Micée 7:3 - MAWUXÓWÉMA

³ Nǔ nyanya wiwa sín gǎn wɛ yě nyǐ. Gǎn lɛ́ɛ kpó hwɛɖɔtɔ́ lɛ́ɛ kpó nɔ byɔ́ ɖɔ émí ná ɖu nǔ ɖo nǔ mɛ dandan. Gbɛtɔ́ nukúnɖéjí lɛ́ɛ ɖo nǔɖé ba wɛ ɔ́, yě nɔ́ ɖɔ gannaganna, bó nɔ́ ba wlɛnwín tɔn ɖó kpɔ́, bó nɔ́ bló.

Micée 7:3 Iomraidhean Croise

Nǔnywɛ́xó 16:30

Mɛ e ɖo nǔ nyanya lin ná wá wɛ, bó ɖo nukún myɔ́ wɛ, bó ɖo aɖǔma tɛ wɛ é kó dó nǔ e lin wɛ é ɖe é sin.

Nǔnywɛ́xó 17:23

Mɛdídá nɔ ɖu kpa ɖo nǔglɔ́, lobo nɔ húzú hwɛjijɔ xwe.

Ezayíi 1:23

Gǎn towe lɛ́ɛ ɔ́, gǔfɔ́ntɔ́ wɛ nú yě, yě nɔ́ nɔ awo mɛ nú ajotɔ́ lɛ́ɛ. Nǔwlóɖutɔ́ wɛ nú yě, nǔ ɖu ɖo nǔ mɛ ba wɛ jɛ́n yě nɔ́ ɖe. Yě nɔ́ táfú tɔ́cyɔvǐ lɛ́ɛ, yě nɔ́ ɖótó hwɛ e jɛ nú yě wɛ asúkúsi ɖe é ǎ.

Ezayíi 26:21

Mawu Mavɔmavɔ ɖíe ɖo tíntɔ́n sín nɔtɛn tɔn ja wɛ e; é ɖo tó ná dɔ́n nú mɛ e ɖo ayǐkúngban jí lɛ́ɛ wɛ, ɖó nǔ nyanya e yě wa lɛ́ɛ wú. Ayǐkúngban ná tún kanjɔ e é nu é; ayǐkúngban ná jó mɛ e è hu, bó zé hwlá dó lan tɔn mɛ lɛ́ɛ.

Ezayíi 3:5

Mɛ ɖé gbo mɛɖé ɖo togun ɔ́ mɛ ɔ́, é ná nɔ́ táfú, mɛ ɖokpó ɖokpó ná nɔ́ táfú nɔzo tɔn, yɔkpɔ́vú ná nɔ́ kpɔ́n mɛxó nukún mɛ, bɔ mɛ ma nyí mɛɖé ná nɔ́ kpɔ́n mɛjɔmɛ nukún mɛ.

Ezayíi 32:7

Awlinmɛdan lɛ́ɛ ɔ́, alǐnnyánú e nɔ́ dó nǔ baɖabaɖa sin é ɖo yě sí; yě nɔ́ ɖe wě bó nɔ́ ɖó adingban dó wa nǔ xá wamamɔnɔ lɛ́ɛ; amɔ̌, lelenɔ lɛ́ɛ ɔ́, nǔ e yě ɖó acɛ ná ɔ́ kɛ́ɖɛ́ jɛ́n yě nɔ́ byɔ́.

Ezayíi 5:23

Yě nɔ́ yí nǔ ɖu ɖo mɛ e kú hwɛ ɔ́ sí, bó nɔ́ ɖɔ hwɛ tɔn nyɔ́; xomɛvɔ́nɔ ná bo nyɔ́ hwɛ ɔ́, yě nɔ́ kpɔ́n énɛ́ ǎ.

