Micée 7:8 - MAWUXÓWÉMA

⁸ Kɛntɔ́ ce lɛ́ɛ mi, mi ma ko mì ó, ɖó un na bo jɛ ayǐ ɔ́, un ná lɛ́ fɔ́n; un na bo ɖo zǐnflú mɛ din ɔ́, Mawu Mavɔmavɔ ná ná wěziza mì, ɖó é wɛ nyí wěziza ce.

Micée 7:8 Iomraidhean Croise

Jɔ̌bu 31:29

Ényí awě xo kɛntɔ́ ce ɔ́, é nɔ́ víví nú mì wɛ a? Nǔɖé xá ɛ ɔ́, un nɔ lɔ́n yi jǐ wɛ a?

Ɖɛhan 112:4

Hwenu e kɛ́ mɛ nɔ́ dó ablu dó mɛ ɔ́, wěziza ɖé nɔ́ hɔ́n nú ayijlɔ́jlɔ́nɔ. É nyɔ́ xomɛ, mɛ nú nɔ blá wǔ n'i, hwɛjijɔnɔ wɛ.

Ɖɛhan 143:3

Kɛntɔ́ ɖo gǔdo ce malɛ́málɛ́; é jló ná sɔ́ gbɛ ce xo kɔ́; é sɔ́ mì dó zǐnflú mɛ, mɛ e ko kú xóxó lɛ́ɛ ɖɔhun.

Ɖɛhan 20:8

Mɛ ɖé lɛ́ɛ nɔ́ gán jɛ ahwankɛkɛ́ yětɔn lɛ́ɛ wú, bɔ mɛɖé lɛ́ɛ nɔ́ gán jɛ sɔ́ yětɔn lɛ́ɛ wú. Amɔ̌, mǐdɛɛ lɛ́ɛ ɔ́, Mawu Mavɔmavɔ, Mawu mǐtɔn sín nyǐkɔ wú wɛ mǐ gán jɛ.

Ɖɛhan 27:1

Davídi sín han. Mawu Mavɔmavɔ wɛ nyí wěziza ce, bó nyí mɛhwlɛ́ngántɔ́ ce; mɛ̌ un ka ná ɖi xɛsi ná? Mawu Mavɔmavɔ lɔmɛ wɛ gbɛ ce ɖe; mɛ̌ un ka ná hɔn ná?

Ɖɛhan 35:19

Ma lɔn nú yě mɛ e nɔ yǎyá bó dó kɛn mì lɛ́ɛ ɖú ahwannɔwe ó. Yě mɛ e nɔ mɔ̌ kpowun bo gbɛ́ wǎn nú mì lɛ́ɛ ɔ́, ma lɔn nú yě ko mì ó.

Ɖɛhan 37:21

Mɛdídá nya nǔ ɖo mɛ sí ɔ́, é sɔ́ nɔ́ jó ǎ; nǔjlɔ́jlɔ́watɔ́ ká nɔ́ hun alɔ bó nɔ́ ná nǔ mɛ.

Ɖɛhan 37:24

É ná bo j'ayǐ ɔ́, é nɔ́ cí kɔ́ mɛ ǎ, ɖó Mawu Mavɔmavɔ nɔ hɛn alɔ tɔn, bó nɔ́ sɔ́ ɛ sí te.

Ɖɛhan 38:16

Mawu Mavɔmavɔ, hwi ɖó nukún wɛ un ka ɖe; Aklúnɔ Mawu ce, hwi wɛ ná gblɔ́n nú yě.

Ɖɛhan 84:11

Nǔgbó ɔ́, è nɔ kɔ́xo towe lɛ́ɛ ta xɔ azǎn ɖokpó ɔ́, é nyɔ́ hú è blǒ azǎn afatɔ́n ɖo fí ɖěvo. Mawu ce, un yí wǎn nú xwé towe lihɛ́nnu ninɔ hú adǎkaxotɔ́ lɛ́ɛ xwé ninɔ.

