Nɛɛmíi 1:4 - MAWUXÓWÉMA

⁴ Ée un se xó énɛ́ lɛ́ɛ ɔ́, un jínjɔ́n ayǐ, bó ya avǐ. Un nɔ aluwɛ mɛ xɔ azǎn mɔ̌kpán. Un blá nu bó xo ɖɛ ɖo Mawu nukɔn bó ɖɔ:

Nɛɛmíi 1:4 Iomraidhean Croise

2 Samuwɛ́li 12:16

Davídi sa vo nú Mawu dó vǐ ɔ́ tamɛ, bó nɔ́ blá nu. É yi ayǐ mlɔ́ gbé tɛgbɛ ɔ́, é nɔ́ dɔ́ kɔ́ mɛ.

2 Axɔ́sú 22:19

A se xó e un ɖɔ dó Jeluzalɛ́mu toxo ɔ́ kpó Jeluzalɛ́munu lɛ́ɛ kpó wú é: nǔ e ná xá yě ɔ́ ná syɛ́n káká bɔ è nǎ nɔ́ zé nyǐkɔ yětɔn dó dó nu mɛ. Ée a se mɔ̌ ɔ́, a lɛ̌ kɔ sín nǔ e wa wɛ a ɖe lɛ́ɛ gúdo; a yǐ nǔ e a wa nyi do lɛ́ɛ gbe ɖo nukɔn ce; a vǔn awu dó kɔ nú hwiɖée bó ya avǐ. É nyɔ́! Nyi lɔ se xó e a ɖɔ é. Un ná bló nǔ e ba wɛ a ɖe é. Nyi wɛ ɖɔ mɔ̌ nú we.

2 Tan 6:13

Salomɔ́ɔ ká kó zé ganvɔ dó bló nǔ kpe ɖɔhun ɖé nyi kɔ́xo ɔ́ ta. Ga tɔn nyí mɛ̌tlu we adaɖé, bɔ gblǒ tɔn lɔ ɔ́ nyí mɛ̌tlu we adaɖé, bɔ jǐ yiyi tɔn nyí mɛ̌tlu ɖokpó adaɖé. É xá nǔ ɔ́ jí, bó jɛ kpoli kpan nukɔn Izlayɛ́li ví e kplé lɛ́ɛ bǐ, bó dlɛ́n alɔ tɔn lɛ́ɛ sɛ́ dó jǐnukúnsin, bó ɖɔ:

Ɛsidlási 1:2

Xó e Dadá Pɛ́si tɔn Silúsi ɖɔ ɔ́ ɖíe: “Mawu Mavɔmavɔ, Mawu jǐnukúnsin tɔn ɔ́ sɔ́ axɔ́súɖuto e ɖo ayǐkúngban jí lɛ́ɛ bǐ ɖó acɛkpikpa ce mɛ; é zɔ́n mì ɖɔ nyɛ ní vɔ́ xwé ɖokpó gbá nú émí ɖó Jeluzalɛ́mu, ɖo Judáa.

Ɛsidlási 10:1

Hwenu e Ɛsidlási ɖo kpoli jijɛ ɖo Mawu xwé ɔ́ nukɔn bó ɖo avǐ ya wɛ, bó ɖo ɖɛ xo wɛ, lobo ɖo kɛnklɛ́n dó nú Mawu wɛ ɖɔ é ní sɔ́ hwɛ kɛ togun ɔ́ wɛ ɔ́, Izlayɛ́li ví wɔ̌buwɔ́bú súnnu kpó nyɔ̌nu kpó, kpódó yɔkpɔ́vú kpó kplé lɛ́ lɛ̌ dó e, bó ɖo avǐ ya wɛ baɖabaɖa.

Ɛsidlási 9:3

Ée un se xó énɛ́ lɛ́ɛ ɔ́, un vún awu ce ɖaxó ɔ́ kpó awu ce do tɔn lɛ́ɛ kpó dó kɔ nú nyɛɖée. Un sun ɖa ce lɛ́ɛ kpódó atán ce lɛ́ɛ kpó, lobo jínjɔ́n ayǐ wǔɖéwúɖé.

