Nɛɛmíi 1:2 - MAWUXÓWÉMA

² Nɔví ce ɖokpó ká tíin bó nɔ́ nyí Hanáni; é kpó mɛɖé lɛ́ɛ kpó wɛ gosín tokpɔn Judáa tɔn mɛ wá hwenɛ́nu. Un kan nǔɖé lɛ́ɛ byɔ́ yě dó Jwifu e gán sín kannumɔgbénu bó wá lɛ́ɛ wú, bó kan nǔ byɔ́ yě dó Jeluzalɛ́mu toxo ɔ́ wú.

Nɛɛmíi 1:2 Iomraidhean Croise

Bǐbɛ́mɛ 14:10

Lo ɔ́, sin gɔ́ dotɔ e ɖo tɔdo Sidímu tɔn mɛ lɛ́ɛ bǐ mɛ, bɔ hwenu e axɔ́sú Sodɔ́mu tɔn ɔ́ kpó Gomɔ́ɔ tɔn ɔ́ kpó ɖo hinhɔn wɛ é ɔ́, yě mɛ ɖě lɛ́ɛ jɛ dotɔ mɛ, bɔ mɛ e kpo lɛ́ɛ hɔn ɖidó sókan mɛ.

2 Axɔ́sú 24:14

É kplá Jeluzalɛ́mu to ɔ́ bǐ, gǎn hɔn-yitɔ́ lɛ́ɛ, gbɛtɔ́ nukúnɖéjí lɛ́ɛ. Yě bǐ yi gbɛtɔ́ děgba we afɔwó (10.000). É lɛ́ kplá alɔlyɛ́nzɔ́watɔ́ lɛ́ɛ kpó fletuntɔ́ lɛ́ɛ kpó. Wamamɔnɔ lɛ́ɛ kɛ́ɖɛ́ jɛ́n kpo ɖo to ɔ́ mɛ.

2 Axɔ́sú 25:12

Amɔ̌, é jó wamamɔnɔ e ɖo to ɔ́ mɛ lɛ́ɛ ɖě dó, bɔ yědɛɛ lɛ́ɛ ná nɔ kpé nukún dó vǐwungbo lɛ́ɛ kpó gle lɛ́ɛ kpó wú.

Ɛsidlási 9:14

Ée nǔ nyí mɔ̌ ɔ́, nɛ̌ wɛ mǐ ka ná lɛ́ jɛ sɛ́n towe lɛ́ɛ gba jí, bó ná ɖó kɔnɖókpɔ́ xá akɔta énɛ́ lɛ́ɛ e nɔ ɖo nǔ nyanya lɛ́ɛ wa wɛ ɔ́ gbɔn? A na sin xomɛ dó mǐ, bó ná hu mǐ bǐ ma ɖe mɛɖé kpo ǎ cé?

Nɛɛmíi 7:2

Un sɔ́ to ɔ́ dó alɔ mɛ nú nɔví ce Hanáni kpódó Hananiya ahwangán ɔ́ kpó. Hananiya ahwangán ɔ́ wɛ kpa acɛ nú Jeluzalɛ́mu toxo ɔ́. Gbɛtɔ́ ɖeji d'é wú ɖé wɛ nyí nya énɛ́ ɔ́, bó ɖo gbejí nú Mawu hú mɛ gěgé.

Jelemíi 44:14

Mɛ ɖěbǔ ná sixú hɔn ɖo mi mɛ e wá cí Ejípu fí lɛ́ɛ mɛ ǎ, mi mɛ ɖěbǔ ná gló nǔ e ná jɛ ɔ́ ǎ. Judáa to e ɖó nukún wɛ mi ɖe ɖɔ émí ná lɛ́ kɔ wá mɛ gbe ɖokpó ɔ́ ná gló mi bǐ; mɛ ɖokpó ɖokpó ɖé lɛ́ɛ jɛ́n ná lɛ́ kɔ wá ɖo mi mɛ.’ ”

Ezekiyɛ́li 6:9

Énɛ́ ɔ́, yě mɛ e ná kpo ɖo gbɛ bɔ ahwan ná wlí yě yi lɛ́ɛ ná nɔ́ flín mì ɖo fí e ahwan ná wlí yě yi lɛ́ɛ; yě ná nɔ́ flín lě e un wa nǔ xá yě gbɔn é; nǔgbó ɔ́, mɛ ɖé lɛ́ɛ wɛ yě nyí bó ɖo gbejí nú mì ǎ; yě jǒ mì dó bó jɛ vodún sɛn jí; énɛ́ ɔ́, nǔ baɖabaɖa e yě ɖésú dó sin lɛ́ɛ ná vlɛ́ nu yětɔn.

Ezekiyɛ́li 7:16

Mɛ e kpo ɖo gbɛ ɖo yě mɛ lɛ́ɛ ná hɔn yi cí sókan mɛ, tɔdomɛ sín ahwannɛ́ lɛ́ɛ ɖɔhun; mɛ ɖokpó ɖokpó ná ɖo alě ná wɛ, ɖó nǔ e é wa nyi do ɔ́ wú.