Nɛɛmíi 1:8 - MAWUXÓWÉMA

⁸ Nǔ ɖo mɔ̌ có, flín xó e a ɖɔ nú mǐ gbɔn Mɔyízi jí é. A ɖɔ nú mǐ ma nɔ gbejí ǎ ɔ́, émí ná gba mǐ dó gbɔn akɔta ɖěvo lɛ́ɛ mɛ.

Nɛɛmíi 1:8 Iomraidhean Croise

Ɖɛhan 119:49

Flín xó e a ɖɔ nú nyɛ mɛsɛntɔ́ towe é, xó e a ɖɔ nú mì bɔ un ɖo te kpɔ́n é.

Ezekiyɛ́li 22:15

Un ná gba mi dó kpé akɔta ɖě lɛ́ɛ mɛ, bɔ mi ná gbɔn to lɛ́ɛ bǐ mɛ. Un ná ɖó nǔ kwíji kwíji e wa wɛ mi ɖe lɛ́ɛ bǐ te.

Ezekiyɛ́li 5:10

Énɛ́ ɔ́ wútu ɔ́, tɔ́ ná wlí vǐ ɖu, bɔ vǐ ná wlí tɔ́ ɖu. Un ná ɖó hwɛ nú mi, bó ná nya mɛ e ná kpo ɖo gbɛ ɖo mi mɛ lɛ́ɛ dó gbě, bɔ yě ná gba kpé wɛ̌kɛ́zo ɛnɛ lɛ́ɛ mɛ.

Ezekiyɛ́li 6:8

Amɔ̌, un ná bló bɔ mi mɛɖé lɛ́ɛ ná gán ɖo ahwan ɔ́ mɛ, bɔ yě mɛ énɛ́ lɛ́ɛ e má cí ahwan ǎ lɛ́ɛ ná gba kpé to ɖěvo ɖěvo lɛ́ɛ mɛ.

Luki 1:72

É ná ɖe nǔbláwǔkúnúmɛ tɔn xlɛ́ tɔ́gbó mǐtɔn lɛ́ɛ, bó ná flín akɔjijɛ tɔn ma ɖó blɔ̌ ɖo wǔ ɔ́.

Sɛ́nflínmɛ 28:64

Mawu Mavɔmavɔ ná gba mi dó gbɔn akɔta e gbɔn gbɛ ɔ́ mɛ é bǐ mɛ, káká yi fí e gbɛ ɔ́ kponu ɖó é, bɔ mi ná sɛn nǔ ɖěvo lɛ́ɛ; nǔmɛsɛn énɛ́ lɛ́ɛ ɔ́, tɔ́gbó mitɔn lɛ́ɛ tunwun ɖě ǎ, mi lɔ ka tunwun ǎ. Nǔmɛsɛn énɛ́ lɛ́ɛ ɔ́, atín kpó awǐnnya kpó yǎyá wɛ è dǒ bló yě.