Micée 7:11 - MAWUXÓWÉMA

¹¹ Jeluzalɛ́munu lɛ́ɛ mi, azǎn ɖé gbe ná su, bɔ un ná vɔ́ to mitɔn sín dǒ lɛ́ɛ mɛ. Gbe énɛ́ ɔ́ gbe ɔ́, Mawu ná bló bɔ ayǐkúngban e jí mi ɖe din ɔ́ ná lɛ́ dó agba d'é jí.

Micée 7:11 Iomraidhean Croise

Nɛɛmíi 2:17

Lo ɔ́, un wá ɖɔ nú yě ɖɔ: mi mɔ ya e mɛ mi ɖe ɔ́, Jeluzalɛ́mu to ɔ́ gba bǐ, bɔ è dǒ hɔntogbó tɔn lɛ́ɛ zo. Mi wá mǐ ní yi vɔ́ Jeluzalɛ́mu dǒ lɛ́ɛ mɛ, bó ná dó ɖó winnyánú élɔ́ te.

Nɛɛmíi 2:8

È nǐ lɛ́ bló wěma ɖěvo nú mì nú má sɔ́ jó nú Asáfu e kpa acɛ ɖo zungbó mɛtɔn lɛ́ɛ nu é, nú é ná ná mì atín nú ahohó sín hɔntogbó lɛ́ɛ, bó ná ná atín nú ahohó e ɖo Mawu xwé ɔ́ kpá lɛ́ɛ é, lobo ná ná atín nú dǒ e è mɛ lɛ́ lɛ̌ dó toxo ɔ́ e, lobo ná ná atín nú xwé nyi ɖésú tɔn.” Dadá ɔ́ ná wěma énɛ́ lɛ́ɛ mì, ɖó Mawu ce cyɔ́n alɔ jǐ ce.

Nɛɛmíi 4:3

Énɛ́ wú ɔ́, mǐ sa vo nú Mawu mǐtɔn, bó ɖe gbɛtɔ́, bɔ mɛ ɖě nɔ́ nya xɛ ɖo mǐ jí zǎn mɛ, bɔ mɛ ɖě nɔ́ nya kéze, bónú kɛntɔ́ lɛ́ɛ ja ahwan tɔ́n mǐ gbé ɔ́, yě ná ɖɔ nú mǐ.

Nɛɛmíi 4:6

Jwifu e ɖo akpá e xwé kɛntɔ́ mǐtɔn lɛ́ɛ ɖe lɛ́ɛ wá mǐ gɔ́n azɔn wǒ, bó wá gba akpá nú mǐ; yě ɖɔ ali ɖěɖě e gbɔn gbé kɛntɔ́ mǐtɔn lɛ́ɛ ja bó ná wá kpé mǐ wú ɔ́ nú mǐ.

Ezayíi 54:11

Mawu ɖɔ: “Jeluzalɛ́mu gbɛ̌dónánɔ, jɔhɔn ɖaxó ɖé ɖo dǐndán we wɛ; mɛ ɖé ka ɖe bó ná dó wǔsyɛ́n lanmɛ nú we ǎ. Nyɛ Mawu Mavɔmavɔ ɔ́, un ná vɔ́ we gbá kpó awǐnnya ɖagbe ɖagbe kpó. Awǐnnya safíi wɛ un ná dó dó dǒ towe do.

Ezayíi 54:2

Énɛ́ ɔ́ wú ɔ́, gblǒ ada nú goxɔ towe; vlɔ̌n goxɔ towe sín avɔ lɛ́ɛ ganjí, ma ɖɔ avɔ lɛ́ɛ vɛ́ axi ó. Nyi xɔkan towe ní ɖi ga, xwe só towe lɛ́ɛ ganjí.

Ezayíi 58:12

Énɛ́ ɔ́, dǒ e kó mu ɖ'ayǐ lɛ́ɛ ɔ́, a nǎ vɔ́ bǐ mɛ. Xɔ e ko mu sín xóxó hwenu lɛ́ɛ ɔ́, a nǎ vɔ́ yě mɛ ɖó dodó yětɔn jí. È nǎ nɔ́ ylɔ́ we ɖɔ ‘Fí e dǒ mu ɖé lɛ́ɛ blóɖótɔ́.’ Bó ná nɔ́ ylɔ́ we ɖɔ ‘Ali e gblé lɛ́ɛ blóɖótɔ́.’ ”

Ezayíi 61:4

Dǒ e kó mu sín xóxó hwenu lɛ́ɛ ɔ́, yě ná vɔ́ mɛ. Xwé e è ko gba bɔ é ko lín lɛ́ɛ ɔ́, yě ná bló ɖó. Toxo e è ko gba bɔ yě ɖo mɔ̌ sín tɔ́gbó tɔgbo yětɔn lɛ́ɛ hwenu ɔ́, yě ná vɔ́ bló ɖó.

Daniyɛ́li 9:25

Nǔ e a ka ɖó ná tunwun bó ná mɔ nǔ jɛ wú ɔ́ ɖíe: Sín hwenu e è ɖǒ wɛn e ɖɔ xó dó kɔ lɛ́ sín gbějí wá ɔ́ wú, bó ɖɔ dó Jeluzalɛ́mu toxo ɔ́ ná vɔ́ gbá ɔ́ wú káká wá jɛ gǎn e jí è ylɔ̌ Mawu nyíkɔ dó ɔ́ sín wǐwá hwenu ɔ́ wú ɔ́, é kó bló xwe tɛ́nwe tɛ́nwe donu tɛ́nwe. Énɛ́ ɔ́ gúdo ɔ́, ɖo xwe tɛ́nwe tɛ́nwe donu kanɖé ko-nukún-we (62) mɛ ɔ́, è nǎ lɛ́ vɔ́ toxo ɔ́ kpódó ahohó tɔn lɛ́ɛ bǐ kpó bló ɖó. Amɔ̌, hwe énɛ́ lɛ́ɛ nu ná nyí hwenu vɛ́ wǔ ɖésú.