Micée 7:10 - MAWUXÓWÉMA

¹⁰ Kɛntɔ́ ce lɛ́ɛ ná mɔ nǔ e jɛ nɛ́ ɔ́, bɔ winnyá ná hu yě. Yě mɛ e nɔ kanbyɔ́ mì ɖ'ayǐ ɖɔ: “Fítɛ́ Mawu Mavɔmavɔ, Mawu towe ká ɖe” a jí lɛ́ɛ ɔ́, è nǎ gbídí yě ɖó afɔ wú lě e è nɔ ɖo zɔnlin ɖi wɛ bó nɔ́ gbídí babá ɖó afɔ wú é ɖɔhun, bɔ un ná mɔ kpó nukún ce lɛ́ɛ kpó, bó ná j'awǎ.

Micée 7:10 Iomraidhean Croise

2 Samuwɛ́li 22:43

Un nɔ li yě kɔ́ ɖɔhun, un nɔ li yě kpɔ́ɖɔ́kpɔ́ɖɔ́, un nɔ gbídí yě babá e ɖo ali jí é ɖɔhun.

Ɖɛhan 109:29

Hɛ̌n ní nyí awu nú kɛntɔ́ ce lɛ́ɛ, winnyá ní nyí avɔ nú yě.

Ɖɛhan 115:2

Étɛ́wú akɔta lɛ́ɛ nɔ́ ɖɔ: “Fítɛ́ Mawu yětɔn ka ɖe?”

Ɖɛhan 18:42

Yě nɔ́ ba mɛ e ná hwlɛ́n yě gán ɔ́ gbɔn fí bǐ bó nɔ́ ba kpo. Yě nɔ́ sú xó ylɔ́ Mawu Mavɔmavɔ; Mawu Mavɔmavɔ ká nɔ́ kɛ nu d'é mɛ nú yě ǎ.

Ɖɛhan 35:26

Yě mɛ e nǔ wa mì, bɔ é víví nú yě lɛ́ɛ bǐ ní flú bó ɖu winnyá. Yě mɛ e sí te dó jǐ ce lɛ́ɛ bǐ ní ɖu winnyá bó ɖu hɛ̌n.

Ɖɛhan 42:10

Un jló ná kanbyɔ́ Mawu, só e un kpɛn zɔn é ɖɔ: “Nɛ̌ ká gbɔn bɔ a wɔn mì? Nɛ̌ ká gbɔn bɔ un ná nɔ́ ɖo yiyi wɛ wǔbláwúblá ɖó ya e dó nú mì wɛ kɛntɔ́ ɖe ɔ́ wú?”

Ɖɛhan 42:3

Mawu sín kɔ ɖo xúxú mì wɛ; Mawu gbɛɖe ɔ́ sín kɔ ɖo xúxú mì wɛ. Hwetɛ́nu un ka ná sixú byɔ́ xɔ tɔn mɛ, bó ná yi nɔtɛn tɔn?

Ɖɛhan 58:10

Wunkan wɛ yě nyí; cóbónú wunkan ɔ́ ká ná dó wunkan ɔ́, axásáxásá jɔhɔn ní wá bɛ́ bǐ yi, é sixú kó xú, é ká sixú kpo ɖo mǔ.

Ɖɛhan 79:10

Étɛ́wú akɔta ɖě lɛ́ɛ ná kanbyɔ́ ɖɔ: “Fítɛ́ Mawu yětɔn ká ɖe?” Mɛsɛntɔ́ towe e sín hun è kɔn nyi ayǐ lɛ́ɛ ɔ́, lě e a nɔ ba hlɔn nú yě gbɔn ɔ́, ɖe xlɛ́ akɔta énɛ́ lɛ́ɛ ɖo nukún mǐtɔn mɛ.

Ɖɛhan 92:12

Kɛntɔ́ ce lɛ́ɛ ɖo ayǐ jɛ wɛ bɔ un ɖo yě kpɔ́n wɛ; yě ɖo alě ná wɛ, bɔ un ɖo sise wɛ ɖótó wú.

