Nɛɛmíi 11:5 - MAWUXÓWÉMA

⁵ Yě kpó Maaseya Balúki ví ɔ́ kpó; Balúki ɔ́, Kɔlu-Hozée ví wɛ, bɔ Kɔlu-Hozée nyí Hazaya ví, Hazaya nyí Adaya ví, bɔ Adaya nyí Yoyalívu ví, bɔ Yoyalívu nyí Zekaliya ví, bɔ Zekaliya nyí Cela ví;

Nɛɛmíi 11:5 Iomraidhean Croise

Bǐbɛ́mɛ 38:5

É lɛ́ ji vǐ súnnu ɖěvo bó sun nyǐ i ɖɔ Cela. Kezívu wɛ Judáa ɖe hwenu e é ji Cela é.

1 Tan 4:21

Cela, Judáa ví ɔ́, vǐ tɔn lɛ́ɛ ɖíe: Ɛ́ɛ kpó Laedáa kpó. Ɛ́ɛ ɔ́ wɛ ɖó Leka toxo ɔ́ ayǐ, bɔ Laedáa ɖó Maleca toxo ɔ́ ayǐ, bó lɛ́ dó mɛ e nɔ lɔn gbɔ̌fúnvɔ ɖo Bɛti-Acibea lɛ́ɛ sín kún.

1 Tan 9:5

Asaya sín vǐɖaxó ɔ́ kpó vǐ tɔn lɛ́ɛ kpó; Cela kúnkan ɔ́ mɛ wɛ é jɔ ɖe.

Nɛɛmíi 11:4

Judáa ví ɖé lɛ́ɛ kpó Bɛnjamɛ́ɛ ví ɖé lɛ́ɛ kpó wá cí Jeluzalɛ́mu. Judáa ví e wá nɔ Jeluzalɛ́mu lɛ́ɛ ɖíe: Ataya Wuziya ví ɔ́; Wuziya nyí Zekaliya ví, Zekaliya nyí Amaliya ví, Amaliya ka nyí Cefátiya ví, bɔ Cefátiya nyí Maxalalɛ́li ví; Pɛlɛ́si Judáa ví ɔ́ wɛ dó kún yětɔn.

Nɛɛmíi 11:6

Pɛlɛ́si ví e wá nɔ Jeluzalɛ́mu lɛ́ɛ ɔ́, yě mɛ afɔwe kanɖé koatɔ́n-nukún-atɔn (468) wɛ. Súnnu akowunká wɛ yě nyí.

Nɛɛmíi 3:15

Tɔjɔtɛn Hɔntogbó ɔ́, Calúmu Kɔlu-Hozée ví e nyí tokpɔnla Misipa tɔn ɔ́ sín gǎn ɔ́ wɛ bló. Ée é vɔ́ hɔntogbó ɔ́ bló ɖó ɔ́, é gbá xɔ ɖó ta tɔn, bó dó hɔnvǐnɔ ná, bó dó gan e è nɔ dó sú hɔn lɛ́ɛ kpódó sɛxlo lɛ́ɛ kpó. É lɛ́ wa azɔ̌ ɖo dǒ ɔ́ wú ɖo Silowée tɔ ɔ́ kpá, ɖo axɔ́sú ɔ́ sín jikpá kpódó kpekán e jí è nɔ gbɔn bo nɔ yi Davídi Toxo ɔ́ mɛ é kpán tɛ́ntin.

Kɛ́nsísɔ́ 26:20

Vǐ súnnu e kpo ɖo akɔta Judáa tɔn ɔ́ mɛ lɛ́ɛ ɖíe: Cela kpó vǐ tɔn lɛ́ɛ kpó, Pɛlɛ́si kpó vǐ tɔn lɛ́ɛ kpó, Zeláxi kpó vǐ tɔn lɛ́ɛ kpó.