Nɛɛmíi 1:7 - MAWUXÓWÉMA

⁷ Sɛ́n towe lɛ́ɛ kpó nǔ e sɛ́n ɔ́ zɔ́n lɛ́ɛ kpó, kpódó lě e è na wa nǔ gbɔn, bɔ a ɖɔ nú mǐ gbɔn mɛsɛntɔ́ towe Mɔyízi jí lɛ́ɛ kpó ɔ́, mǐ gba bǐ bó dó jɛ agɔ dó we.

Nɛɛmíi 1:7 Iomraidhean Croise

1 Axɔ́sú 2:3

Nɔ gbejí nú Mawu Mavɔmavɔ, Mawu towe: nɔ wa jlǒ tɔn hwebǐnu, nɔ nyi sɛ́n tɔn lɛ́ɛ, nɔ wa nǔ e é zɔ́n lɛ́ɛ, nɔ xwedó gbetakɛ́n tɔn lɛ́ɛ kpó kplɔ́n tɔn lɛ́ɛ kpó lě e è wlǎn dó Mɔyízi sɛ́n ɔ́ mɛ gbɔn é. A nɔ wa nǔ mɔ̌ ɔ́, a nǎ mɔ nu nú nǔ e a nǎ wa lɛ́ɛ bǐ.

2 Tan 25:4

Amɔ̌, é ɖó alɔ vǐ yětɔn lɛ́ɛ ɖěbǔ wú ǎ. É bló lě e é ɖe gbɔn ɖo Mɔyízi sín sɛ́nwéma mɛ ɔ́, ɖó Mawu Mavɔmavɔ ɖɔ dó wěma ɔ́ mɛ ɖɔ: “È nǎ hu tɔ́ ɖó vǐ tɔn nu ǎ. È nǎ hu vǐ ɖó tɔ́ tɔn nu ǎ. Mɛ e wa nǔ nyi do ɔ́ wɛ è ɖǒ nǎ hu, ɖó nǔ e é wa ɔ́ nu.”

2 Tan 27:2

Yotámu nɔ wa nǔ e nyɔ́ Mawu Mavɔmavɔ nukún mɛ é. Lě e tɔ́ tɔn Oziyási wa nǔ gbɔn ɔ́ wɛ é bló gbɔn pɛ́pɛ́pɛ́. Amɔ̌, é byɔ́ Mawu Mavɔmavɔ xwé gbe ǎ. Nǔ ka ɖo mɔ̌ có, togun ɔ́ lɛ́ kpo ɖo nǔ gblégblé wa wɛ.

Ɛsidlási 7:6

Ɛsidlási ɔ́, sɛ́nkplɔ́nmɛtɔ́ ɖaxó ɖokpó wɛ é nyí, bó tunwun sɛ́n e Mawu Mavɔmavɔ, Mawu Izlayɛ́li tɔn dó gbɔn Mɔyízi jí ɔ́ titewungbe. Mawu Mavɔmavɔ, Mawu tɔn ɔ́ ná ɛ susu sɔ mɔ̌, bɔ Dadá ɔ́ nɔ ná ɛ nǔ e é nɔ́ byɔ́ ɛ lɛ́ɛ bǐ.

Ɖɛhan 106:6

Mǐ hu hwɛ tɔ́gbó mǐtɔn lɛ́ɛ ɖɔhun, mǐ jɛ agɔ, mǐ wa nǔ nyi do.

Ɖɛhan 89:31

Ényí vǐ tɔn lɛ́ɛ jó sɛ́n ce dó, bó ma nɔ́ wa nǔ e un zɔ́n lɛ́ɛ ǎ ɔ́,

Ɖɛhan 89:32

ényí yě ma nɔ́ xwedó gbetakɛ́n ce lɛ́ɛ ǎ, bó nɔ gba tito ce lɛ́ɛ ɔ́,

Ezayíi 1:4

Heelú we akɔta hwɛhutɔ́, togun hwɛgban ɖo tanánɔ, mɛdídá kúnkan; vǐ gblégblé wɛ mi nyí, mi jó Mawu Mavɔmavɔ dó. Mi gbɛ́ wǎn nú Mɛ Mímɛ́ Izlayɛ́li tɔn ɔ́, mi dó gǔdo e.

Daniyɛ́li 9:11

Izlayɛ́li togun ɔ́ bǐ wɛ gba sɛ́n towe, bó ɖó kɔ zɔ, ɖó yě ba ná se nǔ e a nɔ kplɔ́n mɛ lɛ́ɛ ǎ; énɛ́ ɔ́, nyladó e xó è ɖɔ ɖo mɛsɛntɔ́ towe Mɔyízi sín sɛ́nwéma ɔ́ mɛ ɔ́ wá jɛ dó mǐ jí, ɖó tónúmase mǐtɔn lɛ́ɛ wú.

