Nɛɛmíi 13:9 - MAWUXÓWÉMA

⁹ Un ná gbe ɖɔ è nǐ slá wǔ nú xɔ lɛ́ɛ, bó lɛ́ bɛ́ gannú e è nɔ zán ɖo Mawu xwé lɛ́ɛ, nǔ e è nǎ Mawu lɛ́ɛ kpó zǎlínkpɔ́n lɛ́ɛ kpó ɖó tɛn yětɔn mɛ.

Nɛɛmíi 13:9 Iomraidhean Croise

2 Tan 29:5

bó ɖɔ nú yě ɖɔ: “Levíi ví lɛ́ɛ mi, mi ɖótó mì, din ɔ́, mi slá wǔ nú miɖée, bó slá wǔ nú Mawu Mavɔmavɔ, Mawu tɔ́gbó mitɔn lɛ́ɛ tɔn sín xwé ɔ́, lobo bɛ́ nǔ e nyí suɖunú lɛ́ɛ bǐ sín xwé ɔ́ gbe.

Nɛɛmíi 10:37

Mǐ nɔ bɛ́ nukɔn ví mǐtɔn lɛ́ɛ yi Mawu xwé, bó nɔ bɛ́ vǐ nukɔntɔn e kanlin mǐtɔn lɛ́ɛ ji lɛ́ɛ yi Mawu xwé gbe lě e sɛ́n ɔ́ zɔ́n gbɔn é; mǐ nɔ bɛ́ vǐ nukɔntɔn e kanlin mǐtɔn ɖaxó ɖaxó lɛ́ɛ kpó kpɛví kpɛví lɛ́ɛ kpó ji lɛ́ɛ yi Mawu mǐtɔn sín xwé gbe, bó nɔ bɛ́ yě jó nú vɔ̌sánú-xwlémawutɔ́ e nɔ wa mawuxɔmɛzɔ́ lɛ́ɛ.

Nɛɛmíi 12:45

Bɔ nǔ e ko kan mawuzɔ́ é kpó, kpó éé ko kan wǔsláslá é kpó ɔ́, yě ɖo bǐ bló wɛ. Hanjitɔ́ lɛ́ɛ kpó hɔnjínɔtɔ́ lɛ́ɛ kpó lɔ ɖo azɔ̌ yětɔn wa wɛ lě e Davídi kpó vǐ tɔn Salomɔ́ɔ kpó ko ɖɔ gbɔn é.

Ezekiyɛ́li 40:38

Xɔ ɖé hun d'agba xwéta hɔnnúwa taligbé tɔn ɔ́ tɔn mɛ: fínɛ́ wɛ è nɔ klɔ́ kanlin e è hu, bó ná dó sá vɔ̌ e è nɔ dó zo lɛ́ɛ ná lɛ́ɛ ɖe.