Micée 7:2 - MAWUXÓWÉMA

² Gbɛtɔ́ e ɖo gbejí nú Mawu ɔ́ ɖě sɔ́ ɖo to ɔ́ mɛ ǎ; ayijlɔ́jlɔ́nɔ ɖě sɔ́ ɖo to ɔ́ mɛ ǎ. Lě e yě ná wa gbɔn bó ná hu mɛ ɔ́ jɛ́n nɔ ɖo ayi mɛ nú yě bǐ, bɔ yě nɔ́ ɖo yěɖée cɔ́ wɛ.

Micée 7:2 Iomraidhean Croise

Ɖɛhan 10:9

É nɔ́ tɔwu kinnikínní ɖo wudo mɛ ɖɔhun. É nɔ́ tɔwu bó ná zɔn mɛ ma ɖó mɛ ɖé jí; é nɔ́ dɔn mɛ ma ɖó mɛɖé dó mɔ tɔn mɛ bó nɔ́ wlí i.

Ɖɛhan 12:1

Hanjigbɛ́gán ɔ́ sín hanjiwéma mɛ wɛ han élɔ́ ɖe. Davídi sín han wɛ; è nɔ ji bo nɔ xo kanhún kantántɔnnɔ d'é mɛ.

Ɖɛhan 12:2

Mawu Mavɔmavɔ, hwlɛ̌n mǐ, ɖó mɛ e nɔ wa nǔ ɖó sɛ́nxwi jí lɛ́ɛ ɖo vivɔ wɛ, mɛ e ɖo gbejí nú we lɛ́ɛ bǐ ɖo vivɔ wɛ ɖo gbɛtɔ́ lɛ́ɛ tɛ́ntin.

Ɖɛhan 57:6

Mawu, ɖe susu towe xlɛ́ zɛ jǐxwé wú; ɖe susu towe xlɛ́ gbɔn ayǐkúngban ɔ́ bǐ jí!

Nǔnywɛ́xó 1:11

Ényí yě ɖɔ nú we ɖɔ: “Wǎ mǐ yi! Wǎ mǐ yi tɔ wu bó ná kɔn hun kɔn nyi ayǐ! Wǎ mǐ yi ɖó mɔ nú xomɛvɔ́nɔ bó dó da ayihún ná.

Nǔnywɛ́xó 12:6

Xó e mɛdídá nɔ́ ɖɔ ɔ́ wɛ nyí mɔ e mɛ é nɔ jɛ bó nɔ́ kú é; xó e ká nɔ́ tɔ́n sín ayijlɔ́jlɔ́nɔ nu mɛ é wɛ nɔ́ hwlɛ́n ɛ gán.

Ezayíi 3:5

Mɛ ɖé gbo mɛɖé ɖo togun ɔ́ mɛ ɔ́, é ná nɔ́ táfú, mɛ ɖokpó ɖokpó ná nɔ́ táfú nɔzo tɔn, yɔkpɔ́vú ná nɔ́ kpɔ́n mɛxó nukún mɛ, bɔ mɛ ma nyí mɛɖé ná nɔ́ kpɔ́n mɛjɔmɛ nukún mɛ.

Ezayíi 57:1

Mɛ e nɔ wa nǔ jlɔ́jlɔ́ ɔ́ nɔ kú, mɛɖé ká nɔ́ kanbyɔ́ ǎ. Mɛ e nɔ wa nǔ ɖó sɛ́nxwi jí ɔ́, è nɔ ɖe e síin; mɛdídá lɛ́ɛ nǔwiwa nɛ́.

Ezayíi 59:7

Afɔ e ɖo glɔ̌ mitɔn lɛ́ɛ nɔ́ ɖo wezun jí xwe nǔ nyanya kɔn, bó nɔ́ ɖo hwlɛndó jí bó ná kɔn xomɛvɔ́nɔ kanjɔ kɔn nyi ayǐ. Ayi e ɖo xo mitɔn mɛ ɔ́ dá kpɔ́n! Mi gbɔn fí ɖé ɔ́, dǎka xixo kpó nǔ gblégblé kpó kɛ́ɖɛ́ jɛ́n è nɔ mɔ gbɔn fí ɔ́.