Daniyɛ́li 9:13

Mawu Mavɔmavɔ, Mawu mǐtɔn, nyladó énɛ́ lɛ́ɛ bǐ jɛ dó mǐ jí lě e è wlǎn dó Mɔyízisɛ́n ɔ́ mɛ gbɔn é, bɔ mǐ ka sa vo nú we, bó fá xomɛ nú we ǎ, mǐ ka lɛ́ kɔ sín hwɛ mǐtɔn lɛ́ɛ gúdo ǎ, mǐ ké ya nú gbeta e a ɖe tɔ́n é ǎ.

Ozée 9:9

Yě kpo nú nǔ kwíji kwíji wiwa kɛ́ɖɛ́ lě e yě bló gbɔn ɖo Giveya ɖ'ayǐ xóxó ɔ́ ɖɔhun. Mawu Mavɔmavɔ ná flín nǔ e yě wa nyi do ɔ́. É ná dɔn hwɛ e yě hu ɔ́ sín tó nú yě.

Levíi ví 27:34

Sɛ́n e Mawu Mavɔmavɔ dó nú Izlayɛ́li ví lɛ́ɛ gbɔn Mɔyízi jí, ɖo Sinayíi só jí lɛ́ɛ nɛ́.

Sofoníi 3:7

Un ɖɔ dó ayi mɛ ɖɔ: ‘Jeluzalɛ́mu, é nyí a ɖǒ sísí nú mì ɔ́, é nyí a sɔ́ kplɔ́n e un ná we lɛ́ɛ ylɔ́ nǔ ɔ́, un ná gba nɔtɛn towe hánnyá ǎ. Un ná kplɔ́n we gbɔn alɔ bǐ mɛ có, nǔ baɖabaɖa wiwa jɛ́n a nɔ hwlɛ́n dó.’ ”

Sɛ́nflínmɛ 4:1

Mɔyízi ɖɔ: “Din ɔ́, Izlayɛ́li ví lɛ́ɛ e mi, mi xwedó sɛ́n e un kplɔ́n mi lɛ́ɛ kpó nǔ e Mawu zɔ̌n mi lɛ́ɛ kpó. Mi zé yě dó wa azɔ̌ ná. Mi bló mɔ̌ ɔ́, mi ná nɔ gbɛ, bó ná yí to e ná mi wɛ Mawu Mavɔmavɔ, Mawu tɔ́gbó mitɔn lɛ́ɛ tɔn ɖe é.

Sɛ́nflínmɛ 4:5

“Éɖíe, un kplɔ́n sɛ́n lɛ́ɛ kpó nǔ e Mawu zɔ́n lɛ́ɛ kpó mi lě e Mawu Mavɔmavɔ, Mawu ce ɖɔ nyɛ ní bló gbɔn é, bónú mi ná zé yě dó wa azɔ̌ ná, ɖo to e ná yí wɛ mi ɖe é mɛ.

Sɛ́nflínmɛ 5:1

Mɔyízi kplé Izlayɛ́li ví lɛ́ɛ bǐ, bó ɖɔ nú yě ɖɔ: “Izlayɛ́li ví lɛ́ɛ e mi, mi ɖótó sɛ́n kpó nǔ e Mawu zɔ́n, bɔ è ja xixa nú mi gbé égbé din lɛ́ɛ kpó. Mi kpé nukún dó yě wú, bó kplɔ́n, bó zé yě dó wa azɔ̌ ná.

Sɛ́nflínmɛ 6:1

Mɔyízi ɖɔ: “Mawu Mavɔmavɔ, Mawu mitɔn ɖɔ nyɛ ní kplɔ́n gbetakɛ́n tɔn lɛ́ɛ, sɛ́n tɔn lɛ́ɛ kpó nǔ e é zɔ́n lɛ́ɛ kpó mi. Yě wɛ mi ná zé dó wa azɔ̌ ná ɖo to e ná yí wɛ mi ɖe ɔ́ mɛ.

Nǔɖexlɛ́mɛ 19:2

Hwɛɖiɖɔ tɔn lɛ́ɛ nyí nǔgbó, bó sɔgbe! Đó é ɖó hwɛ nú agalɛtɔ́ ɖaxó e sɔ́ aga tɔn dó ɖo ayǐkúngban ɔ́ hɛn gblé wɛ é. Mawu sɔ́ ɛ dó ba hlɔn, ɖó é hu mɛsɛntɔ́ tɔn lɛ́ɛ.”