Nɛɛmíi 1:3 - MAWUXÓWÉMA

³ Bɔ yě yí gbe nú mì ɖɔ: “Mɛ e lɛ́ kɔ sín kannumɔgbénu lɛ́ɛ wá cí Judáa sín tokpɔn ɔ́ mɛ; lo ɔ́, ya ɖaxó ɖé vun blá yě, bɔ ninɔmɛ yětɔn nyí winnyánú ɖé. Amɔ̌, ahohó e è mɛ lɛ́ lɛ̌ dó toxo ɔ́ mu ɖo akpá ɖé lɛ́ɛ xwé, bɔ è dǒ toxo ɔ́ sín hɔntogbó ɖé lɛ́ɛ zo.”

Nɛɛmíi 1:3 Iomraidhean Croise

1 Axɔ́sú 9:7

un ná ɖe Izlayɛ́li ví lɛ́ɛ sín to e un ná yě ɔ́ mɛ, un ná jó xwé élɔ́ e a sá nú mì bɔ un yí din ɔ́ dó, bɔ Izlayɛ́li to ɔ́ ná húzú to gbigba, bó ná húzú slǎmɛɖɔnú ɖo togun lɛ́ɛ bǐ mɛ.

2 Axɔ́sú 25:10

Babilɔ́nu sín gbɛ̌ta ɔ́ bǐ wɛ xwedó Nɛbuzaladáni, bó mu ahohó e è mɛ lɛ́ lɛ̌ dó Jeluzalɛ́mu lɛ́ɛ bǐ.

2 Tan 36:19

Babilɔ́nunu lɛ́ɛ dó Mawu xwé ɔ́ zo. Yě mu ahohó e ɖo Jeluzalɛ́mu lɛ́ɛ, bó dó hɔnmɛ lɛ́ɛ bǐ zo lobo hɛn nǔ xɔ akwɛ́ e ɖo toxo ɔ́ mɛ lɛ́ɛ bǐ gblé.

Ɛsidlási 2:1

Mɛ gěgé ɖo togun Izlayɛ́li tɔn e axɔ́sú Nabukodonɔzɔ́ɔ wlí hɛn yi kannumɔgbénu ɖo Babilɔ́nu lɛ́ɛ mɛ, bó lɛ́ kɔ wá Jeluzalɛ́mu kpódó Judáa kpó. Mɛ ɖokpó ɖokpó lɛ́ kɔ wá to é ɖésúnɔ tɔn mɛ.

Ɛsidlási 5:8

“Sɛ́mɛɖó! Mǐ ɖo ɖiɖɔ nú mɛ wɛ ɖɔ mǐ yi tokpɔn Judáa tɔn mɛ, xwé Mawu ɖaxó ɔ́ tɔn kɔn. Mǐ mɔ bɔ è zě awǐnnya kpikpa dó ɖo xwé ɔ́ sín dǒ lɛ́ɛ vɔ́ mɛ wɛ, bó ɖo atín bɛ́ dó dǒ ɔ́ mɛ wɛ. Yě ɖo nukún kpé dó azɔ̌ ɔ́ wú wɛ ɖésú bɔ é ɖo yiyi wɛ titewungbe.

Nɛɛmíi 11:3

Tokpɔngán lɛ́ɛ nɔ́ nɔ Jeluzalɛ́mu, bɔ Izlayɛ́li ví ɖě lɛ́ɛ, vɔ̌sánú-xwlémawutɔ́ lɛ́ɛ, Levíi ví lɛ́ɛ, mɛ kpaa e nɔ wa azɔ̌ ɖo Mawu xwé gbe lɛ́ɛ, kpódó mɛsɛntɔ́ Salomɔ́ɔ tɔn lɛ́ɛ sín vǐ lɛ́ɛ kpó ɔ́, yědɛɛ lɛ́ɛ ɖokpó ɖokpó nɔ́ nɔ fí e nyí étɔn é.

Nɛɛmíi 2:13

Un tɔ́n sín toxo ɔ́ mɛ zǎn xóxó mɛ, bó gbɔn hɔn e è nɔ ylɔ́ ɖɔ Tɔdomɛ Hɔntogbó é nu, bó ɖidó tɔjɔtɛn dlagɔ́ɔn tɔn kpó hɔn e nɔ ylɔ́ ɖɔ Zunkɔ́ Hɔntogbó ɔ́ kpó kɔn. Un kpɔ́n Jeluzalɛ́mu dó lɛ́ɛ ganjí, bó mɔ ɖɔ dǒ lɛ́ɛ mu ɖo akpá ɖé lɛ́ɛ xwé, bɔ hɔntogbó ɔ́ ji zo.