Ɖɛhan 97:11

Wěziza ɖo te nú mɛ e nɔ wa nǔ jlɔ́jlɔ́ lɛ́ɛ, mɛ e sín ayi ɖo wɛn lɛ́ɛ tɔn wɛ nyí awǎjijɛ.

Ezayíi 2:5

Jakɔ́bu ví lɛ́ɛ mi! Mi wá mǐ ní ɖi zɔnlin ɖo Mawu Mavɔmavɔ sín wěziza nu.

Ezayíi 49:9

Un ɖɔ nú gantɔ́ lɛ́ɛ, mɛ e ɖo ablu mɛ lɛ́ɛ ɖɔ: ‘Mi tɔ́n, mi wá wěziza nu.’ Énɛ́ ɔ́, yě ná cí kanlin hwan e nɔ ɖo ama ɖu wɛ gbɔn ali kpá ali kpá, bó nɔ́ mɔ nǔɖuɖu yětɔn gbɔn só jí só jí lɛ́ɛ ɖɔhun.

Ezayíi 50:10

Ényí mɛɖé ɖo mi mɛ, bó nɔ́ ɖó sísí nú Mawu Mavɔmavɔ hǔn, mɛ ɔ́ ní nɔ́ ɖótó mɛsɛntɔ́ tɔn. Ényí mɛ ɖé ɖo zɔnlin ɖi wɛ ɖo ablu mɛ, bó má mɔ nukúnnú ɖěbǔ ǎ hǔn, mɛ ɔ́ ní sɔ́ éɖée jó nú Mawu Mavɔmavɔ, é ní gán jɛ Mawu tɔn wú.

Ezayíi 9:2

Mawu, a nǎ vǐ akɔta ɔ́ bɔ é ji gba, a dǒ xomɛhunhun xomɛhunhun jí nú yě, yě ɖo awǎ jɛ wɛ ɖo nukɔn towe mɛ e ji jɛ ná é ɖɔhun; yě ɖo xwe ɖu wɛ lě e è nɔ yi gba to ɖé, bó nɔ wá ɖo nǔ e è bɛ̌ sín ahwangbénu lɛ́ɛ má wɛ é ɖɔhun.

Jelemíi 48:27

Hwɛ ɔ́, Izlayɛ́li húzú nǔkiko nú we ɖo fí ǎ cé? Ajotɔ́ lɛ́ɛ mɛ wɛ a nɔ lɛ́n Izlayɛ́li dó, lobo ja xó ɖɔ dó wǔ tɔn gbé hweɖěbǔnu ɔ́, a nɔ mi ta.

Jelemíi 50:11

Babilɔ́nunu lɛ́ɛ mi, ɖ'ayǐ ɔ́, mi vɔ togun ce; hwenɛ́nu ɔ́, mi j'awǎ, xomɛ hun mi. Mi tlɔ́ gbo nyibúví ɖo amagbo mɛ ɖɔhun. Mi sú xó sɔ́ ɖɔhun.

Jelemíi 8:4

“Jelemíi, a nǎ ɖɔ nú yě ɖɔ nyɛ Mawu Mavɔmavɔ ɖɔ: È jɛ ayǐ ɔ́, è sɔ́ nɔ́ sí te ǎ cé? Fí e è xwe ɔ́ bú dó mɛ ɔ́, fí e è gosín ɔ́ nɔ́ bú dó mɛ wɛ a?

Ezekiyɛ́li 25:6

“Ɖó xó e ɖɔ wɛ nyɛ Aklúnɔ Mavɔmavɔ ɖe ɔ́ ɖíe: Ée awě xo Izlayɛ́li ɔ́, é víví nú mi bɔ mi lɔ́n yi jǐ, bó xo kpɛ́. Nǔ énɛ́ e mi bló ɔ́, ɖe lě do e mi gbɛ́ wǎn nú togun ce sɔ ɔ́ xlɛ́.