Ezayíi 9:19

È nɔ kán ɖu ɖo aɖisíxwé, xovɛ́ ka nɔ́ kpo ɖo mɛ sin wɛ. È nɔ́ tlɛ́n ɖu ɖo amyɔxwé có è nɔ gɔ́ xo ǎ. Mɛ ɖokpó ɖokpó nɔ tɔ́n ahwan nɔzo tɔn.

Jelemíi 16:16

Mawu Mavɔmavɔ ɖɔ: “Un ná sɛ́ ɖɔnyitɔ́ gěgé dó Izlayɛ́li ví lɛ́ɛ gbé mɛ, bɔ yě ná yi wlí yě wá hweví ɖɔhun. Énɛ́ ɔ́ gúdo ɔ́, un ná sɛ́ gbětɔ́ gěgé dó gbě yětɔn mɛ, bɔ yě ná yi nya gbě yětɔn gbɔn só ta só ta, sókan mɛ sókan mɛ, sónu mɛ sónu mɛ, bó ná wlí yě.

Jelemíi 5:16

Gǎ yětɔn lɛ́ɛ nɔ hu mɛ tɛ́; sɔ́ja yětɔn lɛ́ɛ bǐ wɛ syɛ́n.

Jelemíi 5:26

Nǔgbó wɛ, adǎkaxotɔ́ lɛ́ɛ ɖo togun ce mɛ. Yě nɔ́ ɖo mɛ cɔ́ wɛ, yě nɔ́ ɖó mɔ nú mɛ gběnyatɔ́ ɖɔhun. Yě nɔ́ ɖó mɔ bó nɔ wlí gbɛtɔ́.

Jelemíi 8:6

Un ɖo tó ɖó xó e ɖɔ wɛ yě ɖe ɔ́ ganjí: xó yětɔn xwe ali ǎ. Yě ɖěbǔ ba ná jó nǔ nyanya e wa wɛ yě ɖe ɔ́ dó ǎ. Mɛ ɖé ká ɖɔ: ‘Étɛ́ un ka wa nɛ́’ ǎ. Yě bǐ lɛ́ bɔ wezun nyi do, sɔ́ ɖo ahwangbénu ɖɔhun.

Gbɛvíhan 4:18

Kɛntɔ́ mǐtɔn lɛ́ɛ ɖo mǐ cɔ́ wɛ, mǐ sɔ́ sixú tɔ́n ǎ. Gbɛ mǐtɔn kó ɖo nǎ vɔ wɛ, azǎn mǐtɔn vɔ, xó mǐtɔn fó.

Ezekiyɛ́li 22:12

Yě nɔ́ ɖu nǔ ɖo nǔ mɛ, bó nɔ́ kɔn kanjɔ kɔn nyi ayǐ; yě nɔ́ sa akwɛ́ nú mɛ; yě nɔ́ táfú to yětɔn mɛ nu lɛ́ɛ, bó nɔ́ jɛ dɔkun. Yě nɔ́ wɔn mì. Xó e nyɛ Aklúnɔ Mavɔmavɔ ɖɔ ɔ́ nɛ́.

Ezekiyɛ́li 24:6

Xó e nyɛ Aklúnɔ Mavɔmavɔ ɖo ɖiɖɔ nú Jeluzalɛ́mu wɛ ɔ́ ɖíe: Heelú toxo e mɛ gbɛtɔ́ kanjɔ gɔ́ é. Ganzɛ́n e jɛ ko bɔ è ma sixú ɖe ko sín wú ǎ é ɖɔhun wɛ é cí. Fɔ lan lɛ́ɛ ɖokpó ɖokpó sín zɛ̌n ɔ́ mɛ; ma sɔ́ ɖě bó jó ɖě dó ó.