Nɛɛmíi 2:17

Lo ɔ́, un wá ɖɔ nú yě ɖɔ: mi mɔ ya e mɛ mi ɖe ɔ́, Jeluzalɛ́mu to ɔ́ gba bǐ, bɔ è dǒ hɔntogbó tɔn lɛ́ɛ zo. Mi wá mǐ ní yi vɔ́ Jeluzalɛ́mu dǒ lɛ́ɛ mɛ, bó ná dó ɖó winnyánú élɔ́ te.

Nɛɛmíi 2:3

Xɛsi ɖo jǐ ce mɔ̌ có un ɖɔ nú Dadá ɔ́ ɖɔ: “Sɛ́mɛɖó, è nǐ nɔ gbɛ káká nú xwe maxamaxa. Dadá, wǔ sixú gɔn kúkú mì ǎ, ɖó toxo e mɛ è ɖi tɔ́gbó tɔgbo ce lɛ́ɛ dó ɔ́ gba, bɔ è dǒ toxo ɔ́ sín hɔntogbó lɛ́ɛ zo.”

Nɛɛmíi 7:6

Mɛ e Dadá Babilɔ́nu tɔn Nabukodonɔzɔ́ɔ kplá yi kannumɔgbénu lɛ́ɛ ɔ́, yě mɛ e lɛ́ kɔ wá Jeluzalɛ́mu kpó yě mɛ e lɛ́ kɔ wá Judáa lɛ́ɛ kpó sukpɔ́ ɖésú. Mɛ ɖokpó ɖokpó lɛ́ kɔ wá yi to tɔn mɛ.

Ɛsitɛ́ɛ 1:1

Hwenu e Zɛ̌ɛzɛsi ɖo axɔ́sú ɖu wɛ ɔ́ wɛ xó e è ɖɔ dó fí ɔ́ jɛ. Tokpɔn kantɔn tɛ́nwe (127) nu wɛ é kpa acɛ dó, sín Ɛndu yi Etiopíi;

Ɖɛhan 79:4

A sɔ́ mǐ dó húzú zuntín nú mɛ e ɖo akpá mǐtɔn lɛ́ɛ; mǐ húzú slǎmɛ ɖɔ nú, mǐ húzú nǔkiko nú mɛ e lɛ́ lɛ̌ dó mǐ lɛ́ɛ.

Nǔnywɛ́xó 25:28

Mɛ e sin xomɛ ɔ́, é má nɔ́ sixú yi agbɔ̌n jí ǎ ɔ́, cí toxo e ahohó tɔn lɛ́ɛ mu, bɔ é ɖo nuvo ɔ́ ɖɔhun.

Ezayíi 43:28

Énɛ́ ɔ́, un kɔ́n gǎn gǎn e un sɔ́ lɛ́ɛ, un jó Jakɔ́bu togun ɔ́ bɔ è gba, un jó Izlayɛ́li dó bɔ é húzú slǎmɛɖɔnú nú kɛntɔ́ tɔn lɛ́ɛ.”

Ezayíi 5:5

Din ɔ́, un ná ɖɔ nǔ e un ná wa xá vǐwungle ce ɔ́ nú mi: un ná hɔn kpá e un dó lɛ́ lɛ̌ dó é, bɔ kanlin lɛ́ɛ ná ɖu. Un ná mu dǒ e un mɛ lɛ́ lɛ̌ dó é, bɔ aligbɔntɔ́ lɛ́ɛ ná gbídí i.

Jelemíi 24:9

Énɛ́ ɔ́, axɔ́súɖuto e ɖo gbɛ ɔ́ mɛ lɛ́ɛ ɖěbǔ mɔ yě ɔ́, xɛsi ɖaxó ɖé ná nɔ́ jɛ yě jí. Fí e un ná gba yě dó gbɔn lɛ́ɛ bǐ ɔ́, è ja mɛ zun gbé oo, è ja mɛ cá ko gbé oo, è ja han kpa dó mɛ gbé oo, è ja nu dó mɛ gbé oo ɔ́, yě wú wɛ è nǎ nɔ́ jlɛ́ dó.

Jelemíi 29:18

Un ná zé ahwan kpó adɔ kpó jɛmɛjí kpó dó jɛ gǒ mɛ nú yě. Un ná bló mɔ̌ xá yě, bɔ è ja nu dó mɛɖé gbé ɔ́, yě wú wɛ è nǎ nɔ́ jlɛ́ dó; axɔ́súɖuto e ɖo gbɛ ɔ́ mɛ lɛ́ɛ mɔ ɔ́, xɛsi ná jɛ yě jí; è mɔ yě ɔ́, è nǎ nɔ́ sɔ́ alɔ ɖó nu; yě ná húzú nǔkiko; yě ná húzú winnyá ɖo akɔta e mɛ un ná gba yě dó gbɔn lɛ́ɛ,

Jelemíi 39:8

Babilɔ́nunu lɛ́ɛ dó axɔ́sú ɔ́ sín xwé zo ɖo Jeluzalɛ́mu, bó dó xwé ɖě lɛ́ɛ zo; yě gba ahohó e è mɛ lɛ́ lɛ̌ dó Jeluzalɛ́mu lɛ́ɛ.

