Nɛɛmíi 1:5 - MAWUXÓWÉMA

⁵ “Áo Mawu Mavɔmavɔ, hwi mɛ e ɖo sɛ́xwé é. A kló bó nyí nǔsísí. A nɔ hɛn akɔ e a nɔ jɛ xá mɛ e nɔ nyi sɛ́n towe lɛ́ɛ é. A nɔ́ nɔ gbejí nú mɛ e yí wǎn nú we lɛ́ɛ.

Nɛɛmíi 1:5 Iomraidhean Croise

1 Axɔ́sú 8:23

“Mawu Mavɔmavɔ, Mawu Izlayɛ́li tɔn! Nǔmɛsɛn towe ɖɔhun ɖě sɔ́ tíin ǎ, ɖě sɔ́ ɖo jǐxwé aga ǎ, ɖě ká sɔ́ ɖo do ɖo ayǐkúngban jí fí ǎ. Mɛsɛntɔ́ towe e nɔ xwedó sɛ́n towe lɛ́ɛ kpódó ayixa yětɔn bǐ kpó lɛ́ɛ ɔ́, a nɔ́ nɔ gbejí nú akɔ e a jɛ xá yě ɔ́, bó nɔ ɖe xomɛnyínyɔ́ towe xlɛ́ yě.

1 Tan 17:21

Mɔ̌ ɖokpó ɔ́, togun ɖěbǔ ɖo ayǐkúngban jí, bó cí togun towe Izlayɛ́li ɖɔhun ǎ. É ɖokpónɔ wɛ a wǎ hwlɛ́n gán sín tagba e dó n'i wɛ Ejípunu lɛ́ɛ ɖe ɔ́ sí, bó sɔ́ ɛ dó bló togun towe. A blǒ nǔjíwǔ lɛ́ɛ, nǔdábaɖa lɛ́ɛ, bó dó nya akɔta lɛ́ɛ sín togun towe nukɔn, bó dó sɔ́ nyǐkɔ towe su.

Ɛsidlási 1:2

Xó e Dadá Pɛ́si tɔn Silúsi ɖɔ ɔ́ ɖíe: “Mawu Mavɔmavɔ, Mawu jǐnukúnsin tɔn ɔ́ sɔ́ axɔ́súɖuto e ɖo ayǐkúngban jí lɛ́ɛ bǐ ɖó acɛkpikpa ce mɛ; é zɔ́n mì ɖɔ nyɛ ní vɔ́ xwé ɖokpó gbá nú émí ɖó Jeluzalɛ́mu, ɖo Judáa.

Nɛɛmíi 2:4

Ée un ɖɔ mɔ̌ ɔ́, Dadá ɔ́ lɛ́ kanbyɔ́ mì ɖɔ: “Bɔ étɛ́ byɔ́ wɛ a ka ɖe?” Tlóló ɔ́, un to xomlá Mawu sɛ́xwé tɔn.

Nɛɛmíi 4:14

Ényí mi ɖo fí ɖěbǔ bó se kpɛn gbe hǔn, mi sɛ kplé dó wǔ ce, nú Mawu mǐtɔn ná fun ahwan xá kɛntɔ́ mǐtɔn lɛ́ɛ nú mǐ.”

Nɛɛmíi 4:8

Ée un ɖó mɛ fí tɛnmɛ tɛnmɛ énɛ́ lɛ́ɛ ɔ́, un wá ɖɔ nú tonukún lɛ́ɛ kpódó hwɛɖɔtɔ́ to ɔ́ mɛ tɔn lɛ́ɛ kpó, kpódó mɛ e ɖo fínɛ́ lɛ́ɛ bǐ kpó ɖɔ: “Mi ma ɖi xɛsi nú kɛntɔ́ mitɔn lɛ́ɛ ó; mi flín ɖɔ Aklúnɔ ɔ́, nǔɖaxó wɛ é nyí, bó nyí nǔsísí. Mi fun ahwan dó nɔví mitɔn lɛ́ɛ, vǐ mitɔn súnnu lɛ́ɛ, vǐ mitɔn nyɔ̌nu lɛ́ɛ, asi mitɔn lɛ́ɛ kpódó mɛ e ɖo xwé mitɔn gbe lɛ́ɛ kpó tamɛ.”