Ezayíi 26:11

Mawu Mavɔmavɔ, alɔ towe ɖo adǎn jí, yě ká mɔ ǎ. Yě ná mɔ lě e a nɔ jɛ hun dó togun towe jí kpó wǎn yíyí kpó gbɔn é, bɔ winnyá ná hu yě; zo e a zě ɖó te nú kɛntɔ́ towe lɛ́ɛ ní fyɔ́ yě.

Ezayíi 41:25

Un sɔ́ mɛ ɖokpó ɖó ali jí sín totaligbé bɔ é jǎwe. Nyǐkɔ ce ɖo nu tɔn. É nɔ́ gbídí gǎn lɛ́ɛ ɖó afɔ wú, mɛ ɖo kɔ́ nya wɛ ɖɔhun; é nɔ́ gbídí yě zɛ̌nmɛtɔ́ ɖo ko nya wɛ ɖɔhun.

Jelemíi 49:15

Xó e Mawu ɖɔ dó Edɔ́mu wú ɔ́ ɖíe; é ɖɔ: “Edɔ́mu, un na sɔ́ we dó húzú akɔta kpɛví ɖo akɔta lɛ́ɛ bǐ tɛ́ntin; mɛ bǐ na gbɛ́ wǎn nú we.

Jelemíi 51:24

Mawu Mavɔmavɔ ɖɔ: “Nǔ e Babilɔ́nu xɔ́sú ɔ́ kpó Babilɔ́nunu lɛ́ɛ kpó wa xá Sinyɔ́ɔ ɔ́ bǐ sín axɔ́ wɛ un na sú yě ɖo nukún mitɔn mɛ.

Jelemíi 51:51

“Ée mǐ se hɛ̌nnú énɛ́ e ɖɔ wɛ è ɖe lɛ́ɛ ɔ́, mǐ dán ɖě wa gbɔn. Hwenu e mǐ se ɖɔ to ɖěvo mɛ nu lɛ́ɛ byɔ́ Mawu Mavɔmavɔ xwé gbe ɔ́, winnyá hu mǐ, mǐ sɔ́ sixú zé ta ǎ.”

Ezekiyɛ́li 7:18

Yě ná bɛ́ ati kplá; xɛsi ɖaxó ɖé ná ɖo yě jí; winnyá ná ɖo nukún yětɔn ta; yě ná xwlɛ́ ta, ɖó yě ɖo aluwɛ mɛ.

Daniyɛ́li 3:15

Din ɔ́, mi nɔ acéjí. Mi ná lɛ́ se ahwankpɛn, kpete, kanhún, kpó nǔxonú alɔkpa alɔkpa kpó sín gbe, lobo ná jɛ kpo bó ɖe kɔ́ nú bǒcyɔ ɔ́. Ényí mi ma ɖe kɔ́ ná ǎ ɔ́, è nǎ bɛ́ mi dó myɔkpó e mɛ myɔ ɖo jiji ɖe wɛ hɛhɛ é mɛ din tlóló, bɔ un ná kpɔ́n vodún e ná yí mi sín fɛn ce mɛ é.”

Jowɛ́li 2:17

Vɔ̌sánú-xwlémawutɔ́ azɔ̌watɔ́ Mawu Mavɔmavɔ tɔn lɛ́ɛ ní ya avǐ ɖo Mawu Mavɔmavɔ sín xwé gbe, ɖo agba ɔ́ kpó vɔ̌sákpe ɔ́ kpó tɛ́ntin. Yě ní ɖɔ: “Mawu Mavɔmavɔ, kú nǔbláwǔ nú mǐ mɛ towe lɛ́ɛ. Ma jó mǐ mɛ towe lɛ́ɛ dó nú mǐ ɖu winnyá ó. Ma lɔn nú akɔta ɖěvo lɛ́ɛ ɖɔ slǎmɛ mǐ wú ɖɔ fítɛ́ Mawu yětɔn ka ɖe a jí ó.”

Abudiyási 1:10

“Edɔ́mu, a nǎ ɖu winnyá bɔ é ná vɛ́ jlɛ́. È nǎ vívá kún towe bǐ sésé, ɖó adǎka e a xo nɔví towe Jakɔ́bu ví lɛ́ɛ wú é wútu.