Jelemíi 42:18

Jelemíi lɛ́ vɔ́ ɖɔ: “Mawu Mavɔmavɔ Nǔbǐwúkpétɔ́, Mawu Izlayɛ́li tɔn ɖɔ: ‘Ényí mi yi Ejípu ɔ́, lě e un ɖe xomɛsin ce kpó adǎn ce kpó xlɛ́ Jeluzalɛ́munu lɛ́ɛ gbɔn ɔ́, wɛ un ná ɖe xlɛ́ mi lɔmɔ̌. Bɔ è ja nu dó mɛ ɖé gbé ɔ́, è ja nǔ baɖabaɖa ɖé sín xó ɖɔ gbé ɔ́, è ja hɛ̌nnú ɖé abǐ winnyánú ɖé sín xó ɖɔ gbé ɔ́, mi wú wɛ è nǎ nɔ́ jlɛ́ dó. Mi ka sɔ́ ná mɔ to élɔ́ ɖó nukún wú gbeɖé ǎ.’ ”

Jelemíi 5:10

Mi byɔ́ vǐwungbo yětɔn lɛ́ɛ mɛ, bó sú kún yětɔn dó. Amɔ̌, mi ma sú bǐ sín kún dó ó. Mi jlá ala lɛ́ɛ síin, ɖó ala lɛ́ɛ nyí nyɛ Mawu Mavɔmavɔ tɔn ǎ;

Jelemíi 52:14

Babilɔ́nu sín ahwangɔnu ɔ́ bǐ wɛ xwedó Nɛbuzaladáni, bó wá gba ahohó e è mɛ lɛ́ lɛ̌ dó Jeluzalɛ́mu lɛ́ɛ bǐ.

Gbɛvíhan 1:7

Jeluzalɛ́mu ɔ́, hwenu e adǎn ɖo gbigbo e wɛ ɔ́, é tunwun fí e é ná yi é ǎ. Énɛ́ ɔ́, é wá flín nǔ ɖagbe ɖagbe e é ɖó ɖ'ayǐ xóxó lɛ́ɛ bǐ. Hwenu e togun tɔn jɛ kɛntɔ́ lɛ́ɛ lɔmɛ ɔ́, mɛ ɖěbǔ wá gɔ́ alɔ n'i ǎ. Kɛntɔ́ tɔn lɛ́ɛ nɔ́ kpɔ́n ɛ bó nɔ́ ko e, ɖó é gba.

Gbɛvíhan 2:9

Toxo ɔ́ sín hɔnnúwa lɛ́ɛ hɔ́, aglin mu kɔn nyi yě jí; Mawu hɛn gankpo e è nɔ dó sú hɔntogbó lɛ́ɛ wɛ́n; é hɛn bǐ cɛ́; toxo ɔ́ sín axɔ́sú ɔ́ kpódó gǎn e ɖo glɔ̌ tɔn lɛ́ɛ kpó jɛ akɔta ɖěvo lɛ́ɛ lɔ mɛ. Mɛ ɖěbǔ sɔ́ ɖe bó ná kplɔ́n sɛ́n Mawu tɔn mɛ ǎ. Gbeyíɖɔ lɛ́ɛ lɔ sɔ́ nɔ́ yí wɛn ɖě sín Mawu Mavɔmavɔ gɔ́n ǎ.

Gbɛvíhan 3:61

Mawu Mavɔmavɔ, a se zun e zun mì wɛ yě ɖe lɛ́ɛ; a se gbě ce e blá wɛ yě ɖe lɛ́ɛ.

Gbɛvíhan 5:1

Mawu Mavɔmavɔ, ma wɔn nǔ e gbo mǐ ɔ́ ó, kpɔ́n winnyá e ɖu wɛ mǐ ɖe é!

Levíi ví 26:31

Un ná bló bɔ toxo mitɔn lɛ́ɛ ná jɛ vɔ̌. Un ná gba vodúnxɔ mitɔn lɛ́ɛ hánnyá, bó sɔ́ ná se vɔ̌ wǎnɖagbenɔ mitɔn lɛ́ɛ ɖě sín wǎn ǎ.

Levíi ví 26:33

Midɛɛ lɛ́ɛ ɔ́, un ná gba mi dó gbɔn akɔta lɛ́ɛ mɛ, bɔ ahwan ná ɖo mi nya kpé wɛ. È nǎ gba to mitɔn, bɔ toxo mitɔn lɛ́ɛ ná jɛ vɔ̌.