Nɛɛmíi 13:1 - MAWUXÓWÉMA

¹ Gbe énɛ́ gbe ɔ́, è wǎ ɖo sɛ́nwéma Mɔyízi tɔn xa wɛ ɖo togun mɛ, bó mɔ ɖ'é mɛ ɖɔ mɛ e nyí Amumɔ́ɔ ví é kpó mɛ e nyí Mɔwabunu é kpó ɖě kún ná byɔ́ mavɔmavɔsɛntɔ́ lɛ́ɛ sín gbɛ̌ta mɛ gbeɖé ó.

Nɛɛmíi 13:1 Iomraidhean Croise

2 Axɔ́sú 23:2

bɔ yě yi Mawu Mavɔmavɔ xwé gbe. Yě kpó Judáanu lɛ́ɛ bǐ kpó, Jeluzalɛ́munu lɛ́ɛ bǐ kpó, vɔ̌sánú-xwlémawutɔ́ lɛ́ɛ kpó, gbeyíɖɔ Mawu tɔn lɛ́ɛ kpó, kpódó togun ɔ́ bǐ kpó wɛ yi, bɛ́ sín yɔkpɔ́vú lɛ́ɛ jí káká yi jɛ mɛxó lɛ́ɛ jí. Ée yě yi xwé ɔ́ gbe ɔ́, axɔ́sú ɔ́ zé akɔjijɛwéma e è mɔ ɖo Mawu Mavɔmavɔ xwé gbe ɔ́ bó xa bǐ nú yě.

Nɛɛmíi 13:23

Hwe énɛ́ ɔ́ nu ɖokpó ɔ́, un mɔ ɖɔ Jwifu lɛ́ɛ da nyɔ̌nu Acidɔ́dinu lɛ́ɛ kpódó nyɔ̌nu Amumɔ́ɔ ví lɛ́ɛ kpó, bó da nyɔ̌nu Mɔwabunu lɛ́ɛ.

Nɛɛmíi 2:10

Nya we ɖé lɛ́ɛ tíin ɖo toxo ɔ́ mɛ, Sanbaláti Holonayímunu ɔ́ kpódó Toviya Amumɔ́ɔ ví e xo kpó ɖó n'i ɔ́ kpó. Ée yě se ɖɔ un jǎwe ɔ́, é vɛ́ nú yě káká, ɖó yě se ɖɔ mɛɖé jǎwe bó ná wá kpé nukún dó ganjíninɔ Izlayɛ́li ví lɛ́ɛ tɔn wú.

Nɛɛmíi 2:19

Lo ɔ́, ée Sanbaláti Holonayímunu ɔ́ kpódó Toviya Amumɔ́ɔ ví e xo kpó ɖó n'i ɔ́ kpó, kpódó Gɛcɛ́mu Alabíinu ɔ́ kpó se xó énɛ́ ɔ́, yě jɛ cícá mǐ ko jí, bó nɔ́ ɖɔ nyɔmɛ mǐ wú ɖɔ: “Étɛ́ wa wɛ mi ka ɖe ɖo fínɛ́ nɛ́? Gǔ ná fɔ́n dó Dadá ɔ́ jí wɛ mi ka ɖe a?”

Nɛɛmíi 4:3

Énɛ́ wú ɔ́, mǐ sa vo nú Mawu mǐtɔn, bó ɖe gbɛtɔ́, bɔ mɛ ɖě nɔ́ nya xɛ ɖo mǐ jí zǎn mɛ, bɔ mɛ ɖě nɔ́ nya kéze, bónú kɛntɔ́ lɛ́ɛ ja ahwan tɔ́n mǐ gbé ɔ́, yě ná ɖɔ nú mǐ.

Nɛɛmíi 9:3

Énɛ́ ɔ́ gúdo ɔ́, yě sí te bo nɔ te mɔ̌, bó ɖótó sɛ́nwéma Mawu Mavɔmavɔ, Mawu yětɔn tɔn, bɔ è xa nú yě káká nú ganxixo atɔn. Yě lɛ́ sɔ́ ganxixo atɔn ɖěvo ɖó te, bó yi do ɖo Mawu Mavɔmavɔ, Mawu yětɔn nukɔn, bó byɔ́ hwɛsɔ́kɛ.