Ɛsidlási 9:5

Ée vɔ̌sísá gbadanu tɔn ɔ́ sín gan xo ɔ́, wǔ yá mì. Awu ce ɖaxó ɔ́ kpódó awu ce do tɔn lɛ́ɛ kpó e un hɛn vún ɔ́ kpo ɖo kɔ nú mì, bɔ un jɛ kpo, lobo dlɛ́n alɔ ce lɛ́ɛ sɛ́ dó Mawu Mavɔmavɔ, Mawu ce,

Nɛɛmíi 2:20

Un ka ɖɔ sɛ́ dó yě ɖɔ: “Mawu e ɖo sɛ́xwé ɔ́ ɖésú wɛ ná ná ɖu ɖ'é jí mǐ ɖo azɔ̌ élɔ́ kɔn. Mǐ mɛsɛntɔ́ tɔn ná jɛ azɔ̌ jí, bó ná vɔ́ toxo ɔ́ blóɖó. Amɔ̌, midɛɛ lɛ́ɛ ɔ́, mi ɖó acɛ bo ná ɖó nǔ ɖěbǔ ɖo Jeluzalɛ́mu ǎ. Mi ka ɖó acɛ e ɖu gǎn ɖo to ɔ́ mɛ ɔ́ ɖě ǎ. Mɛ ɖé ní má flín mi ɖo to ɔ́ mɛ gbeɖé ó.”

Nɛɛmíi 2:4

Ée un ɖɔ mɔ̌ ɔ́, Dadá ɔ́ lɛ́ kanbyɔ́ mì ɖɔ: “Bɔ étɛ́ byɔ́ wɛ a ka ɖe?” Tlóló ɔ́, un to xomlá Mawu sɛ́xwé tɔn.

Ɖɛhan 102:15

Mɛsɛntɔ́ towe lɛ́ɛ yí wǎn nú awǐnnya Sinyɔ́ɔ tɔn lɛ́ɛ. Sinyɔ́ɔ ɔ́ bǐ wɛ gba hánnyá có yě nɔ́ kpo ɖo wǎn yí ná wɛ.

Ɖɛhan 136:26

Mi kpa susu nú Mawu e ɖo jǐxwé é; ɖó xomɛnyínyɔ́ tɔn ɖo te káká sɔ́yi.

Ɖɛhan 137:1

Mǐ jínjɔ́n Babilɔ́nu tɔ lɛ́ɛ tó; bó ɖo Sinyɔ́ɔ flín sɛ́ dó wɛ, bó ɖo avǐ ya wɛ.

Daniyɛ́li 10:2

“Hwenɛ́nu ɔ́, nyɛ Daniyɛ́li nɔ aluwɛ mɛ nú aklúnɔzángbla atɔn kpíkpé.

Daniyɛ́li 2:18

lobo ɖɔ nú yě ɖɔ yě ní byɔ́ nǔbláwǔkúnúmɛ Mawu tɔn sín sɛ́xwé, nú Mawu ní ɖe dlɔ̌ mamɔdoná énɛ́ ɔ́ xlɛ́ émí, bónú è ma wá hu émí kpó nǔnywɛ́tɔ́ Babilɔ́nu tɔn lɛ́ɛ kpó ó.

Daniyɛ́li 9:3

Un blá nu, bó zé ati kplá, bó lɛ afín, bó dó ɖe xlɛ́ ɖɔ un húzú jijɔ, bó kpan nukɔn Aklúnɔ Mawu bó xo ɖɛ, bó sa vo n'i.

Jonási 1:9

Jonási ka yí gbe nú yě ɖɔ: “Eblée wɛ nú mì. Un nɔ sɛn Mawu Mavɔmavɔ, Mawu sɛ́xwé tɔn e bló xu kpó ayǐkúngban kpó é.”

Sofoníi 3:18

È nǎ ɖɔ xwe ɖu wɛ é ɖe.” Mawu Mavɔmavɔ ɖɔ: “Un sɔ́ ná sɛ́ nǔ nyanya dó mi ǎ. Un ná ɖe wunkpɛn nú mi.

Hlɔ̌manu 12:15

Mi nɔ jɛ awǎ xá mɛ e ɖo awǎ jɛ wɛ lɛ́ɛ, bó nɔ́ ya avǐ xá mɛ e ɖo avǐ ya wɛ lɛ́ɛ.