Ezekiyɛ́li 35:15

Izlayɛ́li to gba bɔ é víví nú we; togun Izlayɛ́li tɔn ɔ́, ce ka wɛ. Énɛ́ ɔ́ wú ɔ́, nǔ ɖokpó ɔ́ wɛ un ná bló xá hwi ɖésú. Hwi Seyíi to ɔ́ kpó só towe lɛ́ɛ bǐ kpó wɛ è nǎ gba. Énɛ́ ɔ́, mɛ bǐ ná tunwun ɖɔ nyi wɛ nyí Mawu Mavɔmavɔ.”

Ezekiyɛ́li 36:5

Nyɛ Aklúnɔ Mavɔmavɔ wɛ ɖɔ un ná wa nǔ xá togun e lɛ́ lɛ̌ dó Izlayɛ́li to lɛ́ɛ, ɖo tají ɔ́, Edɔ́mu togun ɔ́. Yě hu tɛ́ nú mì kpó awǎjijɛ kpó bó yí to ce, bó bɛ́ kanlin e ɖo Izlayɛ́li to ɔ́ mɛ lɛ́ɛ bǐ.

Amɔ́si 9:11

Mawu Mavɔmavɔ ɖɔ: “É wá yá ɔ́, un ná fɔ́n Davídi sín xwé e mu ɔ́ ɖó te. Un ná bló dǒ e zɛ lɛ́ɛ ɖó. Un ná bló nǔ e gba hánnyá lɛ́ɛ ɖó. Un ná vɔ́ xwé ɔ́ bló ɖó lě e é kó ɖe gbɔn ɖ'ayǐ é.

Abudiyási 1:12

Hwenu e awě ɖo nɔví towe Judáanu lɛ́ɛ xo wɛ ɔ́, é ná kó gɔn nukún towe mɛ nyɔ́. Hwenu e è ɖo nǔ yětɔn hɛn gblé wɛ ɔ́, xomɛ ná ko gɔn hunhun we, hwenu e yě ɖo wǔvɛ́ mɔ wɛ ɔ́, a nǎ kó gɔn yě zun.

Micée 4:10

Mi mɔ wǔvɛ́, bó wɛn azɔn nyɔ̌nu ɖo ajidonu ɖɔhun; ɖó din ɔ́, mi ná gosín toxo ɔ́ mɛ, bó yi cí gle lɛ́ɛ mɛ, bó ná lɛ́ yi káká Babilɔ́nu. Mawu Mavɔmavɔ ná hwlɛ́n mi gán, bó ná ɖe mi sín kɛntɔ́ mitɔn lɛ́ɛ sín acɛ mɛ ɖo Babilɔ́nu fínɛ́.

Micée 7:10

Kɛntɔ́ ce lɛ́ɛ ná mɔ nǔ e jɛ nɛ́ ɔ́, bɔ winnyá ná hu yě. Yě mɛ e nɔ kanbyɔ́ mì ɖ'ayǐ ɖɔ: “Fítɛ́ Mawu Mavɔmavɔ, Mawu towe ká ɖe” a jí lɛ́ɛ ɔ́, è nǎ gbídí yě ɖó afɔ wú lě e è nɔ ɖo zɔnlin ɖi wɛ bó nɔ́ gbídí babá ɖó afɔ wú é ɖɔhun, bɔ un ná mɔ kpó nukún ce lɛ́ɛ kpó, bó ná j'awǎ.

Zakalíi 12:8

Hwenɛ́nu ɔ́, Mawu Mavɔmavɔ ná cyɔ́n alɔ Jeluzalɛ́munu lɛ́ɛ jí: mɛ e vɔ́ hú mɛ bǐ ɖo yě mɛ lɛ́ɛ ná dó hlɔ̌nhlɔ́n Davídi ɖɔhun, bɔ Davídi sín vǐ lɛ́ɛ ná cí Mawu ɖɔhun nú Jeluzalɛ́munu lɛ́ɛ; yě ná cí wɛnsagun Mawu Mavɔmavɔ tɔn ɖɔhun ɖo Jeluzalɛ́munu lɛ́ɛ nukɔn.