Nɛɛmíi 9:32

Hwɛ Mawu mǐtɔn, a kló bó d'agba. A ɖǒ hlɔ̌nhlɔ́n bó jí wǔ. Akɔ e a jɛ xá mǐ ɔ́, a hɛn ɖó alɔ jí. Kɛnklɛ́n bó kpɔ́n wǔvɛ́ e mɔ wɛ togun towe ɖe sín axɔ́sú Asilíi tɔn lɛ́ɛ hwenu káká wá jɛ din é; axɔ́sú mǐtɔn lɛ́ɛ, gǎn mǐtɔn lɛ́ɛ, vɔ̌sánú-xwlémawutɔ́ mǐtɔn lɛ́ɛ, gbeyíɖɔ mǐtɔn lɛ́ɛ, tɔ́gbó mǐtɔn lɛ́ɛ, kpó mɛ lɛ́ɛ kpó bǐ wɛ ɖo wǔvɛ́ mɔ wɛ.

Ɖɛhan 47:2

Togun lɛ́ɛ mi, mi bǐ mi xo kpɛ́ nú Mawu! Mi sú xó bó kpa Mawu kpó awǒbóbó kpó.

Ɖɛhan 76:8

Nǔgbó ɔ́, hwi Mawu ɔ́, a dǒ xɛsi; nú a sin xomɛ ɔ́, mɛ̌ ká sixú nɔ te ɖo nukɔn towe?

Ɖɛhan 89:2

Mawu Mavɔmavɔ, un ná nɔ́ ji xomɛnyínyɔ́ towe dó han mɛ tɛgbɛ; un ná nɔ́ jlá gbejíninɔ towe káká sɔ́yi.

Ɖɛhan 89:3

Un ná nɔ ɖɔ: “Xomɛnyínyɔ́ towe ɖo ayǐ káká sɔ́yi; gbejíninɔ towe dó ɖɔ do ɖo jǐxwé.”

Ɖɛhan 89:8

Mawu, nǔsísí ɖaxó ɖokpó wɛ a nyí ɖo wɛnsagun lɛ́ɛ tɛ́ntin, nǔdóxɛsi wɛ a nyǐ ɖo tɛ́ntin yětɔn.

Tíntɔ́n 20:6

Lo ɔ́, mɛ e yí wǎn nú mì bó nɔ nyi sɛ́n ce lɛ́ɛ ɔ́, un nɔ nyɔ́ xomɛ dó mɛ ɔ́ wú káká yi jijimɛ afatɔ́n.

Sɛ́nflínmɛ 7:12

“Ényí mi ɖó ayi sɛ́n énɛ́ lɛ́ɛ jí, bó wlíbo nú yě bó nyi ɔ́, Mawu Mavɔmavɔ, Mawu mitɔn ná nɔ gbejí nú akɔ e é zin alɔ dó akɔ́n bó jɛ xá tɔ́gbó mitɔn lɛ́ɛ é, bɔ é ná nyí ɖagbe nú mi.

Sɛ́nflínmɛ 7:21

Mi ma sísɔ́ ɖo akɔta énɛ́ lɛ́ɛ nukɔn ó: Mawu Mavɔmavɔ, Mawu mitɔn ɖo tɛ́ntin mitɔn; Mawu ɖaxó wɛ, lobo dó xɛsi.

Sɛ́nflínmɛ 7:9

“Mi ní tunwun ganjí ɖɔ Mawu Mavɔmavɔ, Mawu mitɔn wɛ nyí Mawu. Mawu gbejínɔtɔ́ énɛ́ ɔ́, yě mɛ e yí wǎn n'i bó nɔ́ nyi sɛ́n tɔn lɛ́ɛ ɔ́, é nɔ́ nɔ gbejí nú akɔ e é jɛ xá yě ɔ́, bó nɔ́ nyɔ́ xomɛ dó yě wú káká yi jijimɛ afatɔ́ngɔ́ ɔ́ (1.000) jí.