Ezayíi 34:16

Ényí mi ba ɖo Mawu Mavɔmavɔ sín wěma ɔ́ mɛ ɔ́, mi ná mɔ xa ɖɔ: Kanlin e è xa lɛ́ɛ ɖokpó kún gɔn ó, ɖokpó kún hwe ɖo fínɛ́ ó, ɖó Mawu kannu wɛ yě ɖe; Mawu ɖésú wɛ kplé yě.

Jelemíi 48:1

Xó e Mawu Mavɔmavɔ Nǔbǐwúkpétɔ́, Mawu Izlayɛ́li tɔn ɖɔ dó Mɔwabu wú é ɖíe: “Awě tɛ́ ɖíe ká xo mɛ e ɖo Nɛbo toxo ɔ́ mɛ lɛ́ɛ e! È gba toxo yětɔn bǐ. Ahwi xo Kiliyatayimu toxo ɔ́, din ɔ́, kɛntɔ́ lɔ mɛ wɛ é ɖe. Ahwi xo toxo énɛ́ e mɛ kɛntɔ́ ma nɔ́ sixú byɔ́ gbeɖé ǎ é, é ɖu winnyá, è gba to ɔ́ bǐ.

Amɔ́si 1:13

Mawu Mavɔmavɔ ɖɔ: “Amumɔ́ɔ ví lɛ́ɛ ɔ́, nǔ e yě wa nyi do bɔ un jló ná kɛ nu d'é wú nú yě ɔ́ nyí ɖokpó kɛ́ɖɛ́ ǎ, amɔ̌, élɔ́ e yě wa ɔ́ vɛ́ nú mì tawun. Đó yě jló ná gbló ada nú to yětɔn, bɔ é sín énɛ́ wú, bɔ yě zɛ nyɔ̌nu Galadinu e ɖo xo lɛ́ɛ sín adɔgo. Nǔ e wú un ma ná lɛ́ kɔ sín gbeta e un ɖe tɔ́n ɔ́ gúdo ǎ é nɛ́.

Kɛ́nsísɔ́ 22:5

Balaki sɛ́ mɛ dó Baláamu, Beɔ́ɔ ví ɔ́, ɖo Petɔ́ɔ toxo mɛ. Balaki ɔ́, Efláti tɔ ɔ́ tó wɛ é nɔ́ nɔ, é kpódó mɛ tɔn lɛ́ɛ kpó. É sɛ́ mɛ dó ɖɔ è nǐ yi ɖɔ nú Baláamu ɖɔ: “Togun ɖé ɖíe gosín Ejípu bo wá fí, bó gba kpé to ɔ́ bǐ mɛ e; fí e yě ɖǒ gɔnu ɖó ɔ́ lín dó mǐ ɖěbǔ ǎ.

Luki 10:26

Jezu ka yí gbe n'i ɖɔ: “Étɛ́ è ka wlán dó sɛ́nwéma ɔ́ mɛ? Nǔ e a xa ɔ́, nɛ̌ wɛ a mɔ nukúnnú jɛ mɛ gbɔn?”

Mɛsɛ́dó 13:15

Hwenu e yě xa sɛ́n ɔ́, bó xa gbeyíɖɔ Mawu tɔn lɛ́ɛ sín wěma gúdo ɔ́, kplɔ́ngbaságán lɛ́ɛ ɖɔ sɛ́ dó yě ɖɔ: “Nɔví mǐtɔn lɛ́ɛ mi, ényí mi ɖó xó ɖé, bó ná ɖɔ nú togun ɔ́, bó dó ná ɛ akɔ́nkpinkpan hǔn, mi ɖɔ.”

Mɛsɛ́dó 15:21

Đó, xóxó hwenu ɖokpóó wɛ mɛ lɛ́ɛ nɔ ɖo Mɔyízisɛ́n ɔ́ jlá wɛ gbɔn to ɖokpó ɖokpó mɛ, bɔ è nɔ xa ɖo kplɔ́ngbasá Jwifu lɛ́ɛ tɔn, ɖo gbɔjɛzán gbe lɛ́ɛ bǐ.”