Nɛɛmíi 1:9 - MAWUXÓWÉMA

⁹ Amɔ̌, nú mi ka wá mɔ ɖɔ émí wa nǔ nyi do, bo lɛ́ kɔ wá gɔ̌n ce, bó wlíbo nú sɛ́n ce lɛ́ɛ, bó jɛ nyinyi jí, bónú ahwan na bo wlí mi yi káká fí e gbɛ ɔ́ kponu ɖó ɔ́, un ná wá ba mi cyán, bó ná kplá mi wá fí e un sɔ́ bó nɔ ɖe susu ce xlɛ́ ɖe é.

Nɛɛmíi 1:9 Iomraidhean Croise

1 Axɔ́sú 8:48

nú yě lɛ́ kɔ wá gɔ̌n towe kpódó ayixa yětɔn bǐ kpó, kpódó lǐndɔ̌n yětɔn kpó ɔ́, nú yě nɔ to e mɛ kɛntɔ́ wlí kannumɔ yětɔn hɛn yi ɔ́ mɛ, lobo kpan nukɔn to e a nǎ tɔ́gbó yětɔn lɛ́ɛ ɔ́ mɛ, toxo e a sɔ́ é, xwé e un sá nú we égbé, bó xo ɖɛ sɛ́ dó we hǔn,

1 Axɔ́sú 9:3

bó ɖɔ n'i ɖɔ: “Un yí ɖɛ towe, un se vo e a sa sɛ́ dó mì ɔ́. Un yí xwé élɔ́ e a sá nú mì, bɔ é ná nyí ce káká sɔ́yi bɔ un ná nɔ́ ɖe nyɛɖée xlɛ́ mi ɖo fínɛ́, bɔ nukún ce kpódó ayixa ce kpó ná ɖo jǐ tɔn hwebǐnu.

1 Tan 16:35

Mi ɖɔ: “Mawu Mɛhwlɛ́ngántɔ́ mǐtɔn, hwlɛ̌n mǐ gǎn. Sɛ mǐ kplé, ɖe mǐ sín akɔta lɛ́ɛ mɛ, bónú mǐ ná sɔ́ nyǐkɔ mímɛ́ towe su, bónú susu kpa nú we ná nɔ́ hun xomɛ nú mǐ.”

Ɛsidlási 6:12

Mawu e ɖo kpɔ́ xá Jeluzalɛ́mu ɔ́ ɖésú ní dɔn tó nú axɔ́sú, abǐ akɔta e ná gbɛ́ xó e un ɖɔ lɛ́ɛ xwedó, bó ná tɛ́nkpɔ́n ɖɔ émí ná gba xwé tɔn é. Nyɛ Daliwúsi wɛ ɖɔ mɔ̌; è nǐ kpé nukún d'é wú titewungbe bó bló.”

Ɖɛhan 106:47

Mawu Mavɔmavɔ, Mawu mǐtɔn, hwlɛ̌n mǐ, ɖe mǐ sín akɔta lɛ́ɛ mɛ, bó xo mǐ kplé, bónú mǐ ná sɔ́ nyǐkɔ mímɛ́ towe su, bónú susu kpa nú we ná nɔ́ hun xomɛ nú mǐ.

Ɖɛhan 107:3

yě wɛ é kplé sín to lɛ́ɛ mɛ, to lɛ́ɛ mɛ, sín Zǎnzǎnhwe jí, sín Gbadahwe jí, sín Totaligbé, sín Tofɔligbé.

Ɖɛhan 147:2

Mawu Mavɔmavɔ vɔ́ Jeluzalɛ́mu toxo ɔ́ bló ɖó. É kplá Izlayɛ́li ví e ɖo gbějí lɛ́ɛ bǐ wá xwé.

Ezayíi 11:12

É ná zé asyá ɖokpó dó jǐ, bó ná xlɛ́ akɔta énɛ́ lɛ́ɛ ɖɔ émí ná kplé Izlayɛ́li ví e ahwan wlí yi toɖěvo mɛ lɛ́ɛ, kpó Judáanu e gba kpé wɛ̌kɛ́zo ɛnɛ lɛ́ɛ mɛ lɛ́ɛ kpó.

Ezayíi 27:12

Azǎn énɛ́ gbe ɔ́, Mawu Mavɔmavɔ ná ya mi jinukún ɖɔhun sín Efláti tɔ ɔ́ kɔn káká wá Ejípu tɔ ɔ́ kɔn bó só. É ná cyán mi mɛ Izlayɛ́li ví lɛ́ɛ ɖokpó ɖokpó nǔkún ɖɔhun.

Ezayíi 56:8

Aklúnɔ Mavɔmavɔ e kplé Izlayɛ́li ví e gbadó gbɔn to ɖěvo mɛ to ɖěvo mɛ lɛ́ɛ ɔ́ ɖɔ: “Un ko kplé mɛ ɖé lɛ́ɛ gɔ́ nú yě, un ka ná lɛ́ kplé mɛ ɖěvo lɛ́ɛ gɔ́ nú yě.”

Jelemíi 12:15

Un ɖe togun énɛ́ lɛ́ɛ tɔ́n sín to yětɔn mɛ gúdo ɔ́, un ná lɛ́ wá kú nǔ blá wǔ nú yě, bó ná kplá mɛ ɖokpó ɖokpó wá ayǐkúngban tɔn jí, ɖo to tɔn mɛ.

