Nɛɛmíi 1:1 - MAWUXÓWÉMA

¹ Nɛɛmíi Hakaliya ví ɔ́ sín xó wɛ ɖo wěma élɔ́ mɛ. Hwenu e Dadá Aatazɛɛzɛsi ɖo xwe we bló wɛ ɖo zinkpo jí, ɖo Kisiléwu sín sun ɔ́ mɛ ɔ́, nyɛ Nɛɛmíi ɖo Súzi toxo ɖaxó Babilɔ́nu tɔn e è mɛ ahohó lɛ́ lɛ̌ dó é mɛ.

Nɛɛmíi 1:1 Iomraidhean Croise

Ɛsidlási 10:9

Súnnu e ɖo akɔta Judáa tɔn mɛ lɛ́ɛ bǐ kpó éé ɖo akɔta Bɛnjamɛ́ɛ tɔn mɛ lɛ́ɛ bǐ kpó wá Jeluzalɛ́mu ɖo azǎn atɔn mɛ ɖo sun tɛ́nnɛgɔ́ ɔ́ sín azǎn kogɔ́ ɔ́ gbe. Yě bǐ kplé ɖo fí e xwé Mawu tɔn ɔ́ ɖe é. Yě bǐ ɖo sísɔ́ sísɔ́ wɛ, ɖó xó énɛ́ ɔ́ wú; jǐ ká lɛ́ ɖo jija wɛ ɖésú.

Ɛsidlási 7:7

Hwenu e Dadá Aatazɛɛzɛsi ɖo xwe tɛ́nwe bló wɛ ɖo zinkpo jí ɔ́, Izlayɛ́li ví vɔ̌sánú-xwlémawutɔ́ lɛ́ɛ, Levíi ví lɛ́ɛ, hanjitɔ́ lɛ́ɛ, hɔnjínɔtɔ́ lɛ́ɛ kpódó mɛ e nɔ wa azɔ̌ ɖo Mawu xwé gbe lɛ́ɛ kpó lɛ́ kɔ wá Jeluzalɛ́mu.

Nɛɛmíi 10:1

“Nǔ e gbo mǐ lɛ́ɛ bǐ zɔ́n bɔ mǐ ɖe gbeta tɔ́n, bó zin alɔ dó akɔ́n ɖɔ mǐ ná nyi sɛ́n ɔ́. Gbeta énɛ́ ɔ́, mǐ wlán dó wěma mɛ, bó ɖó wuntun, bɔ gǎn mǐtɔn lɛ́ɛ, Levíi ví lɛ́ɛ, kpódó vɔ̌sánú-xwlémawutɔ́ mǐtɔn lɛ́ɛ kpó tɛ alɔ mɛ.

Nɛɛmíi 2:1

Hwenu e Dadá Aatazɛɛzɛsi ɖo xwe ko bló wɛ ɖo zinkpo jí ɔ́, ɖo Nisáan sín sun ɔ́ mɛ ɔ́, gbe ɖokpó tíin bɔ Dadá ɔ́ ɖo nǔ ɖu wɛ, bɔ un sɔ́ vɛ̌ɛn bo ba n'i. Hwe énɛ́ ɔ́ nu ɔ́, wǔ kú mì; wǔ ká kú mì mɔ̌ gbeɖé kpɔ́n ɖo Dadá ɔ́ nukɔn ǎ.

Nɛɛmíi 5:14

Ée è sɔ́ mì tokpɔngán Jwifu lɛ́ɛ tɔn ɖó tokpɔn Judáa tɔn nu ɔ́, xwe wěwe wɛ un bló ɖo gǎn jǐ; xwe e xwe Dadá Aatazɛɛzɛsi ɖo xwe ko bló wɛ ɖo zinkpo jí ɔ́ wɛ è sɔ́ mì tokpɔngán, bɔ un nɔ gǎn jí káká jɛ hwenu e é ɖo xwe gban-nukún-we (32) bló wɛ ɖo zinkpo jí é. Đo xwe wěwe énɛ́ e un bló lɛ́ɛ mɛ ɔ́, nyɛ kpó mɛ e ɖo azɔ̌ wa xá mì wɛ lɛ́ɛ ɖě kpó yí nǔ e tokpɔngán nɔ yí ɖo toví lɛ́ɛ sí é ɖě ǎ.

Ɛsitɛ́ɛ 1:2

axɔ́sú ɔ́ ɖo ahohó e ɖo Súzi tota ɔ́ mɛ é mɛ,

Ɛsitɛ́ɛ 3:15

Wɛnsagun lɛ́ɛ hwlɛ́ndó bó yi lě e axɔ́sú ɔ́ ɖɔ gbɔn é. È jlǎ gbeta ɔ́ gbɔn Súzi tota ɔ́ mɛ. Hwenɛ́nu ɔ́, axɔ́sú ɔ́ kpó Hamáa kpó ɖo ayǐjínjɔ́n bó ɖo ahan nu wɛ; Súzi to ɔ́ bǐ ká wlú.

Daniyɛ́li 8:2

Nǔ e un mɔ ɖo dlɔ̌ mɛ din ɔ́ ɖíe: Un mɔ nyiɖée ɖo to ɖaxó e è nɔ ylɔ́ ɖɔ Súzi ɔ́ mɛ, ɖo Elámu tokpɔn mɛ, bɔ un ɖo tɔ e è nɔ ylɔ́ ɖɔ Wuláyi ɔ́ tó.

Zakalíi 7:1

Hwenu e axɔ́sú Daliwúsi ɖo xwe ɛnɛ bló wɛ ɖo zinkpo jí ɔ́, sun tɔn tɛ́nnɛgɔ́ ɔ́ e è nɔ ylɔ́ ɖɔ “Kisiléwu” ɔ́ sín azǎn ɛnɛgɔ́ ɔ́ gbe ɔ́, Mawu Mavɔmavɔ ɖɔ xó ɖé nú mì.