Micée 7:16 - MAWUXÓWÉMA

¹⁶ Akɔta ɖěvo lɛ́ɛ ná mɔ nǔ énɛ́ lɛ́ɛ, bɔ winnyá ná hu yě, yě syɛ́n káká có winnyá ná hu yě. Nǔ énɛ́ ná kpácá yě káká bɔ yě ná sixú kɛ nu ǎ, bó ká sɔ́ ná jló ná lɛ́ se xó ɖě ǎ.

Micée 7:16 Iomraidhean Croise

Jɔ̌bu 21:5

Mi kpɔ́n nǔ e ɖo wiwa mì wɛ ɔ́, nú mi tunwun wɛ ɔ́, agbɔ̌n wɛ ná kpé mi; alɔ jɛ́n mi ná sɔ́ ɖó nu, mi ná sixú kɛ nu ǎ.

Jɔ̌bu 40:4

“Un nyí nǔtí ǎ. Xó tɛ́ un sixú mɔ ɖɔ dó xó towe wú? Un ko bɔ nu ce dó aɖǔ.

Ɖɛhan 126:2

Énɛ́ ɔ́, mǐ nɔ́ ɖo nǔ ko wɛ, mǐ nɔ́ ɖo xó sú wɛ kpó awǎjijɛ kpó, bɔ akɔta ɖě lɛ́ɛ nɔ́ ɖɔ: “Mawu Mavɔmavɔ bló nǔ ɖaxó nú yě.”

Nǔnywɛ́xó 30:32

Ényí a ko wa xlonɔnú bó kó yí nugo, abǐ a ɖǒ tito nyanya lɛ́ɛ hǔn, tunwun ɖɔ bɛ́ sín din ɔ́, émí ná nɔ abwɛ̌;

Ezayíi 26:11

Mawu Mavɔmavɔ, alɔ towe ɖo adǎn jí, yě ká mɔ ǎ. Yě ná mɔ lě e a nɔ jɛ hun dó togun towe jí kpó wǎn yíyí kpó gbɔn é, bɔ winnyá ná hu yě; zo e a zě ɖó te nú kɛntɔ́ towe lɛ́ɛ ní fyɔ́ yě.

Ezayíi 52:15

Amɔ̌, din ɔ́, xó tɔn kpácá togun gěgé; axɔ́sú lɛ́ɛ sɔ́ ná tunwun nǔ e yě ná ɖɔ ɖo nukɔn tɔn é ǎ, ɖó nǔ e mɔ wɛ yě ɖe ɔ́ gbɔn vo nú nǔ e è ɖɔ nú yě ɔ́. Nǔ e kpɔ́n wɛ yě ɖe é kpó nǔ e yě se ɔ́ kpó nyí nǔ ɖokpó ɔ́ ǎ.”

Ezayíi 66:18

Mawu ɖɔ: “Un tunwun nǔ e yě nɔ́ wa ɔ́, bó tunwun nǔ e yě nɔ́ lin ɔ́. Un ná wá bó ná kplé togun e nɔ dó gbe tɛnmɛ tɛnmɛ lɛ́ɛ bǐ; yě bǐ ná wá bó ná mɔ susu ce.

Ezekiyɛ́li 38:23

Énɛ́ ɔ́, un ná ɖe xlɛ́ akɔta lɛ́ɛ bǐ ɖɔ nyɛ wɛ nyí Mawu e kló bó nyí Mawu mímɛ́ é, bɔ yě ná tunwun ɖɔ nyi wɛ nyí Mawu Mavɔmavɔ.”

Micée 3:7

Mɛ e nɔ ɖɔ nǔ e ná wá jɛ lɛ́ɛ bǐ ná ɖu winnyá, bó cyɔ́n alɔ nukún mɛ, ɖó Mawu sɔ́ ná nɔ yí gbe nú yě ǎ.

Micée 5:8

Izlayɛ́li, tɔ́n ahwan kɛntɔ́ towe lɛ́ɛ, bó vúnvún yě bǐ.

Ajée 2:22

Un ná flí zinkpo sín axɔ́sú lɛ́ɛ glɔ́, bó ná hu acɛ nú axɔ́súɖuto e ɖo ayǐkúngban jí lɛ́ɛ bǐ. Un ná flí ahwanhún lɛ́ɛ kpó mɛ e ɖo kunkun wɛ lɛ́ɛ kpó nyi kɔ́ mɛ. Sɔ́ lɛ́ɛ ná kú bɔ sɔ́xátɔ́ lɛ́ɛ ná hu yěɖée.

Zakalíi 12:9

Mawu Mavɔmavɔ ɖɔ: “Hwenɛ́nu ɔ́, un ná wá, bó ná vívá akɔta e ná wá tɔ́n ahwan Jeluzalɛ́mu lɛ́ɛ bǐ.

Hlɔ̌manu 3:19

Mǐ ka tunwun ɖɔ nǔ e ɖɔ wɛ sɛ́n lɛ́ɛ ɖe ɔ́ bǐ ɔ́, mɛ e ɖo sɛ́n lɛ́ɛ glɔ́ lɛ́ɛ ɖɔ ná wɛ yě ɖe, bónú è nǎ xwe nu yětɔn dó xɔ, bónú Mawu ná ɖɔ hwɛ xá gbɛtɔ́ e ɖo gbɛ ɔ́ mɛ lɛ́ɛ bǐ.

Nǔɖexlɛ́mɛ 11:18

To lɛ́ɛ ko ɖo adǎn jí ɖ'ayǐ, amɔ̌ hwenu e a nǎ ɖe xomɛsin towe xlɛ́ dó ɔ́ su; hwenu e a nǎ ɖɔ hwɛ xá mɛkúkú lɛ́ɛ dó ɔ́ su; hwenu e a nǎ ná ajɔ gbeyíɖɔ mɛsɛntɔ́ towe lɛ́ɛ dó ɔ́ su. Mɛ e nyí towe lɛ́ɛ kpódó mɛ e nɔ sí we lɛ́ɛ bǐ kpó ɔ́, yě tlɛ nyí mɛxó abǐ yɔkpɔ́vú ɔ́, hwenu e a nǎ ná ajɔ yě dó ɔ́ su; hwenu e a nǎ vívá mɛ e nɔ hɛn ayǐkúngban ɔ́ gblé lɛ́ɛ sín kún dó ɔ́ su.”