Micée 7:6 - MAWUXÓWÉMA

⁶ Azǎn énɛ́ lɛ́ɛ gbe ɔ́, súnnuví ná zun tɔ́ tɔ́n; nyɔ̌nuví ná fɔ́n gǔ dó nɔ tɔn jí; vǐsi ná fɔ́n gǔ dó asú tɔn nɔ jí; hɛ̌nnumɔ mɛtɔn lɛ́ɛ ɖésú ná nyí kɛntɔ́ mɛtɔn.

Micée 7:6 Iomraidhean Croise

Bǐbɛ́mɛ 49:4

Tɔsisa e ɖo adǎn jí é ɖɔhun wɛ a cí. Nǔ ɖo mɔ̌ có nukɔngbéví e a nyǐ ɔ́ sín acɛ ɔ́, a sɔ́ ná ɖó ǎ, ɖó a ɖǒ xó xá asi ce ɖo zan ce jí. A mlɔ̌ zan ce jí, bó ɖu su ná.

2 Samuwɛ́li 16:11

Bɔ Davídi ɖɔ nú Avicáyi kpódó gǎn hɔn-yitɔ́ tɔn lɛ́ɛ kpó ɖɔ: “Vǐ e nyɛ ɖésúnɔ ji ɔ́ ɖíe ɖo kú ce ba wɛ e, étɛ́ ká sɔ́ nyí Bɛnjamɛ́ɛ ví énɛ́ tɔn? Mi tin dó e nú é ɖɔ nǔ e jló é nú mì, ɖó Mawu Mavɔmavɔ wɛ ná gbe tɔn ɛ.

Ɖɛhan 41:9

“Nǔ e jɛ dó jǐ tɔn ɔ́ nyí ayihún ǎ mɛ! Ayǐ e é mlɔ́ din ɔ́, é sɔ́ ɖó fínfɔ́n ǎ mɛ!”

Nǔnywɛ́xó 30:11

“Mɛ ɖé lɛ́ɛ tíin, bó nɔ́ nylá nu dó tɔ́ yětɔn, bó nɔ́ ɖɔ nɔ yětɔn sín xó ɖagbe ǎ.

Nǔnywɛ́xó 30:17

Mɛ e nɔ ko tɔ́ tɔn ɔ́, mɛ e ma nɔ se tónú nú nɔ tɔn ǎ ɔ́, avǔnsákɔwó tɔdo mɛ tɔn lɛ́ɛ ná tɔ́n nukún i, bɔ gangan lɛ́ɛ ná vún lan tɔn ɖu.

Ezayíi 3:5

Mɛ ɖé gbo mɛɖé ɖo togun ɔ́ mɛ ɔ́, é ná nɔ́ táfú, mɛ ɖokpó ɖokpó ná nɔ́ táfú nɔzo tɔn, yɔkpɔ́vú ná nɔ́ kpɔ́n mɛxó nukún mɛ, bɔ mɛ ma nyí mɛɖé ná nɔ́ kpɔ́n mɛjɔmɛ nukún mɛ.

Ezayíi 9:19

È nɔ kán ɖu ɖo aɖisíxwé, xovɛ́ ka nɔ́ kpo ɖo mɛ sin wɛ. È nɔ́ tlɛ́n ɖu ɖo amyɔxwé có è nɔ gɔ́ xo ǎ. Mɛ ɖokpó ɖokpó nɔ tɔ́n ahwan nɔzo tɔn.

Jelemíi 12:6

“Đó nɔví towe lɛ́ɛ ɖésúnɔ kpó mɛ e ɖo xwé towe gbe lɛ́ɛ kpó nɔ sa we. Yě ɖésúnɔ nɔ ɖo vɛ̌gokan vlɔ́n wɛ, bó nɔ́ ɖo xó sú wɛ ɖo gǔdo towe. Yě wá gɔ̌n towe bó wá ɖo xó víví ɖɔ nú we wɛ hǔn, ma ɖi ó.”

Jelemíi 20:10

Mɛ gěgé ɖo xó nyanya ɖɔ dó wǔ ce wɛ, bɔ un se. Yě nɔ́ ylɔ́ mì ɖɔ: “Xɛsiɖofíbǐ.” Mɛ ɖé lɛ́ɛ nɔ́ ɖɔ: “Mǐ ní ɖe e gba!” Mɛ ɖěvo lɛ́ɛ nɔ́ ɖɔ: “Nǔgbó wɛ, mǐ ní ɖe e gba!” Xɔ́ntɔn ce lɛ́ɛ ɖésú nɔ́ ɖo cícɔ́ mì wɛ, bó ná kpɔ́n ɖɔ nyi ná ɖe afɔ nyi do a jí. Yě nɔ́ ɖɔ: “É lóó ká jɛ mɛ, nú mǐ nǎ bló n'i nɛ́! Mǐ nǎ ba hlɔn.”

Jelemíi 9:4

Yě nɔ́ ɖo yěɖée blɛ́ wɛ, mɛɖé nɔ ɖɔ nǔgbó nú mɛɖé ǎ. Yě kplɔ́n ɖɛ̌ yětɔn ɖó adingban lɔ jí. Yě nɔ́ wa nǔ nyanya káká bó sɔ́ sixú lɛ́ kɔ wá gɔ̌n ce ǎ.

Ezekiyɛ́li 22:7

È nɔ kpɔ́n nukún mɛ nú tɔ́ mɛtɔn kpó nɔ mɛtɔn kpó ɖo ayǐkúngban towe jí; è nɔ xo jǒnɔ lɛ́ɛ ɖu, è nɔ táfú tɔ́cyɔvǐ lɛ́ɛ kpó asúkúsi lɛ́ɛ kpó.

Abudiyási 1:7

Mɛ e ɖo jǐ mitɔn lɛ́ɛ bǐ nya mi sín to mitɔn mɛ. Xɔ́ntɔn mitɔn lɛ́ɛ flú mi bo ɖu ɖo mi jí. Mɛ e nɔ ɖu nǔ xá mi lɛ́ɛ ɖésú ɖó mɔ nú mi, bɔ è nɔ ɖɔ dó mi wú ɖɔ: ‘Ayi yětɔn mɔ nǔ ɖěbǔ ǎ.’

Matíe 10:21

“Nɔví ná jó nɔví tɔn, bɔ è nǎ hu; tɔ́ ná jó vǐ tɔn, bɔ è nǎ hu; vǐ lɛ́ɛ ná fɔ́n gǔ dó mɛjitɔ́ yětɔn lɛ́ɛ jí, bó ná zɔ́n ɖɔ è ní hu yě.

Matíe 26:23

Jezu ka yí gbe nú yě ɖɔ jí: “Mɛ e kplé alɔ xá mì ɖo nǔsúnnúká mɛ ɔ́ wɛ.

Luki 12:53

Tɔ́ ná sí te dó vǐ tɔn súnnu jí, bɔ vǐ súnnu ná sí te dó tɔ́ tɔn jí; nɔ ná sí te dó vǐ tɔn nyɔ̌nu jí, bɔ vǐ nyɔ̌nu ná sí te dó nɔ tɔn jí; asúnɔ ná sí te dó vǐ tɔn sín asi jí; bɔ vǐsi ná sí te dó asú tɔn nɔ jí.”

Luki 21:16

Mɛjitɔ́ mitɔn lɛ́ɛ lɔ kpódó nɔví mitɔn lɛ́ɛ kpó, mɛ mitɔn lɛ́ɛ kpódó xɔ́ntɔn mitɔn lɛ́ɛ kpán ná jó mi, bɔ è nǎ hu mɛ gěgé ɖo mi mɛ;

Jǎan 13:18

Mi bǐ xó ɖɔ wɛ un ka ɖe ǎ, ɖó un tunwun mɛ e un cyán lɛ́ɛ; nǔ e Mawuxówéma ɔ́ ka ko ɖɔ ɔ́ ɖó ná jɛ. É wɛ nyí ɖɔ: ‘Mɛ e nɔ ɖu nǔɖuɖu ce ɔ́ húzú kpan nukɔn mì.’