Nɛɛmíi 10:1 - MAWUXÓWÉMA

¹ “Nǔ e gbo mǐ lɛ́ɛ bǐ zɔ́n bɔ mǐ ɖe gbeta tɔ́n, bó zin alɔ dó akɔ́n ɖɔ mǐ ná nyi sɛ́n ɔ́. Gbeta énɛ́ ɔ́, mǐ wlán dó wěma mɛ, bó ɖó wuntun, bɔ gǎn mǐtɔn lɛ́ɛ, Levíi ví lɛ́ɛ, kpódó vɔ̌sánú-xwlémawutɔ́ mǐtɔn lɛ́ɛ kpó tɛ alɔ mɛ.

Nɛɛmíi 10:1 Iomraidhean Croise

2 Axɔ́sú 23:3

Axɔ́sú ɔ́ nɔ te ɖo kpe e ɖo sinsɛnxɔ ɔ́ mɛ ɔ́ jí, bó jɛ akɔ xá Mawu Mavɔmavɔ. Mɛ ɖokpó ɖokpó ɖe gbeta tɔ́n ɖɔ émí ná xwedó Mawu Mavɔmavɔ, émí ná bló nǔ e é zɔ́n lɛ́ɛ bǐ, émí ná nyi su tɔn lɛ́ɛ bǐ, bó ná nyi sɛ́n tɔn lɛ́ɛ bǐ kpódó ayi émítɔn bǐ kpó, kpódó lǐndɔ̌n émítɔn bǐ kpó, bó ná dó sixú bló nǔ e ɖo akɔjijɛ ɔ́ mɛ bɔ è wlǎn dó wěma ɔ́ mɛ é bǐ ɖ'é jí. Togun ɔ́ bǐ yí gbe nú nǔ e axɔ́sú ɔ́ ɖɔ ɔ́, bó jɛ akɔ xá Mawu.

Ɛsidlási 10:3

Mǐ ná dó akpá nú Mawu ɖɔ mǐ ná nya nyɔ̌nu to ɖěvo mɛ nu e mǐ da lɛ́ɛ kpódó vǐ yětɔn lɛ́ɛ kpó. Mǐ ná bló mɔ̌ bó ná xwedó nǔ e hwi Ɛsidlási kpó mɛ e nɔ xwedó nǔ e Mawu mǐtɔn zɔ́n lɛ́ɛ kpó kplɔ́n mǐ lɛ́ɛ é. Mi nú mǐ nǎ xwedó Mawusɛ́n ɔ́ dó wa nǔ.

Ɛsidlási 2:63

Tokpɔngán ɔ́ ɖésú gbɛ́ nú yě ɖɔ yě ní má ɖu nǔ mímɛ́ titewungbe e è xwlé Mawu lɛ́ɛ ɖě káká jɛ hwenu e vɔ̌sánú-xwlémawutɔ́ ɖé ná sɔ́ Wulímu kpó Tumímu kpó dó kan nǔ byɔ́ Mawu dó xó yětɔn wú bó ná ɖe gbeta ɖé tɔ́n dó é ó.

Nɛɛmíi 1:1

Nɛɛmíi Hakaliya ví ɔ́ sín xó wɛ ɖo wěma élɔ́ mɛ. Hwenu e Dadá Aatazɛɛzɛsi ɖo xwe we bló wɛ ɖo zinkpo jí, ɖo Kisiléwu sín sun ɔ́ mɛ ɔ́, nyɛ Nɛɛmíi ɖo Súzi toxo ɖaxó Babilɔ́nu tɔn e è mɛ ahohó lɛ́ lɛ̌ dó é mɛ.

Nɛɛmíi 10:2

Mɛ e tɛ alɔ wěma ɔ́ mɛ lɛ́ɛ sín nyǐkɔ ɖíe: Tokpɔngán Nɛɛmíi Hakaliya ví ɔ́, Sidikíya,

Nɛɛmíi 10:30

Mǐ ɖó gbe kpɔ́, mǐ kpódó toví mǐtɔn nukúnɖéjí énɛ́ lɛ́ɛ bǐ kpó, bó xwlé nǔ ɖɔ mǐ ná nyi sɛ́n Mawu mǐtɔn tɔn. Sɛ́n tɔn e é ná mǐ gbɔn mɛsɛntɔ́ tɔn Mɔyízi jí é. Mǐ ná bló nǔ e é zɔ́n mǐ lɛ́ɛ bǐ tɛ́nwínlɛnwín; mǐ ná jó nǔ e Mawu Mavɔmavɔ, Mawu mǐtɔn ɖɔ mǐ ní bló lɛ́ɛ ɖěbǔ dó ǎ.

Nɛɛmíi 7:65

Tokpɔngán ɔ́ ɖésú gbɛ́ nú yě ɖɔ yě ní má ɖu vɔ̌sánú mímɛ́ bǐ ɔ́ ó. Yě ní nɔ mɔ̌ káká jɛ hwe e nu vɔ̌sánú-xwlémawutɔ́ ɖokpó ná sɔ́ Wulímu kpó Tumímu kpó bó ná tunwun lě e yě ná wa nǔ gbɔn é.

Nɛɛmíi 7:70

Nǔ e hɛ̌nnugán lɛ́ɛ ná ɔ́ yi sikágan adɔ̌kpo ɖokpó (20.000) kpó kpatágan kilóo afɔwó-afɔɖé (2.200) kpó.

Nɛɛmíi 8:9

Ée kplékplémɛ ɔ́ se nǔ e xa wɛ è ɖe nɛ́ ɔ́, yě bǐ bɛ́ avǐ. Énɛ́ ɔ́ wú wɛ tokpɔngán Nɛɛmíi kpó Ɛsidlási sɛ́nkplɔ́nmɛtɔ́ ɔ́ kpó, kpódó Levíi ví e ɖo nǔ e è xa ɔ́ tínmɛ wɛ lɛ́ɛ kpó ɖɔ nú yě ɖɔ: “Azǎn égbé tɔn ɔ́, Mawu Mavɔmavɔ, Mawu mǐtɔn wɛ è sɔ́ ɖó te ná. Mi ma nɔ aluwɛ mɛ ó, mi ma y'avǐ ó.”

Tíntɔ́n 24:4

Mɔyízi wlán nǔ e Mawu Mavɔmavɔ ɖɔ n'i lɛ́ɛ bǐ. Ayǐhɔ́ngbe tɔn ɔ́, é fɔ́n zǎn, bó bló vɔ̌sákpe ɖokpó ɖó só ɔ́ kpá, bó fɔ awǐnnya wěwe tun te nyi fínɛ́. Awǐnnya lɛ́ɛ ɖokpó ɖokpó nyi Izlayɛ́li sín akɔta wěwe lɛ́ɛ ɖokpó ɖokpó tɔn.