Micée 6:3 - MAWUXÓWÉMA

³ Mawu Mavɔmavɔ ɖɔ: “Togun ce, nǔ nyanya tɛ́ wɛ un ka wa dó mi? Étɛ́ mɛ wɛ un nyí agban bó kpɛn mi ɖe? Mi yí gbe nú mì!

Micée 6:3 Iomraidhean Croise

Ɖɛhan 50:7

“Togun ce, ɖǒtó mì má ɖɔ xó nú we; Izlayɛ́li, un ná dó hwɛ we, nyi wɛ nyí Mawu, Mawu towe.

Ɖɛhan 51:4

Lɛ nǔ e un wa nyi do lɛ́ɛ bǐ sín kɔ nú mì, slá wǔ nú mì bónú hwɛ e un hu ɔ́ ná gosín kɔ ce.

Ɖɛhan 81:13

Énɛ́ ɔ́, un gbɔ bo jó yě dó nyi tó tlítlí yětɔn mɛ, bɔ yě xwedó linlin yě ɖésúnɔ tɔn lɛ́ɛ.

Ɖɛhan 81:8

Adǎn ɖo gbigbo we wɛ bɔ a sú xó ylɔ́ mì, bɔ un hwlɛ́n we. Un zɔn jɔhɔn ɖaxó ɖé mɛ bó wá hwlɛ́n we gán. Un tɛ́n we kpɔ́n ɖo Mɛliba sin ɔ́ kɔn. Agbɔ̌n

Ezayíi 5:4

Étɛ́ ká kpo bɔ un ɖó ná bló nú vǐwungle ce bó má kó bló ǎ? Étɛ́wú wɛ hwenu e un ɖó nukún ɖɔ é ná ná sínsɛ́n ɖagbe ɔ́, é sɛ́n sínsɛ́n gblégblé ɖé lɛ́ɛ? Étɛ́wú ká wɛ?

Jelemíi 2:31

Dinví e mi, mi ɖótó xó e ɖɔ wɛ Mawu Mavɔmavɔ ɖe ɔ́ ganjí. Gbětótló wɛ un nyí nú Izlayɛ́li to ɔ́ a? To e dó ablu ɔ́ wɛ un nyí n'i a? Étɛ́wú togun ce ka nɔ ɖɔ: ‘Mǐ ɖo jlokoko, mǐ jló ná lɛ́ kɔ wá gɔ̌n towe ǎ?’

Jelemíi 2:5

Mi ɖótó xó e ɖɔ wɛ nyɛ Mawu Mavɔmavɔ ɖe ɔ́: Hɛ̌n tɛ́ tɔ́gbó mitɔn lɛ́ɛ ka mɔ ɖo wǔ ce bó hɔn nú mì? Étɛ́wú yě jɛ vodún nǔ ma ɖó ta ɖé lɛ́ɛ xwe dó jí, bɔ yě ɖésúnɔ wá húzú nǔ ma ɖó ta ɖé?

Micée 6:5

Togun ce, hwenu e Balaki axɔ́sú Mɔwabu tɔn ɔ́ ɖo linlin wɛ ná wa nǔ dó mi ɔ́, xósin e Baláamu Beɔ́ɔ ví ɔ́ ná ɛ ɔ́, mi flín a? Énɛ́ ɔ́ gúdo ɔ́, un kplá mi sín Citímu káká wá Gilugalu, bónú mi ná mɔ ɖagbe e nyɛ Mawu Mavɔmavɔ mitɔn wa nú mi lɛ́ɛ é.”

Hlɔ̌manu 3:19

Mǐ ka tunwun ɖɔ nǔ e ɖɔ wɛ sɛ́n lɛ́ɛ ɖe ɔ́ bǐ ɔ́, mɛ e ɖo sɛ́n lɛ́ɛ glɔ́ lɛ́ɛ ɖɔ ná wɛ yě ɖe, bónú è nǎ xwe nu yětɔn dó xɔ, bónú Mawu ná ɖɔ hwɛ xá gbɛtɔ́ e ɖo gbɛ ɔ́ mɛ lɛ́ɛ bǐ.