Nɛɛmíi 2:1 - MAWUXÓWÉMA

¹ Hwenu e Dadá Aatazɛɛzɛsi ɖo xwe ko bló wɛ ɖo zinkpo jí ɔ́, ɖo Nisáan sín sun ɔ́ mɛ ɔ́, gbe ɖokpó tíin bɔ Dadá ɔ́ ɖo nǔ ɖu wɛ, bɔ un sɔ́ vɛ̌ɛn bo ba n'i. Hwe énɛ́ ɔ́ nu ɔ́, wǔ kú mì; wǔ ká kú mì mɔ̌ gbeɖé kpɔ́n ɖo Dadá ɔ́ nukɔn ǎ.

Nɛɛmíi 2:1 Iomraidhean Croise

Bǐbɛ́mɛ 40:11

Axɔ́sú ɔ́ sín kɔ́fu ka ɖo alɔ ce mɛ, bɔ un gbɛ vǐwun lɛ́ɛ, bó fyɔ́n yě dó kɔ́fu ɔ́ mɛ, lobo zé jó nú axɔ́sú ɔ́.”

Bǐbɛ́mɛ 40:21

É lɛ́ yí mɛ e nɔ hɛn sinnuká n'i lɛ́ɛ sín gǎn ɔ́, ɖó tɛn e mɛ é kó ɖe ɖ'ayǐ é, bónú é ná nɔ́ zé kɔ́fu n'i

Ɛsidlási 4:7

Mɔ̌ ɖokpó ɔ́, hwenu e Dadá Pɛ́si tɔn Aatazɛɛzɛsi ɖo axɔ́sú ɖu wɛ ɔ́, Bicilámu kpódó Mitlɛdati kpó, kpódó Tavéyɛ́lu kpó, kpódó azɔ̌gbɛ́ yětɔn lɛ́ɛ kpó sɛ́ wěma dó e. Wěkwín Alamu tɔn wɛ è dǒ wlán wěma ɔ́ ná, bó wlán dó alamugbe mɛ.

Ɛsidlási 7:1

Ée nǔ énɛ́ lɛ́ɛ bǐ jɛ wá yi ɔ́, ɖo Dadá Pɛ́si tɔn Aatazɛɛzɛsi sín hwenu ɔ́, nya ɖé gosín Babilɔ́nu wá, nya ɔ́ nɔ́ nyí Ɛsidlási. Selaya ví wɛ é nyí; Selaya ɔ́ ká nyí Azalya ví, bɔ Azalya nyí Ilukya ví.

Ɛsidlási 7:7

Hwenu e Dadá Aatazɛɛzɛsi ɖo xwe tɛ́nwe bló wɛ ɖo zinkpo jí ɔ́, Izlayɛ́li ví vɔ̌sánú-xwlémawutɔ́ lɛ́ɛ, Levíi ví lɛ́ɛ, hanjitɔ́ lɛ́ɛ, hɔnjínɔtɔ́ lɛ́ɛ kpódó mɛ e nɔ wa azɔ̌ ɖo Mawu xwé gbe lɛ́ɛ kpó lɛ́ kɔ wá Jeluzalɛ́mu.

Nɛɛmíi 1:1

Nɛɛmíi Hakaliya ví ɔ́ sín xó wɛ ɖo wěma élɔ́ mɛ. Hwenu e Dadá Aatazɛɛzɛsi ɖo xwe we bló wɛ ɖo zinkpo jí, ɖo Kisiléwu sín sun ɔ́ mɛ ɔ́, nyɛ Nɛɛmíi ɖo Súzi toxo ɖaxó Babilɔ́nu tɔn e è mɛ ahohó lɛ́ lɛ̌ dó é mɛ.

Nɛɛmíi 1:11

Mawu Mavɔmavɔ, kɛnklɛ́n ɖǒtó ɖɛ ce, bó ɖótó vo e sa nú we wɛ gbejínɔtɔ́ towe ɖě lɛ́ɛ lɔ ɖe é. Gbejínɔtɔ́ e nɔ ɖi xɛsi nú we kpó xomɛhunhun kpó lɛ́ɛ é. Blǒ bónú nǔ e ná bló wɛ un ɖe é, má mɔ nu tɔn bo bló bónú Dadá ɔ́ ná yí gbe nú nǔ e ná byɔ́ ɛ wɛ un ɖe ɔ́.” Hwe énɛ́ ɔ́ nu ɔ́, nyi wɛ nɔ hɛn sinnuká nú Dadá ɔ́.

Ɛsitɛ́ɛ 3:7

Hwenu e axɔ́sú Zɛ̌ɛzɛsi ɖo xwe wěwe bló wɛ ɖo axɔ́súzinkpo jí ɔ́, sun nukɔn nukɔntɔn e è nɔ ylɔ́ ɖɔ Nisáan ɔ́ mɛ ɔ́, Hamáa nyi akɔ dó sun ɖokpó ɖokpó, bó nyi dó azǎn ɖokpó ɖokpó, bó ná tunwun azǎn e ná nyɔ́ ɔ́ kpó sun e ná nyɔ́ nú tito tɔn lɛ́ɛ é kpó, bɔ akɔ wá jɛ sun wěwegɔ́ e nyí Adáa é jí.

Daniyɛ́li 9:25

Nǔ e a ka ɖó ná tunwun bó ná mɔ nǔ jɛ wú ɔ́ ɖíe: Sín hwenu e è ɖǒ wɛn e ɖɔ xó dó kɔ lɛ́ sín gbějí wá ɔ́ wú, bó ɖɔ dó Jeluzalɛ́mu toxo ɔ́ ná vɔ́ gbá ɔ́ wú káká wá jɛ gǎn e jí è ylɔ̌ Mawu nyíkɔ dó ɔ́ sín wǐwá hwenu ɔ́ wú ɔ́, é kó bló xwe tɛ́nwe tɛ́nwe donu tɛ́nwe. Énɛ́ ɔ́ gúdo ɔ́, ɖo xwe tɛ́nwe tɛ́nwe donu kanɖé ko-nukún-we (62) mɛ ɔ́, è nǎ lɛ́ vɔ́ toxo ɔ́ kpódó ahohó tɔn lɛ́ɛ bǐ kpó bló ɖó. Amɔ̌, hwe énɛ́ lɛ́ɛ nu ná nyí hwenu vɛ́ wǔ ɖésú.