Jelemíi 3:5

Xomɛ sin dó mì wɛ jɛ́n a nǎ ɖe tɛgbɛ a? A nǎ jó xomɛsin ɔ́ dó gbeɖé ǎ cé?” Mɔ̌ jɛ́n a nɔ ɖɔ, a ka fɔ́n bó gɔn nǔ nyanya wa gbeɖé ǎ; azɔ̌ towe wɛ é kó nyí.

Jelemíi 4:22

Mawu ɖɔ: “Dandan mɛ ɔ́, togun ce ɔ́, taɖu wɛ é hun; é tunwun mì ǎ. Vǐ ɖé lɛ́ɛ wɛ yě nyǐ bó ɖó tamɛ ǎ. Yě bǐ ǎ; nǔ nyanya kɔn wɛ yě nɔ́ yá alɔ ɖe. Yě nyɔ́ nǔ ɖagbe wa ǎ.”

Jelemíi 8:10

Mawu ɖɔ: “Yě bǐ wɛ dɔkun gbo vɛ̌, bɛ́ sín yɔkpɔ́vú jí káká yi mɛxó jí. Gbeyíɖɔ kpó vɔ̌sánú-xwlémawutɔ́ kpó bǐ wɛ nɔ xo awo. Énɛ́ ɔ́ wú wɛ un ná sɔ́ asi yětɔn lɛ́ɛ jó nú mɛ ɖěvo lɛ́ɛ, bó sɔ́ gle yětɔn lɛ́ɛ jó nú mɛ e ná wá vɔ yě lɛ́ɛ.

Ezekiyɛ́li 22:12

Yě nɔ́ ɖu nǔ ɖo nǔ mɛ, bó nɔ́ kɔn kanjɔ kɔn nyi ayǐ; yě nɔ́ sa akwɛ́ nú mɛ; yě nɔ́ táfú to yětɔn mɛ nu lɛ́ɛ, bó nɔ́ jɛ dɔkun. Yě nɔ́ wɔn mì. Xó e nyɛ Aklúnɔ Mavɔmavɔ ɖɔ ɔ́ nɛ́.

Ezekiyɛ́li 22:27

Togun ɔ́ sín gǎn lɛ́ɛ cí hla e wlí lan bó ɖo vǔnvún ɖu wɛ é ɖɔhun. Yě nɔ́ kɔn kanjɔ kɔn nyi ayǐ; yě nɔ́ hu mɛ lɛ́ɛ bó nɔ́ bɛ́ nǔ yětɔn.

Ezekiyɛ́li 22:6

“Izlayɛ́li, mɛ e nyí gǎn ɖo ayǐkúngban towe jí lɛ́ɛ ɔ́, yě nɔ́ mɔ ɖɔ émí wɛ ɖó acɛ bó nɔ́ hu mɛ.

Ezekiyɛ́li 34:21

Lɛ̌ngbɔ́ e má ɖó gǎn ɖé ǎ lɛ́ɛ ɔ́, mi ɖó abɔ̌go nú yě bó ɖó aja nú yě; mi sɔ́ zo dó xo yě káká bó nya yě bǐ sín lɛ̌ngbɔ́ ce lɛ́ɛ mɛ.

Ezekiyɛ́li 9:9

Bɔ Mawu yí gbe nú mì ɖɔ: “Hwɛ e hu wɛ Izlayɛ́li ví lɛ́ɛ kpó Judáanu lɛ́ɛ kpó ɖe ɔ́ d'agba bó vɛ́ jlɛ́. Mɛhutɔ́ kɛ́ɖɛ́ wɛ gɔ́ to ɔ́; nǔ agɔ agɔ kɛ́ɖɛ́ wɛ yě nɔ́ wa ɖo toxo élɔ́ mɛ, ɖó mɛ lɛ́ɛ nɔ́ ɖɔ: ‘Mawu Mavɔmavɔ ɖo mǐ mɔ wɛ ǎ, é kó jó to ɔ́ dó.’

