Nɛɛmíi 1:10 - MAWUXÓWÉMA

¹⁰ Mawu Mavɔmavɔ, mɛsɛntɔ́ towe wɛ mǐ nyǐ, bó nyí togun towe. Mǐdɛɛ lɛ́ɛ wɛ a sɔ́ hlɔ̌nhlɔ́n towe dó hwlɛ́n gán, bó sɔ́ alɔ towe hlɔ̌nhlɔ́nnɔ ɔ́ dó hwlɛ́n gán.

Nɛɛmíi 1:10 Iomraidhean Croise

Ɖɛhan 136:12

É wɛ ɖe yě tɔ́n kpó hlɔ̌nhlɔ́n ɖaxó ɖé kpó; ɖó xomɛnyínyɔ́ tɔn ɖo te káká sɔ́yi.

Ɖɛhan 74:2

Flín togun towe, togun towe e a sɔ́ ɖ'ayǐ xóxó bɔ é nyí towe é; Flín akɔta e a hwlɛ̌n gán é; é wɛ nyí akɔta towe. Flín Sinyɔ́ɔ só ɔ́, Sinyɔ́ɔ fí e a sɔ́ nɔtɛn towe ɖó é.

Ɖɛhan 89:14

Hlɔ̌nhlɔ́n ɖo awa towe mɛ bó vɛ́ jlɛ́; alɔ towe syɛ́n, alɔ towe aɖisí ɔ́ ɖó hlɔ̌nhlɔ́n ɖésú.

Tíntɔ́n 13:14

Ényí vǐ mitɔn lɛ́ɛ kanbyɔ́ mi gbe ɖokpó ɖɔ étɛ́wú wɛ mi nɔ bló mɔ̌ a jí ɔ́, mi ná yí gbe nú yě ɖɔ: ‘Mawu Mavɔmavɔ wɛ ɖe mǐ tɔ́n sín Ejípu kpó hlɔ̌nhlɔ́n tɔn kpó, bɔ mǐ gosín mɛ kannu; mɛɖé nɔ́ nɔ te hlɔ̌nhlɔ́n tɔn nukɔn ǎ.

Tíntɔ́n 13:16

Vɔ̌sísá énɛ́ lɛ́ɛ ná nɔ́ nyí flǐn ɖé nú mi, bó ná nɔ lɛ́ nyí wuntun ɖé ɖo awa mitɔn abǐ nukɔn mitɔn. Yě ná nɔ́ flín mi ɖɔ Mawu Mavɔmavɔ wɛ ɖe mi tɔ́n sín Ejípu kpó hlɔ̌nhlɔ́n tɔn kpó; mɛɖé nɔ́ sixú nɔ te ɖo hlɔ̌nhlɔ́n tɔn nukɔn ǎ.”

Tíntɔ́n 13:3

Énɛ́ ɔ́ gúdo ɔ́, Mɔyízi ɖɔ nú togun ɔ́ ɖɔ: “Mi flín azǎn élɔ́ e gbe mi tɔ́n sín Ejípu bó gosín mɛ kannu é; ɖó Mawu Mavɔmavɔ wɛ ɖe mi tɔ́n sín Ejípu kpó hlɔ̌nhlɔ́n tɔn kpó; mɛɖé nɔ́ sixú nɔ te ɖo hlɔ̌nhlɔ́n tɔn nukɔn ǎ. Hǔn, mi ja nǔ e jɛ nɛ́ ɔ́ sín xwe ɖu gbé ɔ́, mi ɖó ná ɖu wɔ̌xúxú e mɛ è dǒ tɔ́n ɔ́ ǎ.

Tíntɔ́n 13:9

Xwe ɔ́ ná cí wuntun ɖé ɖɔhun nú mi ɖo awa mitɔn lɛ́ɛ wú, bó ná nyí flǐn ɖé sín wuntun nú mi ɖo nukɔn mitɔn, bónú mi ná jlá nǔ e Mawu Mavɔmavɔ kplɔ́n mi é. Đó Mawu Mavɔmavɔ wɛ ɖe mi tɔ́n sín Ejípu kpó hlɔ̌nhlɔ́n tɔn kpó; mɛɖé nɔ sixú nɔ te ɖo hlɔ̌nhlɔ́n tɔn nukɔn ǎ.