Ozée 5:1

“Vɔ̌sánú-xwlémawutɔ́ lɛ́ɛ mi, mi ɖótó xó élɔ́! Izlayɛ́li sín gǎn lɛ́ɛ mi, mi lɔmɔ̌ ní ɖótó. Mi mɛ e ɖo axɔ́sú ɔ́ sín hɔnmɛ lɛ́ɛ mi, mi lɔmɔ̌ ní ɖótó. Midɛɛ lɛ́ɛ wɛ ɖó ná ɖɔ hwɛ jlɔ́jlɔ́. Lo ɔ́, fɛ́ca wɛ mi nyí nú togun ce ɖo Misipa, bó nyí ɖɔ bɔ è ɖǒ n'i ɖo Tabɔ́ɔ só jí,

Ozée 6:9

Vɔ̌sánú-xwlémawutɔ́ lɛ́ɛ tɔwu ɖo Sikɛ́mu sín ali jí ajotɔ́ axánsúnxó ɖɔhun, bó ɖo mɛ hu wɛ. Heelúnú e dó sin wɛ yě ɖe lɛ́ɛ nɛ́.

Micée 2:8

Mawu yí gbe bó ɖɔ: “Mi húzú kɛntɔ́ togun ce tɔn. Mɛ ce lɛ́ɛ yi fun ahwan bó lɛ́ kɔ wá kpó jiɖiɖe kpó ɔ́, mi nɔ yí awu ɖaxó yětɔn dó axɔ́ e yě ɖu dó mi ɔ́ nu.

Micée 3:10

Mi zé mɛhuhukwɛ́, kpódó mɛtáfúkwɛ́ e mi nɔ mɔ lɛ́ɛ kpó dó ɖo Jeluzalɛ́mu Mawu sín toxo ɔ́ gba wɛ.

Micée 3:2

Mi ka gbɛ́ wǎn nú ɖagbewiwa, bó yí wǎn nú nǔ nyanya wiwa. Mi nɔ kɔ́n anyǔ sín mɛ ce lɛ́ɛ wú, bó nɔ ɖe lan e ɖo xú yětɔn wú lɛ́ɛ síin.

Zakalíi 11:6

Nyɛ Mawu Mavɔmavɔ ɔ́ lɔmɔ̌ ɖo ɖiɖɔ wɛ ɖɔ un kún ná kú nǔbláwǔ nú mɛ e ɖo ayǐkúngban jí lɛ́ɛ ó. Un ná jó gbɛtɔ́ ɖokpó ɖokpó dó nyi mɛ e ɖo akpá tɔn ɔ́ kpódó axɔ́sú kpó sín acɛ mɛ. Axɔ́sú lɛ́ɛ ná sú nǔ e ɖo ayǐkúngban jí lɛ́ɛ sín kún dó. Un ka ɖo mɛ ɖěbǔ ná hwlɛ́n gán sín alɔ yětɔn mɛ wɛ ǎ.”

Mɛsɛ́dó 24:9

Jwifu lɛ́ɛ ka nɔ xó e Tɛtulúsi ɖɔ ɔ́ jí, bó ɖɔ nǔ nyí mɔ̌ nǔgbó.

1 Samuwɛ́li 24:11

Mɛ ɖésú mɔ din kpó nukún mɛtɔn kpó ɖɔ Mawu Mavɔmavɔ jó mɛ nú mì égbé ɖo sónu élɔ́ mɛ, bɔ è kplɔ́n nǔ mì ɖɔ má hu mɛ. Lo ɔ́, un gbɛ́, ɖó un jló ná hu Sɛ́mɛɖó ce ǎ, ɖó Mawu Mavɔmavɔ wɛ sɔ́ mɛ axɔ́sú.

1 Samuwɛ́li 26:20

É ní ma lɔn nú un kú jɛ zɔ nú Mawu Mavɔmavɔ ó. Sɛ́mɛɖó, nyɛ mɛ e cí jɔ̌ ɖɔhun ɔ́, étɛ́wú è ka ɖo gbě ce nya wɛ? Étɛ́wú è ɖo gbě ce nya wɛ lě e è nɔ ɖo asɔklé nya wɛ gbɔn sókan mɛ sókan mɛ ɔ́ ɖɔhun mɔ̌?”