Ozée 4:18

Yě nu ahan gɔ́ xo lě tlóló ɔ́, aga lɛ jí jɛ́n yě nɔ́ jɛ. Winnyánúwiwa jɛ́n nɔ́ myá nukún nú gǎn yětɔn lɛ́ɛ.

Ozée 7:3

Yě nɔ́ ɖɔ xó víví dó dó xomɛhunhun nú axɔ́sú yětɔn. Yě nɔ́ ɖó adingban dó dó xomɛhunhun nú gǎn yětɔn lɛ́ɛ.

Amɔ́si 5:12

Mawu ká ɖɔ: nyɛ Mawu ɔ́, nǔ nyanya tobutóbú e mi wa lɛ́ɛ ɔ́, un dán ɖěbǔ ǎ; un tunwun lě e nǔ e mi wa nyi do lɛ́ɛ syɛ́n sɔ é: xomɛvɔ́nɔ lɛ́ɛ sín kɛntɔ́ wɛ mi nyí. Mi nɔ yí gbe bɔ è nɔ dó ajɔ mi. Mi jɛ hwɛɖɔxɔsá ɔ́, mi nɔ lɔn nú è na ɖe xlɛ́ ɖɔ wamamɔnɔ lɛ́ɛ sín hwɛ jɔ ǎ.”

Micée 2:8

Mawu yí gbe bó ɖɔ: “Mi húzú kɛntɔ́ togun ce tɔn. Mɛ ce lɛ́ɛ yi fun ahwan bó lɛ́ kɔ wá kpó jiɖiɖe kpó ɔ́, mi nɔ yí awu ɖaxó yětɔn dó axɔ́ e yě ɖu dó mi ɔ́ nu.

Micée 3:11

Hwɛɖɔtɔ́ lɛ́ɛ ɔ́, mɛ e dó nǔ nu nú yě ɔ́ sín hwɛ wɛ nɔ jɔ. Vɔ̌sánú-xwlémawutɔ́ lɛ́ɛ nɔ yí akwɛ́ ɖo mɛ sí, cóbó nɔ kplɔ́n Mawusɛ́n lɛ́ɛ mɛ. Gbeyíɖɔ Mawu tɔn lɛ́ɛ nɔ yí akwɛ́ ɖo mɛ sí cóbó nɔ dó Mawu sín wɛn mɛ. Nǔ ɖo mɔ̌ bɔ yě bǐ ká nɔ glá bó nɔ ɖɔ Mawu Mavɔmavɔ tɔn wɛ émí nyí, ɖɔ Mawu Mavɔmavɔ ɖo kpɔ́ xá émí, ɖɔ nǔ nyanya ɖěbǔ kún ná wa émí ó.

Micée 3:2

Mi ka gbɛ́ wǎn nú ɖagbewiwa, bó yí wǎn nú nǔ nyanya wiwa. Mi nɔ kɔ́n anyǔ sín mɛ ce lɛ́ɛ wú, bó nɔ ɖe lan e ɖo xú yětɔn wú lɛ́ɛ síin.

Matíe 26:15

bó ɖɔ nú yě ɖɔ: “Étɛ́ mi ka ná ná mì, bónú má jó Jezu nú mi?” Bɔ yě sú i kpatágankwɛ́ gban (30).

1 Kɔlɛ́ntinu 4:5

Énɛ́ ɔ́ wú ɔ́, mi ma ɖɔ hwɛ dó mɛ ɖěbǔ cóbónú hwenu e Mawu ɖó ɔ́ ná su ó; mi nɔ te nú Aklúnɔ ní wá: é ná ɖe nǔ e ɖo hwlǎhwlá ɖo zǐnflú mɛ ɔ́ nyi wěxo, bɔ linlin e ɖo ayixa mɛ nú gbɛtɔ́, bɔ è ma mɔ nukúnnú jɛ wú ǎ lɛ́ɛ ɔ́, é ná ɖe xlɛ́; énɛ́ ɔ́, Mawu ná kpa mɛ ɖokpó ɖokpó lě e é jɛ xá gbɔn é.