Matíe 4:16

togun énɛ́ e ɖo zǐnflú mɛ ɔ́ mɔ wěziza ɖaxó ɖé, bɔ yě mɛ e ɖo kúyɛmɛ lɛ́ɛ ɔ́, wěziza hɔ́n dó yě jí.”

Jǎan 16:20

Má ɖɔ nǔgbó nú mi: mi ná nɔ́ ɖo avǐ ya wɛ, bó ná nɔ́ ɖo alě ná wɛ, bɔ mɛ e nyí gbɛmɛ fí tɔn lɛ́ɛ ka ná nɔ́ ɖo awǎ jɛ wɛ. Mi ná nɔ aluwɛ mɛ, lo ɔ́, aluwɛ mitɔn ná wá húzú awǎjijɛ nú mi.

Jǎan 8:12

Jezu lɛ́ jɛ nǔ kplɔ́n mɛ lɛ́ɛ jí ɖo sinsɛnxɔ mɛ, bo ɖɔ nú yě ɖɔ: “Nyɛ wɛ nyí wěziza gbɛ ɔ́ tɔn; mɛ e xwedó mì ɔ́ na gbɔn zǐnflú mɛ gbeɖé ǎ, lo ɔ́ é ná mɔ wěziza e nɔ ná gbɛ jɔ gbɛ mɛ é.”

Mɛsɛ́dó 26:18

Un sɛ́ we dó, bónú a nǎ hun nukún nú yě; bónú a nǎ kplá yě sín zǐnflú mɛ wá wěziza nu; bó ná ɖe yě sín Satáan sín acɛ mɛ wá Mawu gɔ́n, lobo nú yě ɖi nǔ nú mì ɔ́, Mawu ná sɔ́ hwɛ yětɔn lɛ́ɛ kɛ yě, bɔ yě ná mɔ tɛnmɛ ɖo mɛ e nyí étɔn lɛ́ɛ tɛ́ntin.’

2 Kɔlɛ́ntinu 4:6

Mawu e ɖɔ: “Wěziza ní kɔ́n sín ablu mɛ” ɔ́, é ɖokpó ɔ́ wɛ lɛ́ nyí mɛ e bló bɔ wěziza tɔn nɔ kɔ́n ɖo ayi mǐtɔn lɛ́ɛ mɛ é, bónú mǐ ná ɖó nǔnywɛ́ wěziza tɔn e nyí susu Mawu tɔn é; susu Mawu tɔn e ɖo kínkɔ́n wɛ ɖo Klísu sín nukún mɛ é.

2 Kɔlɛ́ntinu 4:9

È ɖo ya dó nú mǐ wɛ; lo ɔ́, Mawu jó mǐ dó ǎ; è nɔ ɖo mǐ zín dó ayǐ wɛ, mǐ ka dɔn ǎ.

Nǔɖexlɛ́mɛ 21:23

Toxo ɔ́ byɔ́ ɖɔ hwe ní ná émí wěziza ǎ; é ka byɔ́ ɖɔ sun ní ná émí wěziza ǎ, ɖó susu Mawu tɔn nɔ ná ɛ wěziza, bɔ Lɛ̌ngbɔ́ví ɔ́ nyí zogbɛ́n tɔn.

Nǔɖexlɛ́mɛ 22:5

Zǎn sɔ́ ná nɔ kú ǎ; yě sɔ́ ná ba wěziza zogbɛ́n tɔn ǎ; yě ka sɔ́ ná ba wěziza hwe tɔn ǎ, ɖó Aklúnɔ Mawu ná gba wěziza tɔn kɔn nyi yě jí, bɔ yě ná ɖu axɔ́sú káká sɔ́yi.