Tíntɔ́n 15:13

Đo xomɛnyínyɔ́ towe mɛ ɔ́, a kplá togun élɔ́ e a hwlɛ̌n gán é. Đo nǔwúkpíkpé towe mɛ ɔ́, a kplá togun élɔ́ yi tɛn mímɛ́ towe mɛ.

Tíntɔ́n 32:11

Mɔyízi ka sa vo nú Mawu Mavɔmavɔ, Mawu tɔn ɖɔ ní fá xomɛ; é ɖɔ n'i ɖɔ: “Mawu Mavɔmavɔ, aniwú wɛ a nǎ zé xomɛsin towe dó wa nǔ xá togun towe e a zǎn hlɔ̌nhlɔ́n towe, lobo zán nǔwúkpíkpé towe dó ɖe e tɔ́n sín Ejípu ɔ́?

Tíntɔ́n 6:1

Mawu Mavɔmavɔ ɖɔ nú Mɔyízi ɖɔ: “A nǎ mɔ nǔ e un ná wa xá axɔ́sú Ejípu tɔn ɔ́ din é. Un ná ɖe hlɔ̌nhlɔ́n ce xlɛ́ ɛ, bɔ é ná jó Izlayɛ́li ví lɛ́ɛ dó bɔ yě ná yi. Un ná wa nǔ xá ɛ, bɔ é ná nya yě tɔ́n sín to tɔn mɛ.”

Tíntɔ́n 6:6

Énɛ́ ɔ́ wú ɔ́, a nǎ ɖɔ nú Izlayɛ́li ví lɛ́ɛ ɖɔ nyɛ wɛ nyí Mawu Mavɔmavɔ; a nǎ ɖɔ nú yě ɖɔ un ná ɖe yě sín azɔ̌ syɛ́nsyɛ́n e Ejípunu lɛ́ɛ ɖó kɔ jí nú yě lɛ́ɛ mɛ. Mɛ kannu wɛ yě ɖe, un ka ná ɖe yě sín mɛ kannu. Un ná zán hlɔ̌nhlɔ́n ce dó dɔn tó nú Ejípunu lɛ́ɛ bɔ é ná syɛ́n ɖésú, bó dó ɖe yě tɔ́n. Mɛ ɖé nɔ́ nɔ te hlɔ̌nhlɔ́n ce nukɔn ǎ.

Tíntɔ́n 6:7

Un ná zé mi dó ɖó togun ce ná; un ná nyí Mawu mitɔn, bɔ mi ná tunwun ɖɔ nyɛ Mawu Mavɔmavɔ, Mawu mitɔn ɔ́ wɛ ɖe mi sín azɔ̌ syɛ́nsyɛ́n e Ejípunu lɛ́ɛ ɖó kɔ jí nú mi lɛ́ɛ mɛ.

Ezayíi 64:9

Mawu Mavɔmavɔ, toxo mímɛ́ towe lɛ́ɛ ɔ́, mɛ ɖé sɔ́ ɖo yě mɛ ǎ; gbɛtɔ́ ɖokpó sɔ́ ɖo Jeluzalɛ́mu ǎ, Sinyɔ́ɔ húzú to gbigba.

Sɛ́nflínmɛ 15:15

Mi flín ɖɔ kannumɔ wɛ émí lɔmɔ̌ ko nyí ɖo Ejípu, bɔ Mawu Mavɔmavɔ, Mawu mitɔn ɖe mi tɔ́n. Énɛ́ ɔ́ wú wɛ un ɖo sɛ́n énɛ́ xa nú mi wɛ égbé.

Sɛ́nflínmɛ 9:29

Mawu Mavɔmavɔ, togun towe wɛ yě nyí. Yě mɛ e wú a zǎn hlɔ̌nhlɔ́n towe kpó acɛ towe e nukɔn nǔɖé má nɔ́ nɔ te ɖe ǎ é dó, dó ɖe yě tɔ́n sín Ejípu ɔ́, towe wɛ yě nyí tɛgbɛ.’ ”