Abudiyási 1:12

Hwenu e awě ɖo nɔví towe Judáanu lɛ́ɛ xo wɛ ɔ́, é ná kó gɔn nukún towe mɛ nyɔ́. Hwenu e è ɖo nǔ yětɔn hɛn gblé wɛ ɔ́, xomɛ ná ko gɔn hunhun we, hwenu e yě ɖo wǔvɛ́ mɔ wɛ ɔ́, a nǎ kó gɔn yě zun.

Micée 4:11

Din ɔ́, akɔta gěgé ko sɛ ta kplé dó mi wú, bó nɔ ɖɔ è nǐ kɔ́n wi nú to mitɔn, bónú émí ná mɔ lě e Jeluzalɛ́mu toxo ɔ́ ná gba gbɔn é.

Micée 7:8

Kɛntɔ́ ce lɛ́ɛ mi, mi ma ko mì ó, ɖó un na bo jɛ ayǐ ɔ́, un ná lɛ́ fɔ́n; un na bo ɖo zǐnflú mɛ din ɔ́, Mawu Mavɔmavɔ ná ná wěziza mì, ɖó é wɛ nyí wěziza ce.

Sofoníi 3:15

Mawu Mavɔmavɔ ɖe hwɛ e è ɖǒ nú mi é síin. É nya kɛntɔ́ mitɔn lɛ́ɛ dó gbě. Mawu Mavɔmavɔ Izlayɛ́li xɔ́sú ɔ́ ɖo kpɔ́ xá mi, nǔ nyanya sɔ́ ná ɖó adohu nú mi ǎ.

Zakalíi 10:5

Yě ná nyí ahwanfuntɔ́ syɛ́nsyɛ́n, bó ná nɔ́ gbídí mɛ e ɖo ahwan fun xá yě wɛ lɛ́ɛ ɖó afɔ wú babá e ɖo ali jí é ɖɔhun. Yě ná fun ahwan gbɔn mɔ̌ ɖó nyɛ Mawu Mavɔmavɔ ɔ́, un ɖo kpɔ́ xá yě. Énɛ́ ɔ́, winnyá ná hu kɛntɔ́ sɔ́xátɔ́ lɛ́ɛ.

Malacíi 1:5

Mi Izlayɛ́li ví lɛ́ɛ na mɔ nǔ énɛ́ lɛ́ɛ bǐ, bó ná ɖɔ: ‘Mawu Mavɔmavɔ nɔ ɖe hlɔ̌nhlɔ́n tɔn xlɛ́ ɖo to e ma tlɛ ɖo Izlayɛ́li yíkúngban jí ǎ lɛ́ɛ lɔ mɛ.’ ”

Matíe 27:43

É ɖeji dó Mawu wú; nú Mawu ɔ́ yí wǎn n'i nǔgbó hǔn, ní bó hwlɛ́n ɛ gán nú mǐ ná kpɔ́n; ɖó é ɖɔ: ‘Un nyí Mawu ví.’ ”

Jozuwée 7:9

Kanáanu lɛ́ɛ kpó mɛ e ɖo to ɔ́ mɛ lɛ́ɛ bǐ kpó ná se xó énɛ́ ɔ́, bó ná wá xá mǐ, lobo ná sú kún mǐtɔn dó. Ényí nǔ ká cí mɔ̌ ɔ́, nɛ̌ wɛ a nǎ ɖe susu towe xlɛ́ gbɔn lo?”

Nǔɖexlɛ́mɛ 18:20

Jǐnukúnsin! Jɛ awǎ ɖó gba e é gba ɔ́ wú! Mɛɖeɖóvo Mawu tɔn lɛ́ɛ, mɛsɛ́dó lɛ́ɛ kpó gbeyíɖɔ lɛ́ɛ kpó e, mi lɔmɔ̌ ní jɛ awǎ! Đó Mawu ko ɖó nǔ nyanya e é wa nú mi ɔ́ sín hwɛ n'i.