Jelemíi 3:14

Mawu Mavɔmavɔ ɖɔ: “Vǐ gbejímánɔtɔ́ e mi, mi lɛ́ kɔ wá gɔ̌n ce! Đó nyi wɛ ɖó mi. Un ná cyán mi kplé, un ná kplá mɛ ɖokpó abǐ mɛ we sín toxo mitɔn lɛ́ɛ ɖokpó ɖokpó mɛ, bó ná lɛ́ kplá sín hɛ̌nnu mitɔn lɛ́ɛ ɖokpó ɖokpó mɛ, lobo na kplá mi wa Sinyɔ́ɔ.

Jelemíi 31:10

Akɔta akɔta lɛ́ɛ e mi! Mi ɖótó xó e Mawu Mavɔmavɔ ɖɔ é, bó jlá nú tɔtɛ́ntinto e gbɔn zɔ lɛ́ɛ bǐ, bó ɖɔ: “Mawu Mavɔmavɔ gba Izlayɛ́li ví lɛ́ɛ dó; amɔ̌, din ɔ́, é ná kplé yě, bó ná tɔ́jú yě lě e lɛ̌ngbɔ́nyitɔ́ nɔ́ kpé nukún dó lɛ̌ngbɔ́ tɔn lɛ́ɛ wú é.”

Jelemíi 32:37

Đ'ayǐ ɔ́, un sin xomɛ dó toxo élɔ́ ɖésú; énɛ́ wú wɛ un ɖo xomɛsin jí bó gba yě dó gbɔn tomɛ tomɛ. Amɔ̌, din ɔ́, un ná xo yě kplé, un ná kplá yě wá fí, bɔ yě ná vo.

Jelemíi 6:22

Mawu Mavɔmavɔ ɖɔ: “Éɖíe, togun ɖokpó gosín to e ɖo taligbé ɔ́ mɛ jǎwe. Akɔta ɖaxó ɖokpó sí te sín fí e gbɛ ɔ́ kponu ɖó é, bó jǎwe.

Ezekiyɛ́li 14:6

Énɛ́ wú wɛ a nǎ ɖɔ nú Izlayɛ́li ví lɛ́ɛ ɖɔ: ‘Aklúnɔ Mavɔmavɔ ɖo byɔ̌byɔ́ mi wɛ ɖɔ mi ní húzú jijɔ, bó jó vodún mitɔn lɛ́ɛ dó, bó lɛ́ kɔ sín walɔ baɖabaɖa mitɔn lɛ́ɛ bǐ gúdo.’

Ezekiyɛ́li 36:24

“Un ná ɖe mi sín akɔta ɖě lɛ́ɛ mɛ, un ná ɖe mi sín to ɖěvo ɖěvo e mɛ mi gba kpé gbɔn lɛ́ɛ mɛ, bó ná kplá mi wá to mitɔn mɛ.

Levíi ví 26:3

“Ényí mi nɔ nyi sɛ́n ce lɛ́ɛ ɔ́, ényí mi nɔ kpé nukún dó nǔ e un zɔ́n mi lɛ́ɛ wú bó nɔ bló ɔ́,

Zakalíi 8:7

Akpá wɛ nyí bɔ un dó nú mi. Un ná hwlɛ́n togun ce e ɖo kannumɔgbénu, ɖo zǎnzǎnhwe jí kpódó gbadahwe jí kpó lɛ́ɛ gán.

Matíe 24:31

bɔ un ná sɛ́ wɛnsagun ce lɛ́ɛ dó, bónú ahwankpɛn ɖaxó ɔ́ ɖɔ nǔ ɔ́, yě ná kplé mɛ e Mawu cyán lɛ́ɛ sín wɛ̌kɛ́zo ɛnɛ lɛ́ɛ bǐ mɛ, sín fí e jǐnukúnsin ɔ́ ko bɛ́ sín ɔ́, káká yi jɛ fí e é kponu dó ɔ́.

Sɛ́nflínmɛ 12:21

É ká nyí fí e mi ɖe ɔ́ lín dó fí e Mawu Mavɔmavɔ, Mawu mitɔn ná sɔ́, bó ná ɖe susu tɔn xlɛ́ ɖe ɔ́, mi sixú kpɔ́n nyibú mitɔn lɛ́ɛ, abǐ gbɔ̌ mitɔn lɛ́ɛ e Mawu Mavɔmavɔ ná mi é mɛ, bó hu kanlin ɖokpó, lobo ɖu lan tɔn lě e é jló mi gbɔn é. Mi ká bló lě e un ɖɔ gbɔn nú mi é.

Sɛ́nflínmɛ 12:5

Lo ɔ́, fí e é ná sɔ́ ɖo akɔ mitɔn lɛ́ɛ sín ayǐkúngban jí, bó ná nɔ́ nɔ, bó ná nɔ́ ɖe susu tɔn xlɛ́ ɖe é kɛ́ɖɛ́ wɛ mi ná nɔ́ yi sɛn ɛ ɖe.

Sɛ́nflínmɛ 30:1

Nǔ e un ɖɔ lɛ́ɛ bǐ ná jɛ: ɖɛ e un xo dó mi jí ɔ́ ná cɛ́; nu e un dó mi é ná ɖi. Hwenu e Mawu Mavɔmavɔ, Mawu mitɔn ná gba mi dó kpé gbɔn togun lɛ́ɛ bǐ mɛ ɔ́, mi ná lin tamɛ dó nǔ énɛ́ lɛ́ɛ wú,