Nɛɛmíi 11:3 - MAWUXÓWÉMA

³ Tokpɔngán lɛ́ɛ nɔ́ nɔ Jeluzalɛ́mu, bɔ Izlayɛ́li ví ɖě lɛ́ɛ, vɔ̌sánú-xwlémawutɔ́ lɛ́ɛ, Levíi ví lɛ́ɛ, mɛ kpaa e nɔ wa azɔ̌ ɖo Mawu xwé gbe lɛ́ɛ, kpódó mɛsɛntɔ́ Salomɔ́ɔ tɔn lɛ́ɛ sín vǐ lɛ́ɛ kpó ɔ́, yědɛɛ lɛ́ɛ ɖokpó ɖokpó nɔ́ nɔ fí e nyí étɔn é.

Nɛɛmíi 11:3 Iomraidhean Croise

Ɛsidlási 2:1

Mɛ gěgé ɖo togun Izlayɛ́li tɔn e axɔ́sú Nabukodonɔzɔ́ɔ wlí hɛn yi kannumɔgbénu ɖo Babilɔ́nu lɛ́ɛ mɛ, bó lɛ́ kɔ wá Jeluzalɛ́mu kpódó Judáa kpó. Mɛ ɖokpó ɖokpó lɛ́ kɔ wá to é ɖésúnɔ tɔn mɛ.

Ɛsidlási 2:43

Mɛ e wá ɖo mɛ e nɔ wa azɔ̌ ɖo Mawu xwé lɛ́ɛ sín gbɛ̌ta mɛ lɛ́ɛ ɖíe: kúnkan Siha kpódó Hasúfa kpó, kpódó Tabawɔ́ti kpó tɔn,

Ɛsidlási 2:70

Vɔ̌sánú-xwlémawutɔ́ lɛ́ɛ, Levíi ví lɛ́ɛ, mɛ kpaa ɖé lɛ́ɛ, hanjitɔ́ lɛ́ɛ, hɔnjínɔtɔ́ lɛ́ɛ, kpódó mɛ e nɔ wa azɔ̌ ɖo Mawu xwé gbe lɛ́ɛ kpó wá jɛ toxo e è nǎ yě lɛ́ɛ mɛ. Izlayɛ́li ví ɖě lɛ́ɛ ka jɛ toxo e ko nyí yě ɖésúnɔ tɔn ɖ'ayǐ lɛ́ɛ mɛ.

Nɛɛmíi 11:20

Izlayɛ́li ví e kpo lɛ́ɛ ɖo Judáa sín toxo ɖě lɛ́ɛ mɛ. Vɔ̌sánú-xwlémawutɔ́ lɛ́ɛ kpó Levíi ví lɛ́ɛ kpó lɔ ɖo yě mɛ. Mɛ ɖokpó ɖokpó ɖo ayǐkúngban tɔn jí ɖo toxo tɔn mɛ.

Nɛɛmíi 11:4

Judáa ví ɖé lɛ́ɛ kpó Bɛnjamɛ́ɛ ví ɖé lɛ́ɛ kpó wá cí Jeluzalɛ́mu. Judáa ví e wá nɔ Jeluzalɛ́mu lɛ́ɛ ɖíe: Ataya Wuziya ví ɔ́; Wuziya nyí Zekaliya ví, Zekaliya nyí Amaliya ví, Amaliya ka nyí Cefátiya ví, bɔ Cefátiya nyí Maxalalɛ́li ví; Pɛlɛ́si Judáa ví ɔ́ wɛ dó kún yětɔn.

Nɛɛmíi 7:39

Vɔ̌sánú-xwlémawutɔ́ gbɛ́ta lɛ́ɛ ɔ́, yě mɛ afɛnɛ kɛnnɛ wǎtɔn (973) wɛ; Yecúwa ví wɛ nú yě.

Nɛɛmíi 7:43

Levíi ví lɛ́ɛ sín gbɛ̌ta ɔ́, yě mɛ kanɖé gban-nukún-ɛnɛ (74) wɛ ɖ'é mɛ. Yecúwa kpó Kadimiyɛ́li kpó sín vǐ wɛ nú yě; Hodiwa kún mɛ wɛ yě jɔ ɖe.

Nɛɛmíi 7:46

Mɛ kpaa e nɔ wa azɔ̌ ɖo Mawu xwé lɛ́ɛ é ɖíe: Siha ví lɛ́ɛ, Hasafu ví lɛ́ɛ, Tabawɔ́ti ví lɛ́ɛ,

Nɛɛmíi 7:6

Mɛ e Dadá Babilɔ́nu tɔn Nabukodonɔzɔ́ɔ kplá yi kannumɔgbénu lɛ́ɛ ɔ́, yě mɛ e lɛ́ kɔ wá Jeluzalɛ́mu kpó yě mɛ e lɛ́ kɔ wá Judáa lɛ́ɛ kpó sukpɔ́ ɖésú. Mɛ ɖokpó ɖokpó lɛ́ kɔ wá yi to tɔn mɛ.

Nɛɛmíi 7:7

Zolobabɛ́li kpó Jozuwée kpó, kpó Nɛ̌ɛmíya kpó, kpó Azalya kpó, kpó Hlaamiya kpó, kpó Naxámani kpó, kpó Mɔdokayi kpó, kpó Bilucáni kpó, kpó Misipɛlɛti kpó, kpó Bigiwayi kpó, kpó Nɛwúmu kpó, kpódó Baana kpó wɛ nɔ yě nu, bó kplá yě wá. Xwédo ɖěɖě e gosín kannumɔgbénu lɛ́ɛ, kpódó mɛ nabí nabí e ɖo xwédo ɖokpó ɖokpó mɛ lɛ́ɛ kpó ɖíe: