Micée 7:4 - MAWUXÓWÉMA

⁴ Mɛ e kpɔ́n te ɖo yě mɛ ɔ́ lɛ́ nylá hú gběhan nyanya. Mɛ e ba ná nyí ayijlɔ́jlɔ́nɔ ɖo yě bǐ mɛ ɔ́ báɖá hú kpɔvɛwunkan sín kpá. Tódɔnnúmɛ e sín xó gbeyíɖɔ Mawu tɔn lɛ́ɛ ɖɔ nú mi ɔ́ sín azǎn ɖíe kó sɛ yá e, bɔ mi ko ɖo adohu adohu jí.

Micée 7:4 Iomraidhean Croise

Ezayíi 10:3

Hwenu e Mawu ká ná dɔn tó nú mɛ ɔ́, hwenu e jɔhɔn ná sí te sín zɔ kpó zǐngídi kpó jǎwe ɔ́, nɛ̌ mi nǎ wa nǔ gbɔn? Mɛ̌ xwé mi ná hɔn yi hwlá cí bɔ é ná dó alɔ mi? Fítɛ́ mi ná bɛ́ dɔkun mitɔn lɛ́ɛ ɖó?

Ezayíi 22:5

Đó égbé din ɔ́, Aklúnɔ, Mawu Mavɔmavɔ Nǔbǐwúkpétɔ́ ɔ́ dó hunnyahunnya mǐ mɛ, mǐ j'ayǐ ɖo ahwan nukɔn; mǐ sɔ́ tunwun lě e mǐ nǎ wa nǔ gbɔn é ǎ.” Zǐngídi e ɖo Nǔɖexlɛ́mɛ tɔdo ɔ́ mɛ é syɛ́n ɖésú. È nɔ sú xó bó nɔ́ byɔ́ alɔgɔ́ sɛ́ dó só lɛ́ɛ ta.

Ezayíi 55:13

Énɛ́ ɔ́, fí e wunkan ɖe ɔ́, siplɛ́tín ná wú ɖo fínɛ́. Fí e atín wunnɔ ɖe ɔ́, ama wǎnɖagbenɔ ná wú ɖo fínɛ́; nǔ énɛ́ lɛ́ɛ bǐ ná jɛ bɔ è nǎ sɔ́ Mawu Mavɔmavɔ sín nyǐkɔ su; é ná nyí wuntun ɖé bó ná súnsún gbeɖé ǎ.

Jelemíi 10:15

Nǔ yǎyá wɛ yě nyí, yě hwɛ̌n. Hwenu e Mawu ná dɔn tó nú mɛ ɔ́, yě bǐ wɛ è nǎ vívá kún ná.

Jelemíi 11:23

Yě mɛ ɖěbǔ ná gló ǎ. Un ná sɛ́ awě ɖaxó ɖokpó dó Anatɔ́tinu lɛ́ɛ xwe e xwe un ná dɔn tó nú yě é.”

Jelemíi 46:21

Sɔ́ja to ɖěvo mɛ nu e Ejípu da bó nɔ́ sú axɔ́ lɛ́ɛ ɔ́, yě nyɔ́ ahwan fun mɔ̌hunkɔtɔn, amɔ̌, yě lɔmɔ̌ hɔn; yě bǐ ɖó gbe kpɔ́ bó hɔn. Adǎngbomɛ zán ɔ́ gbe ɔ́, yě ɖě sixú nɔ te ǎ. Ée un húzú kpan nukɔn yě ɔ́, yě ɖě nɔ te ǎ.

Jelemíi 8:12

Winnyá wɛ ɖó ná hu yě ɖó nǔ baɖabaɖa e yě dó sin lɛ́ɛ wú. Winnyá ká hu yě lɔ vɔ́vɔ́ ǎ. Énɛ́ wú wɛ yě ná j'ayǐ kpó mɛ e ɖo ayǐ jɛ wɛ lɛ́ɛ kpó. Hwenu e un ná wa nǔ xá yě ɔ́, yě ná mɔ yěɖée ɖo kɔ́ mɛ. Nyɛ Mawu Mavɔmavɔ ɔ́ wɛ ɖɔ mɔ̌.” Mawu mɔ nǔ e ba wɛ é ɖe ɖo togun ɔ́ sí ɔ́ ɖo así tɔn ǎ

Ezekiyɛ́li 2:6

“Hwɛ gbɛtɔ́ ɔ́, ma ka ɖi xɛsi nú yě ó; ma nú adǎn e gblɔ́n nú we wɛ yě ɖe lɛ́ɛ dó xɛsi nú we ó. Mɛ énɛ́ lɛ́ɛ ɔ́, wunkan kpó hɔnkéklě kpó wɛ yě nyí. Amɔ̌, ma nú adǎn e gblɔ́n nú we wɛ yě ɖe lɛ́ɛ dó xɛsi nú we ó, ma nú nukún e dó kpɔ́n we wɛ vǐ tónúmasetɔ́ énɛ́ lɛ́ɛ ɖe ɔ́ dó xɛsi nú we ó.

Ezekiyɛ́li 28:24

Mawu Mavɔmavɔ ɖɔ: “To e lɛ́ lɛ̌ dó Izlayɛ́li lɛ́ɛ ɖě sɔ́ ná hu tɛ́ n'i gbeɖé ǎ. To ɖě sɔ́ ná tɔ́n ɛ wunkan ɖɔhun ǎ, to ɖě ká sɔ́ ná tlɛ́n ɛ atín wunnɔ ɖɔhun ǎ. Énɛ́ ɔ́, mɛ bǐ ná tunwun ɖɔ nyi wɛ nyí Mawu Mavɔmavɔ.

Amɔ́si 8:2

bó kanbyɔ́ mì ɖɔ: “Étɛ́ mɔ wɛ a ɖe Amɔ́si?” Un yí gbe n'i ɖɔ: “Un mɔ atínsínsɛ́n myámyá xasun ɖokpó.” Énɛ́ ɔ́, Mawu Mavɔmavɔ ɖɔ nú mì ɖɔ: “Hwenu e togun ce Izlayɛ́li ná vɔ́ dó ɔ́ su. Un sɔ́ ná sɔ́ nǔ e é nɔ wa nyi do lɛ́ɛ ɖěbǔ kɛ ɛ ǎ.

Naxúmu 1:10

Yě hízí wunkan ɖɔhun, yě cí mɛ e nɔ nu ahan mú é ɖɔhun. Yě ná ji kɛn sɛníyɔ ɖɔhun.

Luki 21:25

“È nǎ mɔ wuntun ɖo hwesivɔ́ mɛ, bó ná mɔ ɖo sun kpódó sunví lɛ́ɛ kpó mɛ. Đo ayǐkúngban jí ɔ́, akɔta lɛ́ɛ ná ɖo adohu adohu jí, bɔ zǐngídi e ɖú wɛ xu ɖe é, kpódó lě e xo gbɔn wɛ é ɖe é kpán ná gba hǔn dó nú yě.

Eblée 6:8

Amɔ̌, nú ayǐkúngban ɔ́ ka nɔ ná wunkan kpódó gběhan kpó ɔ́, hǔn é nyí ayǐkúngban ɖagbe ǎ; Mawu ná dó nu i sɔ́ ɖo fí ɖé ǎ, bɔ é ná yi vɔ ɖo myɔ mɛ.