Nɛɛmíi 13:4 - MAWUXÓWÉMA

⁴ Cóbónú nǔ énɛ́ ɔ́ ká ná jɛ ɔ́, Eliyacivu vɔ̌sánú-xwlémawutɔ́ e è sɔ́ ɖó xɔ e ɖo Mawu mǐtɔn xwé lɛ́ɛ nu ɔ́ sɔ́ xɔ ɖaxó ɖokpó nú Toviya, ɖó mɛ tɔn wɛ.

Nɛɛmíi 13:4 Iomraidhean Croise

Nɛɛmíi 12:10

Jozuwée ji Yoyakímu, Yoyakímu ji Eliyacivu, Eliyacivu ji Yoyada,

Nɛɛmíi 12:44

Gbe énɛ́ ɔ́ gbe ɔ́, è ɖe mɛ, bɔ è ná nɔ cɔ́ xɔ e mɛ è nɔ bɛ́ agban lɛ́ɛ dó é. Xɔ énɛ́ lɛ́ɛ mɛ wɛ è nɔ bɛ́ nǔ e è nǎ Mawu lɛ́ɛ dó: jinukún nukɔntɔn e nyɔ́ ɖo mɛ ɖokpó ɖokpó gle mɛ é, kpó mǎɖówǒ lɛ́ɛ kpó. É lɛ́ zɔ́n yě ɖɔ yě ní yi gbɔn toxo lɛ́ɛ mɛ, bó yí nǔ e nyí vɔ̌sánú-xwlémawutɔ́ lɛ́ɛ kpó Levíi ví lɛ́ɛ kpó tɔn bɔ sɛ́n ɔ́ ɖɔ é. Judáa to ɔ́ bǐ ɖo awǎ jɛ wɛ, ɖó vɔ̌sánú-xwlémawutɔ́ lɛ́ɛ kpó Levíi ví lɛ́ɛ kpó ɖo azɔ̌ yětɔn lɛ́ɛ wa wɛ.

Nɛɛmíi 13:28

Yoyada ví súnnu ɖokpó tíin, Eliyacivu vɔ̌sánú-xwlémawutɔ́ ɔ́ vívú wɛ, bó nyí Sanbaláti, Holonayímunu ɔ́ sín vǐsú; énɛ́ wú wɛ un nya ɛ sín Jeluzalɛ́mu.

Nɛɛmíi 2:10

Nya we ɖé lɛ́ɛ tíin ɖo toxo ɔ́ mɛ, Sanbaláti Holonayímunu ɔ́ kpódó Toviya Amumɔ́ɔ ví e xo kpó ɖó n'i ɔ́ kpó. Ée yě se ɖɔ un jǎwe ɔ́, é vɛ́ nú yě káká, ɖó yě se ɖɔ mɛɖé jǎwe bó ná wá kpé nukún dó ganjíninɔ Izlayɛ́li ví lɛ́ɛ tɔn wú.

Nɛɛmíi 3:1

Eliyacivu vɔ̌sánú-xwlémawutɔ́ ɖaxó ɔ́ jɛ azɔ̌ jí, é kpódó gbɛ̌ tɔn vɔ̌sánú-xwlémawutɔ́ lɛ́ɛ kpó. Yě bló Lɛ̌ngbɔ́hɔntogbó lɛ́ɛ ɖó. Ée yě jó hɔntogbó énɛ́ ɔ́ nú Mawu ɔ́, yě wá dó hɔn lɛ́ɛ. Yě bló dǒ ɔ́ ɖó káká yi kpe gaga e è nɔ ylɔ́ ɖɔ kanwe ko (100) lɛ́ɛ kɔn, bó lɛ́ dín d'é nu káká wá kpe gaga e è nɔ ylɔ́ Hananɛ́li ɔ́ kɔn.

Nɛɛmíi 6:1

Sanbaláti kpódó Toviya kpó, kpódó Gɛcɛ́mu Alabíinu ɔ́ kpó, kpódó kɛntɔ́ mǐtɔn ɖěvo lɛ́ɛ kpó se ɖɔ nyi bló dǒ ɔ́ ɖó kpé, bɔ é sɔ́ kpo fí e dǒ ɔ́ mu ɖe ɔ́ ɖě bɔ è gɔn blǒbló ɖó ǎ, un ka ko dó hɔn lɛ́ɛ ǎ.