Nɛɛmíi 11:4 - MAWUXÓWÉMA

⁴ Judáa ví ɖé lɛ́ɛ kpó Bɛnjamɛ́ɛ ví ɖé lɛ́ɛ kpó wá cí Jeluzalɛ́mu. Judáa ví e wá nɔ Jeluzalɛ́mu lɛ́ɛ ɖíe: Ataya Wuziya ví ɔ́; Wuziya nyí Zekaliya ví, Zekaliya nyí Amaliya ví, Amaliya ka nyí Cefátiya ví, bɔ Cefátiya nyí Maxalalɛ́li ví; Pɛlɛ́si Judáa ví ɔ́ wɛ dó kún yětɔn.

Nɛɛmíi 11:4 Iomraidhean Croise

Bǐbɛ́mɛ 38:29

Lo ɔ́, vǐ énɛ́ ɔ́ wún alɔ tɔn bɔ wegɔ́ tɔn tɔ́n jɛ nukɔn. Énɛ́ ɔ́, nyɔ̌nu-ajinɔtɔ́ ɔ́ sú xó ɖɔ: “Nɛ̌ wɛ a wa gbɔn bo ɖe ali nú hwiɖée?” Bɔ é sun nyǐ vǐ ɔ́ ɖɔ “Pɛlɛ́si”. Pɛlɛ́si sín tínmɛ wɛ nyí ali.

Nɛɛmíi 11:3

Tokpɔngán lɛ́ɛ nɔ́ nɔ Jeluzalɛ́mu, bɔ Izlayɛ́li ví ɖě lɛ́ɛ, vɔ̌sánú-xwlémawutɔ́ lɛ́ɛ, Levíi ví lɛ́ɛ, mɛ kpaa e nɔ wa azɔ̌ ɖo Mawu xwé gbe lɛ́ɛ, kpódó mɛsɛntɔ́ Salomɔ́ɔ tɔn lɛ́ɛ sín vǐ lɛ́ɛ kpó ɔ́, yědɛɛ lɛ́ɛ ɖokpó ɖokpó nɔ́ nɔ fí e nyí étɔn é.

Nɛɛmíi 11:5

Yě kpó Maaseya Balúki ví ɔ́ kpó; Balúki ɔ́, Kɔlu-Hozée ví wɛ, bɔ Kɔlu-Hozée nyí Hazaya ví, Hazaya nyí Adaya ví, bɔ Adaya nyí Yoyalívu ví, bɔ Yoyalívu nyí Zekaliya ví, bɔ Zekaliya nyí Cela ví;

Matíe 1:3

Juda ji Pɛlɛ́si kpódó Zeláxi kpó ɖo Tamáa xomɛ; Pɛlɛ́si ji Hɛklɔ́ni, bɔ Hɛklɔ́ni ji Alamu;

Luki 3:33

Naxicɔ́ni ka nyí Aminadabu ví, bɔ Aminadabu nyí Adiminu ví, bɔ Adiminu nyí Aani ví, bɔ Aani nyí Ɛslɔ́ni ví, bɔ Ɛslɔ́ni nyí Pɛlɛ́si ví, bɔ Pɛlɛ́si nyí Judáa ví,

Hwliti 4:18

Davídi ɔ́, tɔ́gbó tɔn lɛ́ɛ ɖíe, bɛ́ sín Pɛlɛ́si jí: Pɛlɛ́si ji Ɛslɔ́ni.