔ́ ɔ́ mɛ ɔ́ gbe ɔ́, Nɛbuzaladáni ahwangán e nɔ́ nɔ axɔ́sú ɔ́ sín xwé gbe ɔ́ wá Jeluzalɛ́mu.

Gbɛvíhan 2:9

Toxo ɔ́ sín hɔnnúwa lɛ́ɛ hɔ́, aglin mu kɔn nyi yě jí; Mawu hɛn gankpo e è nɔ dó sú hɔntogbó lɛ́ɛ wɛ́n; é hɛn bǐ cɛ́; toxo ɔ́ sín axɔ́sú ɔ́ kpódó gǎn e ɖo glɔ̌ tɔn lɛ́ɛ kpó jɛ akɔta ɖěvo lɛ́ɛ lɔ mɛ. Mɛ ɖěbǔ sɔ́ ɖe bó ná kplɔ́n sɛ́n Mawu tɔn mɛ ǎ. Gbeyíɖɔ lɛ́ɛ lɔ sɔ́ nɔ́ yí wɛn ɖě sín Mawu Mavɔmavɔ gɔ́n ǎ.

Daniyɛ́li 2:4

Azɔnɖatɔ́ lɛ́ɛ yí gbe nú axɔ́sú ɔ́ dó alamugbe mɛ ɖɔ: “Sɛ́mɛɖó, jidɔ́ mɛtɔn ní nyí káká. Mɛ ní ɖɔ dlɔ̌ e mɛ kú ɔ́ nú mǐ, nú mǐ ná tínmɛ nú mɛ.”

Daniyɛ́li 3:9

Yě yí xó bó ɖɔ nú axɔ́sú Nabukodonɔzɔ́ɔ ɖɔ: “Sɛ́mɛɖó, jidɔ́ mɛtɔn ní nyí káká.

Daniyɛ́li 5:10

Nyɔ̌nu axɔ́si ɔ́ se xó e sú wɛ axɔ́sú ɔ́ kpó tozɔ́watɔ́ tɔn lɛ́ɛ kpó ɖe ɔ́, lobo wá. É byɔ́ xɔ e sá ɖu agɔ̌ ɖe wɛ yě ɖe ɔ́, bó ɖɔ: “Sɛ́mɛɖó, jidɔ́ mɛtɔn ní nyí káká. È ma nú nǔ e lin wɛ mɛ ɖe lɛ́ɛ gba ayi dó nú mɛ ó. É byɔ́ ɖɔ mɛ ná dɔn nukún mɛ nyɔ sɔ mɔ̌ ǎ.

Daniyɛ́li 6:21

Hwenu e axɔ́sú ɔ́ ɖo do ɔ́ sɛkpɔ́ wɛ ɔ́, é ylɔ́ Daniyɛ́li wǔbláwúblá, bó ɖɔ: “Daniyɛ́li mɛsɛntɔ́ Mawu gbɛɖe ɔ́ tɔn! Mawu towe e wú a ɖǒ kan dó bó nɔ́ sɛn ɔ́ ká kpé wú bó hwlɛ́n we gán sín kinnikínní lɛ́ɛ sín fɛn mɛ din a?”

Daniyɛ́li 6:6

Din ɔ́, yě ɖɔ: “Mǐ mɔ nǔ e wú mǐ ná ɖó dó bó dó hwɛ Daniyɛ́li ɔ́ ɖěbǔ ǎ. Ényí mǐ ná mɔ nǔɖé din ɔ́, Mawu e é nɔ́ sɛn ɔ́ sín sɛ́n lixo jɛ́n mǐ nǎ ba ɖe.”

Levíi ví 26:31

Un ná bló bɔ toxo mitɔn lɛ́ɛ ná jɛ vɔ̌. Un ná gba vodúnxɔ mitɔn lɛ́ɛ hánnyá, bó sɔ́ ná se vɔ̌ wǎnɖagbenɔ mitɔn lɛ́ɛ ɖě sín wǎn ǎ.